OxO من هنا حل لمشكلة مسامير ثلاجة الباثفندر OxO

[.أبوعبدالرحمن]

بسم الله الرحمن الرحيم

السلام عليكم ورحمة الله وبركاته


والصلاة والسلام على اشرف الانبياء والمرسلين نبينا محمد وعلى آله وصحبه أجمعين


أمــــــــا بعـــــــــد::::



الان تقرير عن حل مشكلة سقوط مسامير ثلاجة الباثفندر والكثير قد اشتكى من سقوطها

وفي حال سقوطها تسبب تخبيط المكينة وتكون التكلفة من 5000 الاف ريال الى

13000 الف ريال وهذي المبالغ جداجدا مرتفعة مقابل تلافيها من 200 ريال الى 500 ريال

فإلى الصور ليكون الشرح وافي بإذن الله


الان من هذه الصورة قبل القيام بأي عمل




ومن هذه الصورة بعد ما فكينا البلاستيكة العلوية




وهذه الصورة فك الخرطوش




وهذي الصورة بعد إزالة الخرطوش




والان هنا فك القطعة الاولى من الثلاجة




وبعد ما فكينا القطعة الاولى من الثلاجة تطلع لنا المسامير المدمرة




وهذي صورة مقربة للمسامير بالثلاجة في القطعة الوسطية




والمشكلة هنا واللي ياخذ وقت وهي القطعة الثانية من الثلاجة لان هناك مسمارين بين المكينة والغمارة
فكها صعب وهي اللي تاخذ وقت ومزعجة قليلا طبعا المشكلة في التركيب والفك




وبعد ما فكينا قطعة الثلاجة الوسطية بدأنا في قطعة الثلاجة الاخيرة




الرجاء عدم الرد فللموضوع بقية

[.أبوعبدالرحمن]

في هذه الصورة نثرنا اشلاء الثلاجة




الان بدأ في تنظيف اللهات لكي يغري مساميرها احتياطا




في هذه الصورة صورة اللهات بعد الغرية




طبعا هنا بدأنا في فك المسامير التي انفكت بكل سهووووووووولة



وهنا اوريكم صورة المسامير بالثلاجة الاخيرة



وهنا بعد ضغنا السلك اللي مشبوك مع الابنص وانفتحت الحدايد شوفوا عرض المسامير




هذي صورة الحدايد اللي في الثلاجة الاولى والثاني وهي اللي ماسكتها المسامير الصغار



وهذ صورة الحديدة في اللي في الثلاجة الاخيرة




وهنا في الصورة هذي سبب المشاكل صورة المسامير اللي ماسكه الحدايد




شفتوا كيف المسامير صغيره








الرجاء عدم الرد للموضوع بقية

[.أبوعبدالرحمن]

طيب الان في هذه الصورة صورة الثلاث القطع للثلاجة بعد ما فكينا المسامير والحدايد






في هذه الصورة تركيب قطعة الثلاجة الاخير




ايضا هذي الصورة تركيب قطعة الثلاجة الوسطية




وفي هذي الصورة تركيب الثلاجة قطعة العلوية او الاولى



وهذا هو المنظر الاخير للثلاجة




وهنا صورة المكينة بعد تركيب كل شيء




هنا صورة المزيون ماشاء الله وصورة سيارة راعي الورشة علما انه فاك المسامير كما في الصور اعلاه




وفي النهاية اتمنى ان وفقت في طرح ما يفيد أعضاء هذا المنتدى المبارك ان شاء الله

وان كان هنا من صواب فمن الله وحده وان كان هنا من خطأ فمن نفسي المقصرة والشيطان


واتمنى منكم الا تنسوني من صالح دعائكم

[شبح الموت]

ماشاء الله

شغل نظيف والله يوفقك ويجزاك الف خير ياابوعبد الرحمن

[ابوعقل]

الله يعطيك العافيه

وان شاء الله ان الموتر ما يشوف مكروه

[خشيمان]

جزاك الله خير يابو عبدالرحمن على الشرح الوافي
أشهد انك ما قصرت
ايه هذولي اعضاء مكشات وحبهم للخير

بس عندي سؤال يالذيب
المسامير تفكها مره؟؟ والا تغيرها؟؟
ولا عليها ضرر مع الزمن؟؟

[.أبوعبدالرحمن]

