15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
السلام عليكم ورحمة الله وبركاته
ناوي ان شاء الله أسير على أبها الأسبوع القادم
وأرغب في سكن صغير ومميز وسعره معقول ويفضل نظام شاليه أو فندق
يكون متوفر فيه نادي صحي وصالة لياقة وألعاب أطفال
وأيضا يكون فيه أو قريب منه مطعم وتموينات
الميزانية اليومية للسكن بين 400 و 500 ريال
أرجو أن تتفضلوا علي بكتابة اسم السكن ورقم الهاتف
شاكر ومقدر لكم مقدماً
فيه حياة أبها كويسة قريبه من المفتاحه ومطلة على الممشى وحديقة السد
تلفونهم 072298092
وفيه شقق اسمها برج أبها مميزة جداً وسعرها طيب موقعهم في جبل ذره من الجهة الشمالية الشرقية من جهة الشارع المقابل للمرور 072255000
وأحسن مكان لي عشان الدي إس إل الخليوي بودل بس مش متهوي ومشمس
وهو بجوار سوق الخضار والتمر بأبها في سوق أبها مول
بس إذا عائلة كبيرة لا خذ برج أبها ممتاز وشكراً
وترى إجابتي إجابة رجال خبيييير بأبها
وممكن أقل لك الناجي بلازا
أو أبهى القصور
بس الثلاث الأولى عندي أزين سيما برج أبها بس شف شقة متهوية صح ، وعنده ستعي لي لمدة شهرين بلا كلل ولا ملل
مكشاتي متقدم
الله يجزاك ألف خير أخوي راعي بيشة
وألف شكر على تجاوبك
ولو أني بأثقل عليك شوي
ولكنك توهتني بردك
أنا وزوجتي وطفلي رضيع
لو أنت مكاني وين تسكن بالضبط
أبي سكن مميز وإطلاله حلوه وخدمات راقيه
مكشاتي متقدم
عندك قرية شيخه على طريق السوده ومنتجع السوده
والله يا خوي توني قبل دقائق واصل من أبها
أنا وزوجتي وولدي
سكنت كما هي عادتي في بودل الخليوي
وبما إنك كذلك فهي منااااسبة لك
وسكنت ها اليومين بسعر 220 تقريباً شامل الخدمة وهو تقريباً خمس نجوم
صح ماهو خمس نجوم بس كنه 5 نجوم في الجمال والجودة والفخامة
طبعاً أنا لدي بطاقة عضوية وبطاقة معلم
وربما تاخذها بنفس السعر بدون هذه البطاقات
بس حبيت أنوه عشان يمكن يختلف السعر يعطونك بـ 250 مثلاً
بس في الصيف ما أعتقد انها رح تنزل عن 350
فيما أظن
موضوع الإطلاله بعض الغرف فيها تهوية في بودل وأخرى ليس لها
أنا أشوف مش مهم كثير المهم
إذا خرجت ضبط تمشيتك في السودة وعليك بكرسيين طيبة لك ولام العيال والصغير ما عليك منه علقه في أطرف شجرة:d وخذ معك فاكهة وذره " حبش " للشوي وشد حيلك بئه
وبعدين نسيت أقلك :
فيه فندق قصر أبها فخم وخمس نجوم وفاخر جداً إذا ممكن تدفع ما يقارب 600
أو إذا كنت ممن لا يهتم بالدراهم
بس بودل يؤدي الواجب وزياده
بالمناسبة هل تعرف أبها جيداً
إذا ما تعرفها قلي خلني أسوي لك حتت برنامج سياحي ولا أحلى
مو برنامج برنامج
يعني محاولة
مكشاتي متقدم
المشاركة الأصلية كتبت بواسطة راعي بيشة
مشكور أخي الكريم راعي بيشة ...
وأشكر لك ردك وخدمتك لاخوانك أعضاء المنتدى وزواره ..
أنا إن شاء الله ناوي أبها في شهر 7 هجري يعني يمكن من 15/7 ومابعده .. وش رايك بالسكن يكون غالي أو رخيص وهل فيه امكانية حجز من الآن ..
وكان ماعليك كلافة أرجو وضع برنامج حق 15 يوم ..
شاكرا ومقدرا لك أخي الكريم راعي بيشة ..
عضو لم يفعل تسجيله
اخوي راعي بيشة
سكن بودل كان العام الماضي بشهر سبعة مايقل عن 700 ريال .. سكنت بشقق التوفيق على الدائري بـ400 ريال وقالو ترى بعد كم يوم راح يرتفع السعر لـ 600 ريال
يعني هبال
السنة هذي راح اسكن ان شاء الله يابالخميس بابطريق الفرعة .. يقولون ارخص
مداخلة بسيطة:
في واحد من الشباب من اهل الجنوب .. راسلته مثل هالوقت من العام الماضي ووعدني باحداثيات بابها تنفع للعوائل ووصف لاماكن جيدة وماوافانا الرد وكرهت اني اكرر الطلب اكثر من مرتين..
