أحسن أنواع الكاميرات

[الناقد الحر]

أعزائي وحبايبنا في مكشاتنا الغالي :
شاهدت كثيرا من الصور الرائعة لعدد من الرياض وكذلك السيول التي من الله بها علينا في هذا العام وقد أعجبتني تلك المناظر الخلابة التي تجعل تميز هذا المنتدى الرائع .
وأكثر ما حاز على إعجابي روعة التصوير مما يدل على أن من التقط تلك الصور مصور محترف ويملك كاميرا بالغة الدقة والوضوح , وطلبي هو تحديد أفضل أنواع الكاميرات الرقمية وأسعارها ولو بشكل تقريبي لكي يكون لدي خبرة قبل أن أقدم على الشراء .

وتقبلوا تحياتي

[الطبيب]

لا اعرف في انواع الكميرات الرقميه

ولست محترف تصوير

ولكن عندي لك ولنفسي نصيحه

وهي قبل ان تنزل موضوع تسأل فيه عن اي شيء

اضغط على زر البحث فوق ( فوق دعاية دار موجه )

لاني اذكر ان واحد من الشباب سوا تقرير كامل عن الكميرات وكيف تعرف الزين والشين

كنت اود وضع الرابط لكني ماعندي الوقت الكافي للبحث

ارجو ان تعذرني

هذا والله اعلم

والسلام ختام

[راعي عنيزة]

هلا بك اخوي
الكاميرات تتفاوت فيه كاميرا ب 300 ريال وفيه كاميرا بعشرة الاف ريال
لذلك انت حدد لنا ميزانيتك ونعطيك افضل كاميرات تشتريها بحدود الميزانيه
وبالطبع كل ما زاد السعر زادت المواصفات والجوده
وعموما الكاميرات الزوينه تبدا من الف ريال وطالع


وترا ياخوي العمده على المصور مهب على الكاميرات
ولا كم من واحدن وواحدن عنده كاميرا بثلاثة الاف ولا عمره صور به لمكشات ولا صوره
انت توحي يالي ببالي ولا منتب توحي

[الطبيب]

السلام عليكم ورحمة الله وبركاته

سويت بحث على الكميرات

وهذي نتيجته ( عساه تظبط بس ) لاني اول مره اسوي الحركه هذي


هذي نتيجة البحث ارعص بلا تردد

[ابو نجود]

انصحك بكاميرا سوني P8 او P10 سايبر شوت الاولى سعرها 1650 ريال تقريبا والثانية 2350 ريال تقريبا وان كان تعرف احد في دبي اشترها من هناك، ترى الفرق ماهوب بسيط حوالي 400 ريال ،والسبب اللي خلاني انصحك فيها انها الكاميرا الرقمية الوحيدة المعربة بالاضافة الى جودة سوني المعروفة في مجال الكاميرات...
اخوك ابو نجود

[المسفهل]

شف هالموضوع يمكن تستفيد !

[الناقد الحر]

الطبيب/ والله فاتت علي حركة البحث وأنت ما قصرت كفيت ووفيت . يطول لي عمرك .
راعي عنيزة / مشكور على مرورك وبالفعل ... الخيل من خيالها .
ابو نجود / جزاك الله خير على المعلومة والنصيحة .
المسفهل / مواضيع قيمة تفي بالغرض المنشود . الله ينفعك بما علمك .