خلل مصنعي،قد يكلفك محركك(الكابريس واللومينا)

[متعب44]

بسم الله الرحمن الرحيم

من 2003-2006 موديلات،غطاء الرديتر فيه خلل مصنعي يؤدي إلى اضطراب الحراره،مما يؤدي الى انشعار الراس،وحصل لناس كثيرين ،والمصيبه غيرو الراس بالوكاله بمبلغ وقدره،وطلعوا سياراتهم ونفس الوضع ماتغير شي الحراره مضطربه ،والحل كله غطاء ريديتر ب50 ريال<استغفال للمستهلك وسرقه لماله خسروه مايقارب 4000،واساسا المشكله حلها ب50ريال،غير انهم فكوا محركه وهو سليم،فيه نصب وصل للدرجه ذي،واللي يؤكد انه خلل مصنعي ناس كثير وقفت عندهم متعطلين على الطريق،ونفس المشكله يقولون ارتفعت الحراره فجأه،لأنه الغطأ فيه يايه(سسته)تفتح وتقفل واللي يصير انها تعلق احيانا وتقفل نهايئا،

واللي لاحظته انه كل السيارات اللي وقفت عندها ،عدادها لم يتجاوز ال100000 كم،يعني متوسط 70000كم وتطلع مشكلة الغطاء،نصيحه لكل مسلم يمتلك هالنوع من السيارات،يشتري غطاء رديتر سبير ومويه،ويحطهم معه،إضافة إلى تغيير الغطاء كل 60000كم

هذي تجربتي وضعتها لكم،أتمنى الدعاء لي بظهر الغيب


تحياتي لكم،،،،،،،،،،،،،،،،

[B.A]

جزاك الله خير على التنبيه بس يوجد عندنا كابرس 2005 ماشيه 145 الف و2 لومينا 2006 ماشية 95 والثانيه 88 الف ولا شفنا من ماذكرت شي والحرارة عاديه جدا

انت تقول غطاء اسبير ومويه الغطاء اسبير عرفته بس وش تقصد بالمويه هل تقصد ان الماء بعد لازم يغير

[محسن اليامي]

جزاك الله خير وبارك الله فيك

[أبو فهد11]

جزاك الله كل خير على هذه النصيحه

[متعب44]

b.a
اللي أعرفهم ومن ربعي،أثنين حصلت لهم المشكله،والثالث سيارة أخوي،ومرتين على الطريق ناس لا أعرفهم،وازيدك من الشعر بيت،صاحبي دفعوه الوكاله حق تغيير راس،وطلع سيارته من عندهم ونفس المشكله الحراره احيانا تضرب Hمعه،وبالاخير أشار عليه مكيانيكي بتغيير الغطا،ورجعت الحراره للوضع الطبيعي(سيارته كابريس 2005)


الله يسلمك اقصد بالمويه(انه لو جتك المشكله وانت مسافر على الخط،يكون معك موية رديتر،لزيادة مانقص من الماء وخرج من الغطاء،لأنه لو ما معك موية رديتر خاصة،بتضطر تعبي مويه عاديه(كلها املاح)بس


والسيارات وانا أخوك حضوض،أحيانا تعوكس معك،وأحيانا الحمدلله تمشي مثل الساعه،

الله يطعمك خيرها ويكفيك شرها

[6670]

الله يسلمك أخوي صار مع الوالد كان معه كابرس 2006
يفور المويه وبالصدفه وأنا اعبي الرديترأنكسر السبرنق حق الغطاء وغيرته وضبط من بعدها بس بعد مده صارت المويه تنقص ولا أدري وش السبب .
والحمد الله أفتكينا منه ومن غثاه.

[هـ د د o o o]

جزاك الله كل خير

[عزيز نجد]

صادق ,
من تجربه صارة لي مع لومينا 2005 اكتشفت ان الغطا منكسر وشريت جديد وغيرته بس الحمد لله جت سليمة والشي الثاني ان المروحة الرئيسية تجيم ورحت غيرتها وقال راعي قطع الغيار ان هذا الشي يصير كثير.

واحد راعي ورشه يقول لي ان الومينا دايم نغير لها راس وهي ما مشت واجد ونبهني للحرارة.