عاجل جداً وخاص للاخ (راعي كيف)

[عبدالعزيز الدباسي]

مساك الله بالخير اخوي راعي كيف

الحقيقة انه وصلني عبر البريد رساله تحذيريه من شخص سمى نفسه (وليد القصيمي) وحذرني من إن بريد ابو ناصر اللي هو انت قد سرق اثناء محادثة عبر الماسنجر ، وهذه فحوى رسالته

shagrdi@hotmail.com
Save Address(es) Block Previous Next | Close

From :
وليد القصيمي <waleeedn@ayna.com>

To :
shagrdi@hotmail.com

Date :
Fri, 01 Mar 2002 18:46:38 -0500 (EST)

Reply Reply All Forward Delete Put in Folder...InboxSent MessagesDraftsTrash Canرسائل مهمه Printer Friendly Version

الأخ / shagrdi السلام عليكم
الرجاء عدم إستقبال أبو ناصر في الماسنجر
لإنه تعرض لسرقة وأنا أحادث أحد زملائي الخاصينفي الماسنجر وبعد التحقق من زميلي
قال لى أنه تعرض بريدة لسرقة .
الشاهد انه سرق البريد من خلال المحادثة في الماسنجر وشكراً
أبو ناصر (الحقيقي)


__________________________________________________ ____________
أحجز اسم موقعك باللغة العربية http://registrar.ayna.com/b/
أين؟ من اجل انترنت عربية أين.شبكة




فأنا أود معرفة الحقيقة منك شخصياً ، لكي أعرف هل الرساله حقيقية أم رساله كيدية من شخص آخر

الرجاء سرعة الرد وإعلام محبيك في منتدى مكشات بالحقيقة .

[راعي عنيزة]

وانا بعد وصلني نفس الايميل

شكل السالفه صدز

هاه يا راعي كيف نقرب العجرا لزوم دبغ الهكر ابن الهكر

[عبدالعزيز الدباسي]

أخوي راعي كيف ،،،،،،،،،، وش السالفه

اشوفك الى الحين ما رديت علينا هو صدق انسرق بريدك ، والا واحد يستهبل علينا .

ويا حبيبي ألبي شايفك راد على مواضيع ثانية ولا شفتك داخل هاالموضوع هذا

الله يخليك علمنا بسسررررررررررررعه .

[السمح]

وأنا معكم أيضاً وصلتني نفس الرسالة ..

بس اللي فهمته أخوي شقردي إن المرسل هو راعي كيف يحذر من إن بريده انسرق أثناء المحادثة ..

( شفت يا بعض ناس مانيب طالب نجيب ؟؟)

تقبل تحياتي ...

[راعي كيف]

نعم الرساله التي تلقيتموها منى أنا من ارسلهالكم(وليد القصيمي)
و بنسبه للماسنجر أو البريد ABONISER@HOTMAIL.COM لأتستقبلونه لآنه قد سرق والبريد أو الماسنجر الجديد waleeedn@HOTMAIL.COM
هذا هوالبريد الجديد تأكد منة قبل ولكم جزيل الشكر وحسبي الله على الهكر

[راعي عنيزة]

على مين تلعبها يا الهكر ؟

بما ان الهكر سرق ايميل اخينا راعي كيف فمن باب اولى ان يسرق اشتراكه في مكشات لذلك احذركم انه الذي رد في الاعلى هو الهكر وليس صديقنا راعي كيف وفرق الاسلوب واضح جدا بين الاثنين

اطالب الاخوه المسؤلين بسرعة الغاء اشتراكه ومسح جميع مواضيعه حفاظا على حقوق حبيبنا راعي كيف

[أيمن]

تصدق عاد !!!

