شفت " الذيب " مره ثانيه ولكن هذه المره " بالصور "

[Bo Rashed]

بسم الله الرحمن الرحيم
الحمد لله والصلاة والسلام على رسول الله

السلام عليكم ورحمة الله وبركاته

قبل فترة طرحت موضوع " قصتي مع الذيب " ولكن اليوم اللي صارت فيه السالفة ما كانت معاي الكامره للاسف، اليوم والحمد لله شفته مره ثانيه وهالمره ما فرط صورته كذا صورة وقلت ارفقها لكم وتتخيلون معاي الموقف اللي حصل لي.

معلومات عن الذيب:
هذا النوع من الذئاب يسمى ذئب الكيوتي وهو اصغر قليلا من الذئب العربي ويعيش في المناطق الجبلية والباردة جدا وهذا ما يفسر كثافة الشعر والذيل.











وفقكم الله
تحياتي

[الرّماي]

خوي بو راشد ما قلت لنا وين المكان الي شفت فية الذيب والمكان الي بالصورة اشجار وبحيرات وبيوت قرميد احمر بصراحة مكان عجيب

[Bo Rashed]

حياك الله اخوي الرماي

هذي الصور بامريكا بولاية كولورادو
ولا يغرك جمال المكان ترى الجو بارد ودرجة الحرارة تحت الصفر وتوصل احيانا 30 تحت الصفر، لكنه عجيب للي مثلنا يحب الصيد سواءا طيور ولا ارانب ولا غزلان، ولكن قوانين الصيد شديدة ولازم دورات خاصة سلامة وسلاح وبيئه عشان يعطونك رخصة قنص، وانا صاير مثل الخبل اشوف هالطيور والارانب والغزلان ولاني قادر اسوي شي لكن الله يرزقنا ان شاء الله ويعوضنا خير لان ذولي الكفار جنتهم الدنيا وما لهم نصيب في نعيم الاخره والله اعلم.

وفقك الله
تحياتي

[حد السيف]

الحمد للة على السلامة
كل عام وانت بخير
كل عام وانت بخيروعافية
الظاهر انة شايفلة طريدة علشان كذا ماجاب خبرك الله يفكك من شرة
الغريبة انة حر طليق ا وانة ذيب خكري رادينبة البشرية





محبك اخيك
حد السيف

[الرمله]

السلام عليكم ورحمة الله وبركاته
شكراً لك اخي الكريم على هذا المقال والصور الرائعه

لكن في المره القادمه نبغى صورة لهذا الذيب مثل هاذي............


نحياتي لك ...

[صقر]

أخي ابو راشد

اشهد انك وافي وعدت فأوفيت... وشكرا لك اخي ابو راشد

مشكور وما قصرت ... والمناطق هذي شكل الذيب عندهم مثل ابالحصين ... يعني المناطق فيها الدببة والنمر... والله يفكك يا بو راشد منهن وترجع لنا سالم غانم..

وكل عام وانت بخير....

[(أبو معاذ)]

السلام عليكم
حيّا الله أبو راشد
وكل عام وأنت بخير
أرضكم شهباء الله يدفع البلاء !!
الربيع عندنا يوسع الصدر..والفقع مقبل .. حتى الشتاء هذه السنة دافئ .. الله يديم النعمة

بنغايرك الآن قبل ما تغايرنا إذا جاء الصيف عندكم !!!


شد حيك .. والله يردك بالسلامة وتقر عين والديك ومن تحب

[بركان]

[size=4]-


الذيب ماله قذلــة هلهـــليه***ولا ثمـــــان مفــــلجات معـــــــــاذيب
والذيب ما يمشط بالشمطريه***لا واهني من مرقده في حشى الذيب[/size]

[مهند]

اخوي ابو راشد
من العايدين
وكل عام وانت بالف خير
والله يكفيك شر الذئاب
لا وذيابه في ديار كفار

ترا ماقصدي اهيض المشاعر
نسال الله انه يوفقك وتحصل على مبتغاك وتنال الشهادة بيسر وسهوله
وان يردك لاهلك سالم غانم ان شاء الله
وتقبل تحياتنا

[Bo Rashed]

السلام عليكم ورحمة الله وبركاته

اخواني الاعزاء
بارك الله فيكم وجزاكم الله خيرا كما اشكر لكم تواصلكم والذي يشجعني على تقديم المزيد ان شاء الله
وفقكم الله

تحياتي

[مهيلان]

ابو راشد how are you

شكرا لك يا ابو راشد على الصوره


الذيب يطالع فيك ومستغرب ويقول : وش ذا الشقردي اللي ما بعد شفت مثله

اكيد انه من نجد ... والا ما وقف قدام ذيب قوي مثلي .....

ــــــــــــــــــــــــــــــ
الله ييسر امرك يا ابو راشد وترجع لاهلك بالسلامه


سؤال : جبال الروكي وينهي فيه ؟؟

[المسفهل]

أفطن لروحك يا أبو راشد ترى الذيب ما يلعب ...

أخي أبو راشد نسأل الله أن تكون بصحة وعافية وكل عام وأنت بخير

ولك الشكر كله على مثل هذه الصور التي تزودنا بما نفتقده عندنا ...

دائما أنتظر مشاركاتك وأتلرقب مفاجآتك ..

[ابو شكاع]

بيني وبنيك يابو راشد

انا قريت موضوعك الأول

ويوم شفتك هنا تقول صور؟؟

قلت شكل الموضوع فيه فبركة

اثره صدز بصدز

لكن فعلا غريب هالذيب ............................. كيف يكون حر طليق؟؟................ ممكن انه غير معادي ؟؟


وهلابك

ولاهنت

[ذيب ونعم]

شكرا لك يا ابو راشد على الصوره

[عنـاد]

الله يعينك اخوي بو راشد في كولورادو عند المور من
كيفك مع خيول الموستينق والكوارتر ؟

الله يسهل امرك ويخلص امور دراستك او عملك باسرع وقت .
اتوقع الصورة في احدى الضواحي مهيب في العاصمة دنفر .

واذا تبي تشوف الطبيعة على حقيقتها عليك بولاية وايومنق تستاهل من يزورها صراحة

مشكور على الصورة والذئب هذا يسمى بالعربي القيوط

وهو اللي يجي مع ميق ميق اللي يلاحق رود رانر















تحياتي اخوك عنـــاد