جيب صالونgx96 يتمرج لليمين والشمال000 تكفون ابي فزعتكم

[ff-19]

والله يالربع قبل اذا مشيت 130 وزيادة الجيب يتمرجح لليمين والشمال من الخلف واللي راكب وراء الله يعينه لكن اخفف الله يكرمكم رجلي لكي يركد قالي
واحد من الشباب غير يايات والثاني قال غير مساعديات (اليايات والمساعدات من الوكاله) ابي نصيحتكم يالربع اغير طقم يايات مع مساعديات امامي اوخلفي استرالي اوكم مقاس الياي مع العلم المقصات ربلاتها جديده غيرتها العام مع طقم مساعدات من الوكالة ابي رايكم الله لايهينكم الله ايتقبل من اومنكم صوم رمضان وقيامه

[ري ق 801]

كان عندي صالون ونفس المشكلة وكانت من الكفرات كانت بالون وكانت تسوي لي نفس مشكلتك وخاصة أذا الطريق مكسر غيرتها وأرتحت

[ff-19]

الله يجزاك خير الكفرات دنلوب 275 الجنط باجيروا 16لها سنتين ماطلعت المرجيه الا قريب

[ff-19]

يرفع لاخواني في المنتدى

[سوبر نيكل]

السلام عليكم اخوي
طقلق يايات استرالية من عند الرماية امامية وخلفية
وبعدين رح لم وكاله ((منرو)) الى بالصناعية واشتر مساعدات غاز علها ضمان سنتين.والله ياهي علالالاج
ولاتنسانا من الدعاء
تقبل مروري

[ff-19]

الله يجزاك خير يالسوبر

[بنزرت]

رصص الكفرات ... وتاكد من مساعد الدركسون
صار معي نفس الشئ وبعد ما رصصت الكفرات و غيرت المساعد صار تماااااااااااااااااااااام

[ff-19]

الكفرات مافيها رجة ومساعد الدركسون جديد


لكن السيارة من الخلف عند وصول السرعة 120 وكل ماأزيد السرعة تتمرجح ليمين والشمال بزيادة كأنه خض صميل العله وشهي يالربع

[العرّاب]

اخي العزيز انا معي نفس سيارتك بس 97 vx_r . نفس المشكلة بالضبط سارت معي . غيرة مساعد دركسون ومافي فايدة وغيرة جلد بودي وخفت تقريباَ 25% . بعدها غيرة المساعدات كلها وركبت مساعدات استرالية من عند الرماية من غير ياياة وراحت الأرجحة 100% انا ما اسميها رجة لان الرجة تختلف عن الارجحة . مع العلم الجيب سار ثابت ولا يميل مع اللفات واتوقع هذا بسبب المساعدات الاسترالية.

[ff-19]

اخوي العراب بيض الله وجهك وانا قلت انها تتمرجح=ارجحة

لكن كم سعرها وش رايك اغير اليايات بعد---------------

هل المساعدات ترفع السيارة ولو جزء بسيط

[فتى شنه]

شداد التوازن والعمود

يطلع الموتر تسنه ضب مكسور هره

[adil33]

والله يالربع قبل اذا مشيت 130 وزيادة الجيب يتمرجح لليمين والشمال من الخلف واللي راكب وراء الله يعينه لكن اخفف الله يكرمكم رجلي لكي يركد قالي

واحد من الشباب غير يايات والثاني قال غير مساعديات (اليايات والمساعدات من الوكاله) ابي نصيحتكم يالربع اغير طقم يايات مع مساعديات امامي اوخلفي استرالي اوكم مقاس الياي مع العلم المقصات ربلاتها جديده غيرتها العام مع طقم مساعدات من الوكالة ابي رايكم الله لايهينكم الله ايتقبل من اومنكم صوم رمضان وقيامه

اخوي مشكلتك في جلد الاعمدة الي تربط الشاص بالدفرنس اشتريها وودها للميكانيكي او حق ميزان بس يكون عنده مكبس عشان يكبسها ويكون افضل لو تغيير الاميمه والخلفية ....لا تطول عليها الله يسعدك لانه وضعها خطير وتسبب انقلاب السيارة بعد الشر عليكم (( عشان تتاكد منها خذ لك كشاف وروح انظر اسفل السيارة رايح تلاقيها مكسره وقاسيه جدا وتلاقي الكسر على شكل خط من الوسط للخارج ))
والله ولي التوفيق

[سليمان 10]

مشكلتك هي ان تقوم بتغيير المساعدات الخلفيه فقط المساعد الخربان يطلع منه زيت واضح على جوانبه اما اليايات الخلفيه فهي نوعين او مقاسين هما مقاس 860 اذا كنت راعي بر وتحميل وسرعه في البر فهو الغرض اما مقاس 865 فهو جيد للاستعمال الخفيف وراعي الديره 0والمساعدات يوجد نوع عند الوكاله او عند بائعي قطع الغيار عليه من الاعلى خط ازرق فهو قوي يضبط الموتر اما اليايات الاماميه فهو مقاس 861 لاغير اسأل مجرب ولاتسأل طبيب والله يوفق الجميع لما يحبه الله ويرضاه 000

[الشاحوفة2008]

ياخوي صارت لي نفس المشكله يتمرجح غيرت المساعدات واليايات ونزلته ورفعته وشتغلت عندي الخبره والله اذا شاء الله أن طعتني راح تدعيلي رحت الى الميزان وقلت له غيرلي الربل حقت المقصات كله تراهي تكلف الربله الواحده بي45 ريال الوكاله قدام وورى وضبط وامشي عليه 180 ولا هزه ولله الحمد اللي قبل امشي عليه 120 و130 يتمرجح بس طعني وماراح تندم انشاء الله

[ff-19]

اخوي الشاحوفه 2008 جزاك الله خير لكن ربل المقصات غيرتها اصلي من الوكاله وربلالتوازن اوديتها الميزان قال الربل كلها ممتازة