[عبدالعزيز الدباسي]

والله وجبتها يا الذيب الحقيقة الأسلوب مختلف كلياً

واللي كاتب الرد اللي فوق واضح انه مثقف و اسلوبه جميل

ولازم المشرفين يشوفون حل للموضوع

[خوي راعي كيف]

بريدك يسرق وحنا جالسين

مايصيرالكلام هذا يالربع

يالله يالربع تولموا كل يجيب عصا العفريتة حقت سيارتة

والله ماادري عنك ياراعي عنيزة انت وراعي كيف دايم مكامخ اللة يستر بس ان كانك تبي تكسف بة

مير اعترف يارجال قبل لاتاصل الشرطة وغرابيل ومحاكم وترا راعي كيف حبيب مايعوق على طول يرضى

على العموم الله لايوفقة وين ماوجة ويفداك ياخويي جهازي هو واللي بة

واشوى انة على الماسنجر بس ماتعرض الجهاز كلة

[السمح]

تكفى خدمة ياخوي راعي كيف !!!
ما دام إن أبوناصر خويك وتعرفه تكفى ثم تكفى تأكد لنا هل هو اللي كتب الرد أعلاه أم لا ؟؟؟؟
تكفى الله لا يهينك المسألة الآن جد مهيب مزح .. والحقيقة إن راعي عنيزة معه حق وأنا قلبي ياكلني إنه ماهوب هو ..
أرجو سرعة الرد ياخوي راعي كيف ..

[راعي عنيزة]

ما يحتاج يتاكد يالسمح الاسلوب واضح جدا انه مهب خوينا

مثل ما تفضل شقردي ان هذا مثقف واسلوبه جميل مهب مثل رفيقنا دفش وما يدري وين الله حاطه

لذلك انا اقترح على ايمن انه ياخذ الايبي الخاص بالهكر ويقدمه لمدينة الملك عبدالعزيز وهي تقدر تحدد رقم التلفون الي اتصل منه الهكر وترفع عليه قضية اختراق
وذي حسب التنظيم الجديد فيها عقوبة سجن شهرين زائد 200 جلده

يا حلالات من شافه وهم يجلدونه وهو يصرخ التوووووووبه التووووووبه

[خوي راعي كيف]

مادام الدعوى به جلد وغرامة اجل ماهب هو اللي كاتبة

على قول الشقردي هذا مثقف ورفيقنا منين الله يخلف وهو الى الحين يدرس ليلي واول

متوسط بعد منين ثقافة

يالله بس ياراعي عنيزة شد حيلك الوعد باكر عند مدينة الملك عبدالعزيز وتراي والم

[راعي كيف]

السلام عليكم ورحمة الله وبركاته وبعد

راعي عنيزة حسبي الله عليك يالمهستر يالمنتهي هل حين أقولك سرق الإيميل الخاص بالماسنجر ABONISER@HOTMAIL.COM فقط والباقي الحمد لله ماعليه خوف .
شقردي: شكراً على إهتمامك وحرصك
السمح أبو تركي: أشكرك جزيل الشكر
aiman علمهم إني كلمتك بالماسنجر الجديد طبعاً وإني دقيت عليك قبل بالجوال مرتين

خوي راعي كيف تسلم والله ياخلفهم وماتقصر والله يعافيك وعلمهم قلهم إنك كلمت على وشكراً.




[shadow=seagreen]تحياتي وأشواقي[/shadow]

[خوي راعي كيف]

لابالله ترا اللي كاتب الرسالة هو راعي كيف بعينة وعلمة

بعد التحقيق والتلفيع والكفوف تحققنا انة هو اللي كاتب الرسالة السابقة


وانا بصفتي خوي راعي كيف اطلب الحماية والتعويض المادي من المشرف على االمنتدى aiman والا نبي نرفع قضية علية .

[أيمن]

إلى حد الآن أظن إن الأمر تحتف به الريب ..
لذلك يا جماعة خذوا حذركم وانتبهوا زين .. والظاهر إن الأمر مدبّر، وأتوقع إن حوي راعي كيف أيضًا اخترق بريده وأصبحت لعبة محكمة ..
لكن معنا راعي عنيزة الذهين .. ما فلتوا منه ..
وأنا الآن بصدد تقديم الآي بي الخاص بهؤلاء الهكر إلى مدينة الملك عبد العزيز ..

ونحن معك يا حبيّبي الأصلي "راعي كيف" أبو ناصر ..

تحيتي