فياليت من اهل الديرة يخبرونا بالاماكن الجيدة غير المشهورة .. لا احد يقولي السودة ولا القرعا ولا منزه الامير سلطان .. هذي نعرفها بدون خريطة ولا احداثية .. نبي اماكن صادة للعائلة وتحس انك بماليزيا ماخذ راحتك وبعيد عن عريبيا
مكشاتي متواصل
السلام عليكم
يااخوي الوافي آسف على التطفل ولكن منك العذر والسموحة ودي مداخلة مع الاخوان راعي بيشة والي عندهم خبره انا ان شاء الله ناوي مثلك ولكن ابي بالعربي آجار رخيص يعني معقول مهوب اليوم ب300 و400 والله لوانا نقحش الفلوس قحش0
العائلة 3 نفر بس 0
يالله تكفون برمجوني قصدي عطوني برنامج مع سكن
شاكر لكم صنيعكم ولكم مني الدعاء
أحس إني تورطت
عموماً أبشروا والله بعزكم
هالحين تونا أصبحنا وكم دقيقة ونتجه على الدوام بس موعدنا الليلة إن شاء الله
انتظروني
بن غييثات مبدئياً الواديين وتمنية ربما تناسبك
وللحديث بقية
بس ترى يابن غييثات فيه ناس ما يبون الهدوء اللي تبيه يبون الناس حولهم والصخب ، وفيه ناس ومنهم ربما أخوي الوفي يبي " حاجة برستيج " ما يبي مطلبك أنت
طيب
سأرجع لكم بس ألحق ألبس ثيابي وأشغل الموتر . . . .
مكشاتي
أخوي راعي بيشة
أنا سكنت بالواديين وحقيقة المنطقة حلوووووووة
ودي هالسنة أسكن بها تقدر تعطيني رقم أحد يخدمني >>>ودي بفلة داخل وسط المزارع
عضو لم يفعل تسجيله
لللللللللللللللا وانا اخوك
انا ماودي بالواديين ولا بغيرها من المناطق السكنية الهادئة
انا ودي بقلب ابها لاني راعي سهر ودوجات .. لكن السكن هناك غالي جداً .. اقولك بودل لقيت فيها سويت بفوق 700 ريال .. يعني خلال 3 اسابيع راح اصرف 15000 على السكن وليته يستاهل.
الاماكن الهدئة الي ذكرتها اقصد فيها الاماكن الصاده للتمشية اثناء النهار.. ماراح اقضي يومي كله بين الناس بالسوده وزحمة السودة ولا بالقرعا وغيرها.. اذا عند اعضاء مكشات بابها اماكن سياحية بكر .. ياليت يعطونا خبر فيها..
العام الماضي رحت للسودة .. منزه الامير سلطان .. نزلت رجال المع .. رحت للشقيق .. طلعت النماص وتنومة يعني مشاوير علشان ادور ارض بعيدة عن زحمة الشباب او بعض العوائل ايضاً.
مكشاتي متواصل
وفقك الله اخي ولاتورط ولا شي الي تقدر عليه علمنا به والي ماتقدر مسموح ورايك بيضا 0
والشكر موصول لجميع من أدلى بمعلومة ولوبسيطة ولا انسى اخي الوفي الي جينا وجلسنا بمجلسه من دون اذنه 0
مكشاتي متواصل
ياراعي بيشه عجل علينا تراني مثل الربع ناوي على ابها
سوف أرجع لكم بإجابات أرجوا أن تفيدكم وإن شاء الله تفيدكم بس لا تستعجلون علي وستجدون مرادكم إن شاء الله
فيه مناطق مثل رظف وهو حي بأبها ، وطريق السودة ، وطريق القرعا ، وتمنية ، وطريق آل يوسف بعد مصلى العيد
هذي فيها سكن فيه عدة مميزات مثل السعر الطيب لأن بعضهم يخلي منزله للسواح
وفيها ميزة أخرى وهي إنه في منطقة صاده وطبيعتها طيبة
وفي طريق السوده والقرعا مجمعات طيبة جداً حتى في سعرها
وفيه الأنتركونتانينتال في السوده طبعاً غالي لأنه 5 نجوم كما تعرفون ربما يصلح لبعض الشباب اللي يهتم بالكشته دائماً والطبيعة ، ولا يكثّر تسوق
وفيه أحد الشباب من أبها رجل طيب وراعي دين ممكن يفيد البعض وخدوم جداً اللي يبي رقمه أرسله له على الخاص
وسوف أرجع لأكمال الموضوع إن شاء الله
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
