ماشاءالله تبارك الله صدق اولاتصدق ربيع في احدى الفياض في وسم 29 من اخوكم مطارد البروق

[مطارد البروق]

السلام عليكم ورحمة الله وبركاتة
مساكم الله بالخير جميعا ياخواني الاعضاء والضيوف وبارك اللله فيكم اينما كنتم جميعا
والله اني مثلكم ما صدقت ان الربيع بيكون مثل اللي بالصور الثلاث ماء شاء الله تبارك الله الله يتممة على خير والله ان صاحب الصور كان رافض بتاتا اضهار الصور علشان ماحد يعبث فية من بعض الشباب ويقول خلة بس يكبر اشوي وبعدين اخبرهم ,,, وانا صراحة ومن باب التبشير حبيت ابشركم في هذة الصور تاريخ هذة الصور هوي يوم الخميس الموافق 15-11- 1429 من ربيع هذا العام في احدى الفياض وماء شالله يبشر بربيع مميز جداجدا هذا العام ,, ارجو من الجميع عدم الاحراج للموقع الاا بعد اذن صاحب الصور وانا حبت بس ابشركم فيها وسلامتكم ,,,
الاولى


الثانية


الثالثة والاخيرة


نحمد الله ونشكرة على هذة الخيرات التي لاتحصى ,, ان شاء الله بيكون موسم ممميز جدا وسوف يخلد بالذاكرة لسنوات قادمة ,, وسلامتكم ودمتم سالمين جميعا
وتقبلوا مني جزيل الشكر والتقدير
من اخوكم ومحبكم ابونواف

[ابومجيد]

ماشاءالله هذي شكلها بالصمان بس عاد اي صمان..................

[جني نت]

سبحان الله

شكراعلي الصورالرائعه

[ثعل البرد]

ما شاء الله تبارك الرحمن

كل هالربيع الآن وبهالسرعة

الحمدلله على فضله ونعمه الكثيرة

الله يزيد ويبارك وما قصرت يا أبونواف

دايم علومك غانمة

[شاهين2007]

ماشاء الله تبارك الله
والله يعيد علينا الوسمي والربيع الطيب هالسنه وكل سنه انشاء الله
وياليت ممشى المواتر يكون من اطراف الروض عشان ماتتاثر

[wwq]

وعليكم السلام


يالبييييييه

ما شاء الله صور تفتح النفس

وان شاء الله موسم خير على المسلمين

مشكور يالذيب

.
.
.

[آل علي]

الله يبشرك بالخير
أنت وصاحب الصورة

[leel]

الله يبشرك بالجنه
ماشاءالله من هذا وطيب

[عادل الروضة]

الصوره ليست في الصمان الصوره قديمه واتوووقع كذلك لن الربيع في مرحلة طلوع البذر وانما الشعير يفز علي طول وينبت سريع وهذا مو شعير بس للمره الثانيه قديمه

[مطارد البروق]

الصوره ليست في الصمان الصوره قديمه واتوووقع كذلك لن الربيع في مرحلة طلوع البذر وانما الشعير يفز علي طول وينبت سريع وهذا مو شعير بس للمره الثانيه قديمه

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

[عادل الروضة]

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

والله ياخوي انا لي اسبوعين في البر حتي روضة تنهات الي محميه مصارت نفس الصوره الي فوووق لكن الله يعلم اني ماكذبك لكن انت اعذرني اي والله لني من جد ماني مصدق للحين المعذره ياخوي

[مراويح السحاب]

ويعلم الله وقسم بالله انة من تصوير هذا اليوم والله خير الشاهدين

صدقت يامطارد البروق والله يبشرك باالخير

< من حلف بالله فليصدق > حديث شريف

للمكذبين :

الرجل اقسم بالله العظيم انه صادق وهذا يكفي

اضافة لشهادة البعض هنا بمصداقيته سواء من يعرفه شخصيا

او من يبخص المكان المقصود ..

[الذويبي]

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

بيض الله وجهك على هذي العلوم السنعه وعلى صدق الاخبار

[abnbtota]

جزاك الله خير ياخوي حنا ماهي عدتنا نجيب اخبار قديمة ثم نسوي لصق ولزق علشان السبق في اماكن الربيع والله ماهي عادتي ,, وانا يكون ابعلمك ماحطيتة الاا بعد تحري الخبر ومصدقيتة 100% على كل حال جزاك الله على ماقلت وهذي ماهيب عوايدي يالطيب ,,, ويعلم الله وقسم بالله انة من تصوير هذا اليوم والله خير الشاهدين

تجيب العلوم ... ابد من خلال الاطلاع خلال الاسبوع الحالي متوقع مارأت وان شاء الله الاسبوع القادم وما بعده شيء روووعة

[نداوي الكويت]

يا جماعه الله يهديكم ( مطارد البروق ) من الاعضاء المحترمين وما ممكن يفبرك شي .
عموما اقترح عند تصوير المناظر اللي ممكن يثور حولها مثل هالجدل ان تتضمن الصوره اي جريده صادره بذات التاريخ .. لان في ناس ما تصدق الا اتشوف بعيونها .