فزعتكم في قير اليوكن 2005 ولكم منا الدعاء

[ابوتركي666]

مع خويي يوكن 2005 طبعا هو الي فاكه وكاله ومشيك عليه قبل مانمشي وحنا في ابها يوم صار أمس المغرب تعطل اليوكن بداء يصير ثقيل في المشي ثم يقف تدوس لاكن مايمشي وانت حاطه في الدي بعدين نخليه لين يبرد ثم نعشق ريوس يعطلع طقه كأنه مشدود على الكلتش ثم نحطه على الدي يمشي بس ثقيل لازم تزر الموتر نرجعه لريوس ثاني مره فاضي تدوس كأنه مأمن إذا احد صارة معه المشكله يعطينا الحل اومكانيكي يعطينا الحل الله لايهينكم
عادقلة مالنا الى الله ثم مكشات تعرفون حنا في أبها مانعرف ورشات زينه يعني إذا مافيه حل نبي نشحنه لرياض

[سوبر VTC]

ابعطيك اللي اعرف
عمي غسل الجمس بستم من تحت المهم يحطه بالبدي مايمشي الموتر
لاقدام و لا ورى كانه القير على ان
صار من احد الفيوزات اللي عند البطارية مقطوع
انتظرك و بشرني

[سفاري 2008]

شف زيت القير اذا هو محترق فالجير يحتاج توظيب (كلتشات ) واذا الزيت نظيف فالمشكله كهرباء

[لن أمل من العطاء]

حياك الله اخوي

اول شيء رحلة موفقة باذن الله

ثاني شيء اعمل اختبار لحالة الكلتشات لانها في المسؤوله عن مثل هذه الحالات

كيف الاختبار

تمشي بالسيارة بسرعة مابين 70 الى 80 وتبدا في تحريك عصا الجيربوكس الى تحت 3 وبعدها 2 وبعدها 1 ولرفع ايضا
النتائج

اذا كانت هناك استجابه سريعة من الجيربوكس بحيث عندما تحركه من D الى 2 مباشرة .. فورا ينقل الترس على 2 وتحس ان السيارة اصبحت ثقيله والعكس ايضا
كذا الكلتشات مابها اي مشاكل
المشكله كهربائية او اليكترونية

اذا لم يكن هناك استجابه او تأخر زائد عن المالوف فهذه من الكلتشات..

قبل نتفكوا اي شيء افحص بالكمبيوتر

اخيرا يوجد بين ابها والخميس فرع للتوكيلات العالمية للسيارات على الاقل يشخصوا احالة ولا يستوجب الاصلاح عندهم

اخوك

لن امل من العطاء

[Magellan]

أسعد الله أوقاتك بكل خير أخوي لن أمل من العطاء
أنا عندي سيارتي أوتو شيفروليه تريل بليزر وناوي أروح للجنوب وتعرف فيه عقبات كثيرة (شمرخ ،ضلع ،ووو)
السؤال ياعزيزي : عند صعود العقبات هل بإمكاني إرجاع نمرة القير من D إلى رقم 3 حتى لو على سرعة أكثر من 100 كلم/س بدون أن أقف
كذلك في حالة النزول بالعادة أضعه على 3 أو 2، هل بعد تساوي الخط أن أرجعه لل D بدون أن أتوقف،،
وهل فيه مضار للقير؟

[سفاري 2008]

انتقل من وضع الى اخر وانت تمشي عادي بس لاتدوس على البنزين كثير

[Magellan]

انتقل من وضع الى اخر وانت تمشي عادي بس لاتدوس على البنزين كثير

أخوي سفاري تقصدني بالإجابة أو صاحب الموضوع

[سفاري 2008]

اقصد صاحب التريل بليزر

[ابو شكاع]

عندك ورشة إسمها الأصدقاء وديت موتري لمهم بصناعية ابها وصلحوا لي طرمبة البنزين ... بس اعتقد أنها أغلا من الوكالة .. شغل يديهم فقط 1200 ريال بينما كلفت السيارة من إلى 3000 ريال ...موتري يوكون 2002
وفيه اخرى مهيب بعيده عنه اسمها المدائن
هالورشتين قالي عنهن شباب من المنطقة بأنهن أحسن ورشتين بصناعية ابها
وإذا تبي نصيحتي ود الموتر للوكالة مهيب بعيدة عن الصناعية ...بين أبها وخميس مشيط
بالتوفيق

[Magellan]

مشكور أخوي سفاري للتوضيح

[لن أمل من العطاء]

اخوي ماجلان
مثل ما تفضل اخوي سفاري 2008 بالضبط
وبتفصيل اكثر

يقصد اخي ان عن تحريك العصا لا يكون هناك ضغط على الجيربوكس او المحرك يعني يكون مرتاح

[ابوتركي666]

سوبرvtc الله يجزاك خير الفيوزفحصناها شغاله لانه يقول سوى مره عله في القير لقى حدى الفيوزعطلانه لاكن هو تعطيه الدي يمشي بس ثقيل ثم يفوت القير

سفاري 2008 الله يوفقك الزيت جديد ما احترق لاننا شيكنا قلنا ممكن مافيه زيت لاكن الزيت مانقص وجديد لاكن المعلومه تفرح خويي

لن أمل من العطاء الله يعطيك العافية الموتر مايتعدى ثلاثين ثم يفلت القير يبداء مايمشي مافيه الا الله ثم الكمبيوترأو التوكيلات الي تقول

ابو شكاع الله يعطيك العافية الورشات الي قال القير مخبط يبغى توضيب كامل يكلف الى خمسة الاف واحد قال كلتشات اكيد وهو مايدري بس كذا لا فحص ولا شيء اغدي خويي يوديه للوكاله قبل مايرسله

الله يجزاكم خير على المرور وإن شاء الله إذا إن حلة المشكله بأخبركم بأسرع وقت وإذا أحدعرف المشكلة بالتفاصيل يعطينا الحل

[ساري 111]

والله اعتقد ان زيت القير ناقص !!!

اسحب العيار والموتر بارد وشغال وتأكد انه مهب ناقص

وإذا حصلت الزيت اسود اوقريب من السواد يمكن يكون القير خبط

[ابوتركي666]

السلام عليكم تدرون وش صار
خويي عجل ارسله لرياض استلمه واحد هناك
ودخله الورشه عاد إتصل يقول صار عنده كلتشات متعطله
عاد تدرون والله إنكم نشاما

[سفاري 2008]

رد علينا وين صلت الموتر وعسى ظبط وكم التكلفه الله يعوض عليك