للشقردي مع التحية والتقدير

[اخو نورة]

اخوي الله لايهينك عندك عنوان ورشة المميز او تليفونهم

مع الشكر الجزيل

[الشقردي]

اذا كنت تدل المواهب فعلمني لاني اخاف اضيعك

امسك طريق الدائري الشرقي متجه جنوب
يجيك مخرج 17 (طريق الامير سلمان ) اللي يودي للصناعية اطلع معه وخذ يمين
لا تعد الاشارات أول نفق يجيك اطلع فوقه وخذ يسار
امسك طريق الخدمة وادخل يمين مع أول طريق سيدين و مرصوف ومنور
امش طوالى الى ان تجيك المواهب على اليمين وماريتهم دعاميه كبيره فوق الورشه
وتلقى مقابله من الجهه الثانيه محل تبع المواهب بعد
امش قدام وشف لك فتحه تروح وتديورمعها
قبل هالفرع اللي اقولك حق المواهب
تلقي لفه صغيره على اليمين وشارع ضيق ما يبين الا اذا وصلت الملف
خذ معه يمين وخل المواهب على يسارك
امش قدام شوي يجيك المحل على اليسار (المميز)
ترى علمي به ان ماله لوحه برا لكنه حاط صورة كبيرة داخل لجيب ربع قديم (مصندق) وعليها الشعار

ملاحظة : تراهم ارخص بكثير من المواهب
خذ عندك مثال انا سائل عنه:
تعرف الماصورة اللى تنحط تحت الصدام الخلفي في اللاند كروز وخلافه سالت المواهب عنها قالوا لي بـ 250 ريال سعودي (بلون السيارة) وعليه زحمه بعد
اما المميز 150 وزد 150 ويحطها نيكل
بس ترى ما جربت شغله

للمعلوميه
واي استفسار انا جاهز

[اخو نورة]

بيض الله وجهك

[اخو نورة]

-

[أبو ونيس]

ياقدم الموضوع 2002

[mamsdt]

ياقدم الموضوع 2002

انت تشوف
له 9 سنين

[أبوغيث 2003]

ياقدم الموضوع 2002

انت تشوف
له 9 سنين

تتوقعون راح للمميز ولا ضيّع

[أبو ونيس]

المفرووووض كل المواضيع القديمه تقفل خلاص!

[سفاري فتك2009]

الله مستعان راحت 9سنوات

[الشقردي]

الله المستعان ...هذا ان دل يدل على عراقة مكشات...

وفعلا أنا مع إقفال الموضوع اللي يتعدى مدة معينة...

بالتوفيق للجميع

[رفيع المقآم]

طيب تراكم ترفعون موضوع قديم
خلاص لاحد يرد
واللي رفعه يقول ياقدم الموضوع
طيب ليش ترد الله يهديك