الرجاء الدخول من خبراء مكينة السدرك

[ياليل خبرني]

السلام عليكم...

اخواني انا معي ددسن موديل 86 افكر اركبلة

مكينة سدرك ابي منكم كم سعرة مع التركيب كاملة

وهل هي تركب على طول على السيارة والايحتاج

الى ترهيم كراسي مكينة وبقية الاشياء

ارجو منكم الرد ضروري

دمتم بحفظ الله ورعايتة ...

[no fear 78]

نصيحتي ركب مكينة turbo RB مع الجير او شوف العزم السعر في الأمارات ارخص كثر حوالي 2000 ريال

بالتوفيق

[بدوي جنوبي]

السلام عليكم...

اخواني انا معي ددسن موديل 86 افكر اركبلة

مكينة سدرك ابي منكم كم سعرة مع التركيب كاملة

وهل هي تركب على طول على السيارة والايحتاج

الى ترهيم كراسي مكينة وبقية الاشياء

ارجو منكم الرد ضروري

دمتم بحفظ الله ورعايتة ...

عليكم السلام
زميلي كان عنده ددسن 85 غمارة مركب عليها مكينه وقير سدرك
لله العجب من سرعه فيها وقوة ،، من سرعتها خفت ما قدرت اتعدى سرعة 160
ومعروف ان طبلونها 240

طبعا تحتاج توليف كبير من كراسي مكينه ورديترورموحة وبكرات وكمبروسر وتلحيم وشغلات كثير وتغيير كرونه
او دفرنس كامل ،، الشغله طويله وتحتاج مبلغ كبير

وتراه ممنوع لو تصيدك امن الطرق وانت مسرع وقالك فك الكبوت وعرف انك مرهم تتصارد السيارة
غير ان الفحص الدوري ما يفحها

نصيحتي لك انسى الموضوع وترا خطير علي اللدسن
والله يوم جربتها ما فيها امان مره بعد تجاوز سرعه 160 ،، يعني تخيل محرك قوي علي
سيارة ما تتجاوز وزنها الطن

ومنت محصل احد يرهم لك ،، لانه ممنوع واصحاب الورش بيقول اتسبب علي نفسي بتقفيل الورشة
عشان ترهيم ددسن ،، ،، ووفر علي نفسك ترا مشاكله واجد بعد الترهيم

خذ لك موتر ثاني يكون افضل
بالتوفيق

[السارب]

لاتغرك مكينة السدرك قيرها ضعيف احسن شي ركب مكينة ددسن موديل99 وطالع احسن لك ويعيش معك الموتر ويكون احسن من اول

[ياليل خبرني]

نصيحتي ركب مكينة turbo RB مع الجير او شوف العزم السعر في الأمارات ارخص كثر حوالي 2000 ريال

بالتوفيق

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

مشكور اخوي على الرد بس انا ابي

استفسر عن المكينة الي تقولي انا

بالرياض وين القاه بعدين هي اقوى

من السدرك ولا اضعف

[ياليل خبرني]

عليكم السلام
زميلي كان عنده ددسن 85 غمارة مركب عليها مكينه وقير سدرك
لله العجب من سرعه فيها وقوة ،، من سرعتها خفت ما قدرت اتعدى سرعة 160
ومعروف ان طبلونها 240

طبعا تحتاج توليف كبير من كراسي مكينه ورديترورموحة وبكرات وكمبروسر وتلحيم وشغلات كثير وتغيير كرونه
او دفرنس كامل ،، الشغله طويله وتحتاج مبلغ كبير

وتراه ممنوع لو تصيدك امن الطرق وانت مسرع وقالك فك الكبوت وعرف انك مرهم تتصارد السيارة
غير ان الفحص الدوري ما يفحها

نصيحتي لك انسى الموضوع وترا خطير علي اللدسن
والله يوم جربتها ما فيها امان مره بعد تجاوز سرعه 160 ،، يعني تخيل محرك قوي علي
سيارة ما تتجاوز وزنها الطن

