ابي احسن مكان تربيط باترول ويكون سعره مناسب برياض او غير الرياض
بس اهم شي الشغل
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي برونزي
ابي احسن مكان تربيط باترول ويكون سعره مناسب برياض او غير الرياض
بس اهم شي الشغل
مكشاتي نشيط
تبي موترك يرجع جديد؟
رح لورشة النويصر بالصناعيه القديمه وماتندم ..
وتراي مصلح عندهم كذا سياره الصراحه روعه بالشغل ....
وتقبل تحياتي
عيون الغلا
مكشاتي برونزي
اسمع ان اهل قطر والقصيم يربطون في ورش بالاحساء رخيصه ومع الضمان وتخصصهم الباترول
عضو موقوف
يالطيب مــــــهوب على كل حال التربيط
يجلسون يشــــــدون بالصــواميل اللي تحت من الصـــدام للصدام
على غير سنع !!!!!
بعض الصواميل تشدها وهي مشدوده أصلا !! مامنها خلاف وبعض الصواميل تشدها وتنحل
أو تنفرط او تزوك منها الربلة .....
وبعض الصواميل ... تنكسر ومايعلموووووونك يسبطون ويسكتون مايخبرونك ..
لذلك الأفضل تغيير الربلات اللي منتهية واللي فعلا تحتاج تغيير أفضل من التربيط العام اللي غالي جدا جدا
مدري ليش غالي كأنك قايل للورشة توضيب مكينه وليس تربيط !!!!!!!!!
مكشاتي متواصل
أسعارهم غاليه صحيحالمشاركة الأصلية كتبت بواسطة دوار العويضة
مكشاتي برونزي
مشكورين على مروركم
انا سمعت عن حقين الأحساء بس مدري عن سعرهم
مكشاتي
السلام عليكم
بالرياض:
- ورشة السفريات لابن مرضاح شارع الجمعية الصناعية القديمة ( عليه الغلى )
- ورشة القصيم بجانب ورشة السفريات شارع الجمعية شغلهم زين وارخص من السفريات.
هذا اللي اعرف
مكشاتي برونزي
أنا معي الباترول اللي بالتوقيع وديته للصناعيه داخل الرياض ورحة لورشه أسمها مرات وفيها يمني شايب أسمه مبارك وخليته يربطلي بطن الموتر من تحت فقط ومع تغيير الجلب من عنده شغل محلي أحسن من جلب الوكاله وأقوى ويسمونها خنازير وخليته يوزن الكبوت والصدام الأمامي وأشتغل شغل خيالي وخذا علي 400 ريال فقط وبعدين رحت لورشة النويصر وقلت لهم أبيكم تربطون السياره من داخل فقط مع وزن البيبان وحشي الجلب ليات حقات مكيف عشان ما يدخل هوا وخذو علي 700 ريال وللمعلوميه لو وديته للنويصر على طول كان خذو علي شغل أيديهم من غير الجلب 1800 ريال سعرهم غالي بس أنا وفرت على نفسي كثير ،،،،،
.....
مكشاتي متواصل
اسحلي انا كنت اربط عند النويصر وكان شغلهم ولا اروع والشايب(ابو الولد الي الحين ماسك الورشة) كان يطلع يجرب الموتر في البرحه الي مخرج16 بس بعد ماجاء الولد صارة التربيط عندهم سئ للغاية
انامجربهم قبل وبعد انا وابوي حتى العمال طفشانين من تعامل الولد
الان رح ربط اي ورشة تراهم افضل من هم
والتربيط انا اكتشفت انه سهل من كثر ما اربط الباترول ورح اطرح موضوع عن طريقة التربيط قريب تكتشف ان ورش التربيط تاكل الفلوس على الفاضي
اسف على الاطالة
مكشاتي متواصل
عجزنا نفهم الحين لمين نروح
مكشاتي متقدم
اسمع ياخوي التربيط كلام فاضي مسمارين يربطهن ويقول تربيط عام
انت ربط الموتر احسن ، ياطويل العمر حطه بالاستراحه وربطه
بلا خسائر دراهم على مسمارين ،
بعدين المسامير ماتففكك الربل حو اللي يحل المسمار إذا كان خربان
مكشاتي متقدم
وبعدين أغلب مشاكل اصوات الباترول (القربعه) تكون من الفرش الداخلي واليكور،
مكشاتي متواصل
راجع الخاص
مكشاتي برونزي
بعد أذن صاحب الموضوع
معي باترول نيسان ودي أسويله تربيط بس موقعي في جدة
ومرة ثانية أقول بعد أذنك يا بوناصر
دامك طرحت موضوع عن ورشة للتربيط قلنا نسأل عن ورش التربيط في جدة
موفق خير
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
