نرجو الافادة عن احسن ورشة للسمكرة شغل وكالة

[ابو محالة]

السلام عليكم

موتر انصدم ودخلتة ورشة وسمكروة سمكرة ماعجبتنى واللون مازبطوة

ودى بورشة زينة شغلها زى شغل الوكالة اللى يعرف لا يبخل علينا

[فهد بن مشبب العاصمي]

وين مكانك ياخوي

[ابو محالة]

انا فى الرياض

[ابوحماد]

في الرياض

عندك

ورشة القريني دريم كار الموقع ورش الامير متعب مقابل شالنجر

ورشة وفاء صناعية الأمير متعب قبل نفق شارع الامير سلمان من جهة اليمين

هذي أفضل الورش و المراكز المتخصصه

[أبو فهد11]

أخوي رح لورشة أرناج شغلهم ما شاء الله

مكانهم في الصناعية القديمه جنب ورشة المطيويع للشروكيات

[سسته]

ابو محالة اسمع انا ابقولك افضل الورش في الرياض من ناحية خبرتي التي تعدت 12 سنة.... الناس ذي الايام مايهمها الشغل لا يهمها بس شكل الورشة وان العمالة يكونون من فلبينيين .... انا اقولك يابعدي ... ورشة وفاء ( وراء محل الرشيد لقطع غيار السيارات ) رقم المسؤل عن الورشة ( 0504455503 رياض ) ................ وعندك ورشة الشباب غالين وشغلهم حلو ..... ولاكن فية حاجة حطها في بالك ورشة وفاء والشباب اكثر ورشتين تطبق اللون صح ...

[واقعي وعقلاني]

عن تجربه شخصيه ومجربه ورشة الوفاء وأن كان سعرهم غالي شوي ولكن يضبطون الشغل افضل من الوكاله وبالتوفيق ...

[ابو تمام]

فيه ورشة بصناعية القديمة نسيت اسمها بس اسم المدير نجاتي جنسيته تركي كل اللي في الصناعيه يعرفونه خاصه حقين قطع الغيار يقولون انه اطلق واحد في الرش في الصناعية القديمه

اتمنى ان اكون افدتك

[monsixnet]

_

انسى ان السياره ترجع زى ما كانت..... نصيحه من مجرب

[saudaa]

سلامتك وفاء يرجعون الموتر نفس الوكالة اخوي بايع مكسيما فيها 3صدمات ولا درو عنها

[saudaa]

يكفيك ان وكالة الجميح اذا كان عندهم زحمة يودون المواتر عند ورشة وفاء

[Abu Saad]

اخي العزيز ورشة وفا انواع .
فيه وحده خلف الرشيد لقطع الغيار .
وفيه وحده قبل نفق القطار الذي بشارع الامير سلمان على يمين .
وفيه وحده بصناعية الدائري .
اللي خلف الرشيد هي الاقدم ولكن من زمان عنهم (اكثر من 12 سنه)
اللي عند النفق لا ادري ماعلاقتها بالورشة القديمة ولكن شغلهم نظيف ويعيبهم الغلا .
اللي في صناعية الدائري ليس لهم علاقة بالورشة السابقة فقط تشابه اسماء وشغلهم نظيف وجربنا عندهم لاند 2008 رشو جنب كامل لدرجة انك ماتدري اي جنب مرشوش! وسعرهم غالي لكن ارخص من اللي قبلهم .

فيه ورشة رايقة اسمها ورشة الجودة ويتحدون ورشة الوفا في افضلية الشغل وموقعهم بعد ماتخلي الوفا حقة النفق يمين ووجهك جنوب يجيك حرف تي لف يمين تجيك على يسار ورشتهم محترمة جدا وارخص من الوفا بمراحل .
وافضل من شغل الوكالة ، نعم افضل من شغل الوكالة

طب واختر . واذا حددت اي ورشة علمني اوصفها لك وصف ليل .

وبالتوفيق

[ياليل خبرني]

شف ورشة ارناج شغلهم كويس

[ابو امنه]

موفق خير يالغالي

[ابوعبدالله 2]

كلم على هذا واتفق معه من واقع تجربه والله اني ماعرفت سيارتي يوم جيتهم اسمه ابو محمد تركي 0532557765 بس ابي منك شي واحد تدعيلي انا واولادي وعساك ماتشوف مكروه