سؤال عن افضل كميرة رقميه

[أبو نايف]

بسم الله الرحمن الرحيم

السلام عليكم ورحمة الله وبركاته

والله اني ماادري هل هالموضوع في هالخميمه او لا ؟

لكن ارجوا من اخوي المشرف نقله الى مكانه المناسب اذا لم يكن هنا .

عندي استفسار عن افضل كميره رقميه من حيث الصفاوه والزوم

والزوم مهم جدا يعني ما هي افضل كميره فيها زوم وتكون صافيه يعني خمسه بكسل

مو مهم السعر بس المهم تكون حلوة
علشان الواحد اذا دفع يدفع على شي يستاهل مهوب يخسر وبس

وتقبلوا تحياتي

أخوكم / أبو نايف

[عزالخوي]

الاخ العزيز / ابونايف
اغلب الكاميرات الرقميه تعطيك صورا جيدة جدا خصوصا اذا كانت في حدود (3megapixel ) وتختلف قدرات الكاميرا باختلاف سعرها ولكن من خبرتي الشخصيه فافضلها من ناحيه القدرات والسعر فهي Canon Digital(EOS 300D وهي تعطيك صور في حدود 6.3 megapixel كما انها تعتبر كاميرا SLR سعرها في حدود 4000 ريال.
تقبل تحياتي

[الطبيب]

وترك لكم كل مايمكن ان تجده عن الكاميرات الرقميه في هذا الرابط

http://www.mekshat.com/vb/showthread...&threadid=8691

وتقبلوا تحياته

وسامحوه من القصور

[أبو نايف]

أخوي عزالخوي
الله يجزاك خير ويثيبك انشاء الله
وياليت تكلمني عن الزوم الخاص بها هل اقدر اركب او لا ؟؟


أخوي الطبيب
مشكور على الرابط بس مواضيع الكميرات ما تطرقت للزوم
انا فاتح الموضوع جديد ابي كميره اقدر اركب عليها زوم قوي
يعني ابيها دربيل وكميره


وتقبلوا تحياتي
أخوكم / أبو نايف

[abos3d]

عندكم الجي ثري من كانون تقدر تركب عليها اي شي مثل العدسات والفلاتر و الخرابيط الثانيه واذا تبي شي خمسه ميجا بكسل ويصور فيديو بس ما تركب عليه العدسات وغيرها خذلك الـ باور شوت اس 50 power shot s50 من كانون وفيه عندك انواع اخرى مثل السوني شاور الاخوان الي لهم خبره في المنتدى واستخر ربك وبعدين اشتر

[الجوني]

http://www.mekshat.com/vb/showthread...&threadid=5617


ليتك لم تستعجل المنتدى ولله الحمد لم يخلو من مثل هذه المواضيع واليك الرابط الذي وضعه اخينا طبيب وكذلك اللي موجود في الرد اعلى واعلم ان زيادة المواضيع وتكرارها يثقل على المنتدى وشكرا


أخوك:/ أبو صالح

[أبو نايف]

أخوي abos3d

شكرا على رايك

أخوي الجوني

اشكرك على ردك وانشاء الله ما عاد اعودها


بس يااخوان ابي اشاوركم انا احترت في ثلاث كميرات وابي كل الشباب يعطوني رايهم ايهم احسن
=================
الكميره الاولى
من سوني
خمسه ميقا بكسل
مع ثلاثه زوم
وعدسات Carl Zeiss اللي تتميز بصفاوتها
مع خاصيه التصوير الليلي
وميزه هذه الكميره صغر حجمها فهي من جد صغيره
بس عيبها زومها ديجيتال
وهذي صورتها


سعرها 2200 ريال تقريبا

============================
الكميره الثانيه
من سوني
خمسه ميقا بيكسل
مع اربعه اوبتيكل زوم
وايضا عدسات Carl Zeiss الصافيه
وخاصيه التصوير الليلي
وهذي صورتها


وسعرها حوالي 2700 ريال
============================

اما الكميره اللي من جد اعجبتني وشريتها الا شوي فهي
كميره من سوني ايضا
ثمانيه ميقا بيكسل
مع سبعه اوبتيكال زوم
وعدسات Carl Zeiss ايضا
وخاصيه التصوير الليلي
وامكانيه التحكم بالفوكس يدويا
وفيها الكثير من المميزات
مثل امكانيه زياده الزوم وامكانيه تركيب الفلاتر
وهذي صورتها


بس يعيب هالكميره كبر حجمها زي ما تشوفون
قيمتها 4400 ريال غاليه شوي
بس شكلها تستاهل

