15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
بسم الله الرحمن الرحيم
السلام عليكم ورحمة الله وبركاته
أخواني الكشاتة عندي مشكلة بسيطة وهي أني أروح للنفدود دايم ولاحظت أن بوية السيارة من تحت حتت من النفود
فما الحل المناسب؟ علما أني رشيته من تحت ببخاخ عادي ولانفع
وسمعت أنه يباع بخاخ معه نسبه من القار فهل هذا صحيح؟ وين ألقاه؟ وشو أفضل شي حسب التجربة؟
ولكم جزيل الشكر
مكشاتي فضي
صحيح كلامك فيه بخاخ معه قار
واحد من اخوياي عنده جيب حتت البويه من قدام
المقصات وغطا الكارتير
ورشه من قدام بس
بورشه بالدمام
لحايل وحايل لا عطشت الفخر تروين**وغيـاض مـع بـرزان عـدّ الرواويّـه
شربنا غلا حايـل ونفنـى لهـا مغليـن**ولا عاش شعرٍ مـا صـدق للسنافيّـه
لو إن الغلا ماقـد ذبـح قبلنـا ياحسيـن**ذبحنـا غـلاء تـاج الديـار الشماليّـه
مكشاتي متقدم
هل يوجد ورشة بالرياض؟؟
مكشاتي متقدم
أشكرك أخوي أبو عقل على الرد
لكن ماتدري وين يباع لأني رحت لم ساسكو مالقيت عندهم شي ولا أدري وين يباع
مكشاتي متواصل
فيه بخاخ قار شفه ينباع عند محلات السباكة الكبيرة أو محلات قطع الغيار والزينة
أتمنى اني أفدتك والله يعينك
مكشاتي متقدم
شف وانا اخوك رح لم الصناعيه بتلقا محلات البويه ومنهم افران الغامدي بتلقا الي عندك
وانا اشير عليك انك ترشه من تحت باسود لماع بعد مايصنفر الدهان بقيمة 200 الى 400 ريال ويرجع الموتر من تحت وكاله وهذا الافضل والاحسن لان البويه المعه بعد كم يوم تطفي وتصير حلوه على السياره واكيد اهل الجيوب مجربين اما القار صدقني بيطيح وترا سعر الحبه 20 ريال
مكشاتي متقدم
يا أهل الفزعات فريت الريل وبعض محلات الصناعية مالقيت البخاخ
ما تدرون وش أسمه بالضبط؟ أو محل يبيعة؟
ولكم مني جزيل الشكر
أخوي خالد سيارتي جديدة ماله داعي أرشه كامل من تحت أنا عندي الأذرعة فقط طايحة بويتهن
مكشاتي متواصل
الاخ ابو حطاب اولا السلام عليكم
بخصوص طلبك فيه محل للتلميع متخصص بهاالشئ يرش لك بطن الموتر من الى يسمونه طبقة حمايه
عن الحلى ولا يلحس الرمل بطن الموتر تقول قار وهو اسمه(زيبارت ) بالدمام وتوه فاتح له فرع بالرياض
الظاهر على طريق خريص جهة معارض النسيم
وسلامتك ولايهون من يقرا
مكشاتي متقدم
شف اخوي ابوحطاب اذا انت بالرياض رح للتلميع الساطع يرشونه من تحت للحماية من الصداء و للحماية من الترميل و المبلغ تقريباً 300 ريال وعليك بالمكاسر ...
×مغلق× ×للتحسينات×
مكشاتي نشيط
هلابك والله
رح لااي ورشه وقلهم بارشه قار من تحت يرشونه ب 200 ريال
مكشاتي متواصل
المعذرة ابو خطاب على التأخير في الرد
ولكن هذا البخاخ
واذكر اني شريته من الرويبخ حي السلام على طريق المية
وكان سعره 10 ريال
مكشاتي متواصل
والله لوانه سيكل مايصلح هاذافيه احسن شئ سنفره بـــ150 ريال
وتبي اتحصله عند التلميع يسنفرونه ثم يحطون ماده تلببن ثم يلمعونها هاذي احسن طريقه
مكشاتي متقدم
انا ماعندي علم وانا ادور مثلك وأرجوا ان تلقاء طلبك في اقرب وقت لكي تفيدني وجزاك الله خير
أحببت الدنيا لأن فيها من إذا نسيت ذكرني وإذا غفلت نبهني فهل تكون منهم ؟(ويا مـاراً على قـبري لا تـعـجب مـن أمـري ...بالأمـس كـنـت مـعـك وغـدا ً أنـت مـعـي).(عاشر الناس معاشرة إن أحببتهم حنوا عليك وان مت بكوا عليك)(إذا ضاقت بك الدنيا فلا تقل: يا رب عندي هم كبير ولكن : يا هم لي رب كبير)
مكشاتي متقدم
الله يعطيكم العافية ياشباب بيض الله وجيهكم وخصوصا ظلال الشمس
ولا يهون الباقين
مكشاتي متواصل
الله يعافيك ولا تهون
وان شاء الله انك تحصل طلبك
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