ومنت محصل احد يرهم لك ،، لانه ممنوع واصحاب الورش بيقول اتسبب علي نفسي بتقفيل الورشة
عشان ترهيم ددسن ،، ،، ووفر علي نفسك ترا مشاكله واجد بعد الترهيم

خذ لك موتر ثاني يكون افضل
بالتوفيق

ــــــــــــــــــــــــــــــــــــــــــــــــــ ـــــــــ
مشكور اخوي على الرد انت تقول انت مافية احد يرهم فية بالصناعية القديمة واحد متخصص

بترهيمات الدداسن القديمة اسمة ديفو وانا معك انة مايمشي بالفحص بس فية حركة اصحاب المرهمات

يسوونة يروحون للمحا فضات الي مافيها فحص دوري بس يجددون الاستمارة

[ياليل خبرني]

لاتغرك مكينة السدرك قيرها ضعيف احسن شي ركب مكينة ددسن موديل99 وطالع احسن لك ويعيش معك الموتر ويكون احسن من اول

ـــــــــــــــــــــــــــــــــــــــــــ
مشكور اخوي على الرد انا المكينة الي بموتري

مكينة ددسن 97 نفس مكينة99 كلها كربريتر

ومكينة السدرك مامثلها بالنشاط لاركبتة بالددسن


وشرط انك تدخل النفود مافية طعس يردك


وبالمقاومات تكسر روس الهايلكسات الجديدة


هههههههههه واحد حاقد على الهايلكسات هههههههههه

[ياليل خبرني]

ياخوان نبي تفاعل 76 مشاهدة وفقط ستة ردود وثلاث

منها ردودي نبي نشوف الي مجربين المكينة وش يقولون

الاخوان الي ردوا جزاهم الله خير ماقصروا

[ريف النشاما]

متابع


كود نركبها على الفستقي



>>>>>>>>>

[عاشق الكنود]

وينه ذا الي متخصص بالدداسن القديمه بالله ابيه لو بعد تراسلني على الخاص يكون افضل

[ياليل خبرني]

عاشق الكنود ان شاء الله ابي اشوفلك رقمة

لان الرقم مايحظرني الحين بس اشوفلك الرقم

قريب ان شاء الله

دمتم بخير

[سلمان الزيد]

السلام عليكم /انا عظوا جديد شفت موضوع اللي طارحينه عن مكينة السدرك على الددسن فاحبيت أن اقولكم ان معي ددسن غمارتين موديل تسعين مركب عليه مكينه وقير سدرك طبعا التكلفه قليله بس خسرت عليه قيمته وزياده من الخرابات اللي تصير مع مكينة السدرك لانها تخبط علطوول والحراره ياسلام علطول فوق
طعبا انا ركبت ثلاث مكاين سدرك عليه ولين الحين الامور زينه بس العزم ياسلام تطلع الشيب بالهيلكسات بس بشرط واحد غير الكرونه وركب كارونة سدرك لانها اقوى واخف من كارونة الددسن والاحسن أن المكينه اللي تبي تركبها مكينة السدرك السعوديه لا ن البستم حقها اكبر من المكينه اليبانيه وسلامتكم واللي يبي شي يراسلني

[ابو فلنجه]

ــــــــــــــــــــــــــــــــــــــــــــــــــ ـــــــــ
مشكور اخوي على الرد انت تقول انت مافية احد يرهم فية بالصناعية القديمة واحد متخصص

بترهيمات الدداسن القديمة اسمة ديفو وانا معك انة مايمشي بالفحص بس فية حركة اصحاب المرهمات

يسوونة يروحون للمحا فضات الي مافيها فحص دوري بس يجددون الاستمارة

اخوي لاهنت اذا تقدر تعطيني رقم ديفو لأن عندي ددسن 99 وابي اركب عليها سدرك لكن مالقيت ورشه شغلها نظييف