وش رايكم بكفرات الشاهين

[قناص1975]

السلام عليكم ورحمة الله وبركاته اخوانى وش رايكم بكفرات سوموتو اليابانى اللى يسمونها شاهين مقاس 245-85-16 للسفارى
ولكم منى جزيل الشكر والاحترام

[راعي الطرقا]

كم السلام ورحمه الله وبركاته
بالنسبه لكفرات شاهين انا جربته على جمس غمارتين دبل 4x4 وله مركب سنه تقريبا ممتازللبر والطريق وعيبه الوحيد انه ما يصلح للي يبي يدخل الصمان الكفر يتشقق من جنوبه .

[مواسي الطعوس]

صعب تحصل (كفر) لكل شي , هذا جربته كذا مره ممتاز , عيبه الوحيد نحيف اذا كان موترك فيه رفارف, ويمكن تحلها تركب تبريزه .

** اذا مااعجبك انا من وجهة نظري احسن كفر للبر والخط والشكل (الدنلوب 265/75/16) شد بلد الاف جي (واحد يقول الاف جي يكفي منه فائده ها الكفر. احسن مافيه)

[الوعب]

السلام عليكم

بختصار ,,, انحش ينصلخ الله يكفينا وياك الشر

[.أبوعبدالرحمن]

متابع جدا


علما اني سمعت ان السوموتومو الشاهين مصنعه نفس مصنع الدنلوب

[Ibrahim.O]

الشاهين زين للرمل والديره بس اما البر والحصى ماينفع

عيبه انه لين مره ونحيف ودايم يزاعق مايمسك في الازفلت

[مدمن فتك]

الدنلوب دعسة الشاهين
بالرمل حلو وبالديرة مزاعق وبالحصى مابه خلاف يبيض الوجه

انا اكلمك وكان معي شاصي والامور تمام والحمدلله

[هدير الموج]

نوعية ممتازه لو تشابهت الاذواق لبارت السلع

دمت برعاية الرحمن

[desertman777]

ممتاز جدا للديرة والبر والبطانيج والرمل مركبه على السفاري من سنة تقريبا طبعا اللي مركبه الدنلوب اخوه بالضبط 245/85/16

عيبه زلقته سريعه بالماء وارتفاع سعره ب 580ريال

[shaheenshah]

اللي يقول انه ما يتحمل الحصى يعبي الكفرات 60 ويشوف اذا كان ينشق والا لا والله يالحصى انه يبنط تبنيط

[سيد الجو]

اعوذ بالله 580 للكفر الواحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بـلـيـهـان 1]

الشاهين يصلح لبر و يصلح لديره

لا انصلخ صلخته قويه

صوته عالي إذا عطيته أول

سعره فعلا ً غالي ..

شكله مقارب للبالون



فقط لا غير

[ابومحمدالبري]

انامعي هايلكس
ومركب عليه كفرات شاهين
والله زينه بالنفود بس والله ماجربت الحصى
وودي اعرف هي تتحمل ولالا

[طلال العنزي]

الشاهين مظبوط اذا انت راعي رمل وزفلت بس مايصلح للجلد لان الكفر لين بالحيل تحط فية 45 هوا واذالفيت يصرخ وتحس ان فيه 20 هوا انا ركبتهن على باترول 4 ابواب قعدن معاي سنتين بس تاكد لايكون حق دبي .

[جيبي جايزلي]

السلام عليكم ورحمه الله وبركاته من واقع تجربه كفرات السموتومو شاهين من اقوى الكفرات في نظري الخاص
من الاشياء الى يتميز بها الكفر انه اول شي ما له وشيش يعنى صوت الدعسه ثاني شي تقدر تنسم الكفرالى 10 لا يقرص ولا ينفصخ من الجنط مع اقوي الانعطافات في الرمال ثالث شى مطبه سهل فى الديره وفعلن البطناج يبيلك تحشره هوى غير هوه الي بزفلت وبنفود خله على 10 اواقل بعد ما يضره اتكلم عن مقاس 275 علي 70 جنط 16 والسعر قبل اسبوعين مركبهن جدد 420 ريال فقط لاغير ونصيحه لا تعداهن