جزاك الله خير يابو عبدالرحمن على الشرح الوافي

أشهد انك ما قصرت
ايه هذولي اعضاء مكشات وحبهم للخير

بس عندي سؤال يالذيب
المسامير تفكها مره؟؟ والا تغيرها؟؟
ولا عليها ضرر مع الزمن؟؟

على كلام المهندس يقول بالنسبة للباثفندر ما تضره اذا الغيت المسامير كلها علما ان هناك عدة حلول

وهي الحل الاول مثل ما هو فوق إلغاء المسامير والان اخوي الساهر ملغيها والحمدلله والله يديم عليه

ما واجه أي شيء

الحل الثاني أنك تغري المسامير بلحام بارد وتلقاها عند محلات السباكه وهي تجيك عصارين تخلطها مع بعض

وتحطها على المسامير لكن هذي ما تدري عنها مع الحرارة ومع الايام

الحل الثالث هو انك تركب مسامير طوال وبعد ما تركبها تعفطها من الجهه الاخرى اضمن فقط

الحل الرابع هو تلحيم المسامير على الحدايد لكن اذا احتجت بعدين تفكها تصير مشكله لا قدر الله خبطت المكينة

او صار فيه مشكلة تتورط باللحام


اما بالنسبة لسيارتي فكيتها مرة



طبعا نسيت اذكر لكم ان التكلفة بـ 200 ريال


ايضا الباترول الفتك والالتيما سته سلندر فيها نفس المشكلة لكن ما تفك مثل مافي الصورة تتغرا او تتلحم



وأشكر كل من رد على هذا الموضوع

خشيمان

شبح الموت

أبوعقل

[المحترف800]

يعطيك العافيه ياأبوعبدالرحمن وعز الله انك ماقصرت ..

[Abo Fhad]

الله لا يهينك ويجزاك خير عز الله شرح وافي وكافي ...

نرجوا من الخوة المشرفين تثبيت هذا الموضوع ... وحذف موضوعي لكي تتضح الصورة اكثر للأخوان .

[ابوعقل]

الحل الثاني أنك تغري المسامير بلحام بارد وتلقاها عند محلات السباكه وهي تجيك عصارين تخلطها مع بعض

وتحطها على المسامير لكن هذي ما تدري عنها مع الحرارة ومع الايام

الحام البارد مع حرارت المكينه يذوب

اسأل مجرب ولا تسأل طبيب

حطيته جنب المكينه على بيب هوا ومن الحراره ذاب

فشلون داخل المكينه

[Abu Saad]

موضوع مفيد وشرح وافي .
سلمت يمينك يبوعبدالرحمن.

[لاندكروزر-83]

السلام عليكم ورحمة الله وبركاتة
الله يجزاك خير على تعاونك مع اعضاء هذا المنتدى الشامخ والله يخليك لاهلك
(ويزوجك المراءة الصالحة الولود الودود) لانك بصراحة ريحتني من الخوف اللى فيني بسبب هذي المسامير .

لكن عندي بعض الاسئلة الورشة وين موقعها ؟ وهل لاحضت اي تغيرات على السيارة (تفتفة)بعد فك المسامير؟
هل العزم هو نفسة ما تغير ؟ الحرارة راكدة ؟

ولك جزيل الشكر ..

[المميـز]

الله عليك يابو عبدالرحمن

أبدعت بهذا الطررررح الراااائع

فعلا موضوع يستحق التقدير والاحترام والتثبيت والتقييم 5/5



الله يجزاك خير

ولكن ضاق صدري يوم قلت حتى الفتك

اغديك تسأله ان قدرت الفتك القير العادي يلزم التلحيم والا لا

لأني سمعت ان القير العادي يختلف عن التماتيك بشيء وانا والله ناسي

وش الفرق بينهم

وعسى الله يستر علينا وعلى المسلمين اجمعين

[بدوي جنوبي]

الحام البارد مع حرارت المكينه يذوب

اسأل مجرب ولا تسأل طبيب

حطيته جنب المكينه على بيب هوا ومن الحراره ذاب

فشلون داخل المكينه

صدقت يبو عقل اللحام البارد غير مضمون


لكن اللي يطمن ان المنطقة اللي فيها اللحام عادة تكون حرارتها قليله بفعل خلط الهواء

[بدوي جنوبي]

يعطيك العافيه يبو عبدالرحمن

جهد مبارك تشكر عليه

كان رفعت الصور علي مركز تحميل مكشات

تم التقييم والتثبيت


بالتوفيق