ما الحل لهتزاز دعسة الفرامل عند المطبات يوكن2003 4x4

[سفاري 2008]

عند المطبات تهتز دعسة الفرامل

[علي الشهري]

إذا كان قصدك تقطع
فهذي تقنية نظام Abs
وهي طبيعية وممتازة

[سفاري 2008]

تهتز الدعسة فقط بدون ماتدعس على الفرامل

[علي الشهري]

أجل يبغا لها خبير

[ابو مكازي2002]

مساء الخير علي الجميع
اذا تحرك الدعسة بدون من يضوي الاسضبات فهاذا طبيعي واذا كان يضوي الاسضب معناته تبيلك كهربابي فلته

[Magellan]

أنا عندي يوم أطلع موتري جديد أمريكي
لاحظت لو تفاجئت مطب قدامي وعلى سرعه عالية وحاولت أتفداه بالتهدئة فدعسة الفرامل تهتز
والسبب لإشتغال abs لأن الفرامل دعستين ، ومتى مادعست الدعسه الثانية فإن abs يشتغل فبالتالي ماتحتاج تدوس زيادة لأنه إشتغل...
طبعا بعدين عرفت إن مسك الفرامل عند المطبات يعدم الهوبات فقررت إني.... أما أخذ إحتياطاتي قبل أو أكله بالعافية

[أبوخطاب]

ماعند علم أنا أبي لها حل
وهي إذا أكلت بطناج بالبر ولا هزت السيار تسمع صوت رجة دواسة الفرامل بدون الضغط عليها

[لن أمل من العطاء]

عادية جدا

ولكن شيك على الدعسة من تحت يمكن تحتاج جلب او اي شيء او المسمار مأكول ويسبب فراغ مما يسبب الاهتزاز


اخوكم


لن امل من العطاء

[رجل كريم]

عادية جدا

ولكن شيك على الدعسة من تحت يمكن تحتاج جلب او اي شيء او المسمار مأكول ويسبب فراغ مما يسبب الاهتزاز


اخوكم


لن امل من العطاء

نعم ممكن يكون يحتاج تربيط اوجلب او تغيير المسمار وايضا احتمال يكون الياي السبرنغ مرخي فينبغي تغييره والامر هين ان شاء الله .

تحياتي .,

[سفاري 2008]

مثل ماقال اخونا أبوخطاب بالظبط وصوت الدعسه مزعج عند البطناج وموجود في كثير من اليوكنات والجموس والشفرات من 2001 الى2006

[ساري 111]

كد صارت معي هذي بس بيني وبينك حاولت اثبتها بنفسي ومالقيت طريق لتثبيته

ولذالك اذا صرت ببطناج وغيره اثبت الدعسه برجلي اليسار يعني اضغط عليه برجلي اليسار الى جه اليمين

[المرقب العالي]

أسمع يالغالي الصوت صحيح تسمعه مع المطاب بدعاسة الفرامل

والكلتش 0

هو سلمك الله ( الدعاسه ) مثل الخابور متحرك بجلبه يوجد بينهم زي الربله من كث الدعس

تتاكل الربله وتسبب فضاوه ومع المطاب تسمع صوت القرقعه

الحل :

يا أنك بعد ماتفكها تغير الربله أو أنك تسوي لها عند المخرطه جلبه تمنع الفضااااوه

بالنسبه لي حصلت لي (هوز ) مقارب لانظمة التقطير المهم ركبته بالخابور وطبق وماشي تمام

لاكن اتوقع مايطول لاني سألت عن الربله بالوكالة وسعرها مرتفع شوي

ارجو اني افدتك واسف للاطاله

[سفاري 2008]

شكرا لكل من تفاعل مع هذه المشكلة وسوف اشيك على جلب الدعسة وارد لكم خبر

[ابو شكاع]

هالمشكلة عندي باليوكون 2002 من مبطي بالمرة بالحيل
سألت واحد بالوكالة قال عادي
ومن يومها وأنا مطنش الصوت
شكرا لك

[القلب المحروم]

انا عند اخوي تاهو 2002 وعنده نفس المشكلة

شكلها في كل الجموس