ووين احصل مسامير لـ الاتسبنه والله مالقيت

[D I K T O O R]

السلام عليكم مساكم الله بالخير

الكل يعرف بالباترول الاسبنه وراء بالباب الخلفي يعلق بحديده سودا

انا عندي الحديدهـ لكن المسامير والصاموله اللي نفس اللي ماسكات الكفرات مو موجوده ودورت بالصناعيه مالقيت

وين احصلها تكفووون

انا بالرياض

[أبوأحمد98]

مالك الا الوكالة
انا شاري المسامير الي تمسك الاستبنة بـــ 88 ريال تقريبا الاسبوع الي راح

[ابو مكازي2002]

رهملها مسامير في القاعده وركب صواميل عاديه موتري نفي السالفه وحطيتله مسامير 14 عشان اسرق لانه يجي السارق حاسب حسابه مفتاح 21 او الصليب ولما يجي يفكه ما يقدر هذه الفكره الحسن من القفل وحقوق النشر محفوضه

[D I K T O O R]

يالغالي الوكاله تبيعها مع الصواميل بس غاليه بـ 88 ريال ؟

انا ابي محل يبيعن والا شي

تكفوووون الموتر بدوون استبنه

[سهم VTC]

دكتور
رح للتشليح...واشتر صواميل...تلقاه غالي شوي..

بس اذكر من زمان شريت صواميل من محل قطع الغيار الوحده 10ريال..

اما القاعده اتوقع انها تلحم<<اتوقع..

[شروكي ربع]

المهيدب - الصاعية القديمة .

[D I K T O O R]

يالغالين

القاعده السوداء فيه مساميرها اللي تركب بالبدي

بس المشكله القاعده يطلع منها 3 مسامير علشان تعلق الكفر عليها انا ابي هالمسامير مع الصوميل ووين القاها

التشليح ييبي يقولي خذ القاعده كلها

انا ابي محل يبي المسمار مع الصامول

[D I K T O O R]

المهديب وين مكانهم بالظبط

[الساهر2003]

والله وانا اخوووك عالم الغرابي لا يخلووو

ياريت تمر لك السليماني ولا العلياني اللي في الغرابي ومتأكد بتلقى عندهم

والله يعيينك

[سحاااب تبوك]

يعطيك العافيه ياخوي انا اشتريته من الوكاله مسمارين ب50 ريال 0000000000000

[D I K T O O R]

جزاكم الله خير

[لعّاب المنايا]

انا اشتريتهم قبل من الصناعيه المسمار بعشره ورحت للمخرطه وخرطهن لي
ولحمهن على القاعده ..

[D I K T O O R]

جزاكم الله خير

وش الفايده من المخرطه ؟

[شاص]

عندك محل الراحجي للمسامير عنده أنواع وأشكال لاتحصى من المسامير
محله بالصناعية القديمة بعد مسجد العويضة وأنت رايح غرب يجي على اليمين