وش رايكم يااخوان
ارجوا النصيحه

في انتظار ردودكم
أخوكم / أبو نايف

[abos3d]

اخوي ابو نايف كانك راعي تصوير محترف والا مثلا صحفي او عملك يتطلب دقة عالية جدا في التصوير فخذ الكمره الاخيره كانها ميب غاليه عليك اما اذا انت بتصور في البر او البحر يعني تصوير عادي فخذ الكمره الثانيه

[أبو نايف]

أخوي أبو سعد
أشكرك على متابعتك للموضوع

والصراحه انا في راسي الثانيه
علشان زومها

بس الاولى جايزن لي حجمها
تحس انها وذفه
بس يعيبها زومها

واشكرك من قلبي على اقتراحك

أخوك / أبو نايف

[abos3d]

ما سوينا الاواجبنا اخوي ابو نايف وترا كان في الرد اخطاء وصلحتها اذا كان ودك تراجعه مره ثانيه

[أبو نايف]

يا حبي لك ياابو سعد
خابر انك يوم قلت خذ السوني
انك تقصد الاخير علشانك قلت كانها مهيب غاليه عليك
ومشكور على التعديل

تحياتي لك
أخوك / أبو نايف

[أبو نايف]

بسم الله الرحمن الرحيم

وشلونكم يا شباب

عارف والله اني غثيتكم انا وهالموضوع لكن تحملوني

اولا
حبيت اقولكم اني تقصيت عن هالكميرات
ولقيت ارخص شي
بس مهوب عندنا عاد عند الانترنت
لقيت الكميره الاخيره سعرها في النت يفرق عننا بكثير
بس عرفت السر في فرق السعر وهو ان الشركات الخارجه تعطيك الكميره كذا ما معها ولا عود بعدين يرفعون اسعار الاشياء الثانيه اللي بتشتريها انت معها مثل كرت الذاكره والبطاريه وشاحن البطاريه والجراب .. الخ

وهذا موقع الاسعار للي يبي يطلع
طبعا الموقع يعطيك السعر في كذا محل ويعطيك ارخص شي ويجيبه لك اذا تبي
اضغط هنا

===========================================

المهم مهوب هذا موضوعي
انا موضوعي اني ابشركم شريت كميره مقاربه لكميره السوني
طبعا بعد دوران في اسواق الرياض
ما خليت محل الا وابلشته بالاسئله

وحبيت اوريكم كميرتي

الكميره من نوع HP
5.3 ميقا بكسل
الزوم 56
8 اوبتيكال زوم
يجي معها بطاريات وشاحن
الشاحن عن طريق الكميره يعني تثبت الكميره في الشاحن وتشحن
امكانيه استخدام البطاريات العاديه في حال الضروره يعني اذا خلصت عليك البطاريات الشحن وانت ودك تصور زود ولا عندك كهرب
معها كرت ذاكره 32 ميقا بايت
وصله يو اس بي للكمبيوتر مع سي دي التعريف
وصله لعرض الصور على التلفزيون
امكانيه التصوير في الكارت 32 ميقا من 12 صوره لااحسن نقا للصوره الى 96 صوره بااقل نقا للصوره
امكانيه تركيب العدسات
امكانيه التحكم بالفوكس اوتوماتيكيا او يدويا <<< هالميزة ما لقيتها في كثير من الكميرات
والكميره اصغر من السوني صراحه بواجد

بقي عاد الزبده وهو سعرها
انا شريتها بالفين وخمس ميه ريال 2500

وهذي صورتها


ارجوا ان لا اكون غثيتكم

تحياتي
أخوكم / أبو نايف

[عزالخوي]

السلام عليكم جميعا
مبروووووووك عليك اخوي ابونايف
ويالله نحن في انتظار ان تتحف المنتديات بصورك-وصدقني مواصفات ممتازة وسعر مناسب جدا-مبروووك مرة اخرى.
تقبل والجميع تحياتي.

[أبو نايف]

أخوي عزالخوي

الله يبارك في عمرك انشاء الله

وابشر والله بواحد يبلشكم بالصور

تحياتي
أخوك / ابو نايف

[ابو شكاع]

مبروك يابو نايف


الله لا يخسرك .................. ما شاء الله عليك باين عليك فاهم بالكاميرات

طيب هذي الأتش بي انت تقول عنها ان الزوم 56

ممكن تشرح لي هالنقطة يعني وش معنى ان الزوم 56؟

وتسلم