الشاص تكلفتة 50 الف واشتر سياره واحصل على الاخرى .. الخ

[NATLUS]

بسم الله الرحمن الرحيم

موضوعي لا يشمل كل جوانب ازمة شركات السيارات فا انا مثلكم انتظر النتائج لكن من خلال تصفحي للمواضيع في خيمة السيارات وجدت بعض الكلام الي بصراحه صدمني مثلا سعر تكلفة بعض السيارات وتلاعب الوكلاء في اسعارها الى درجة وصول المكاسب للضعف وهذا كلام خطير لو صح


بعض الاشخاص هنا الله يهديهم يسمعون كلام ويتبنونه ويدافعون عنه وكانه حقيقه مسلمه وهم بالطريقة هذي ضلمو انفسهم وغررو باخوانهم والانسان العاقل لا ينقل كلام الا متاكد منه او اضعف الايمان ينقله ولا يأكده ويقول هذا كما وصلني ولا اعلم عن صحته شيئا


حاولت اعرف اسعار السيارات الي لها شعبيه في منطقتنا وكان اختياري للاند كروزر وحبيت اضيف معه الشاص واضافة لشعبيتها باعتقادي ان بلدان كثيره لا تهتم في هذه النوعية ويفترض تكون افضل مثال لنا


بلدان الخليج متشابهه في امور كثيره وخوفي من التلاعب يطال حتى وكلاء الخليج قلت لنفسي ابعد عنهم قدر المستطاع لدول اخرى تباع عندهم نفس الانواع ولو اختلفت المسميات

نبدا في استراليا وكما يعلم الجميع هي اقرب لليابان من منطقتنا وبحكم ان عندهم بدو وراعين حلال ولديهم تنوع في التضاريس ومناطق صحراويه فا اكيد عندهم اهتمام بنفس النوعية من السيارات


الاند كروزر وهو حسب تصنيف شركة تويوتا landcrusier 200
والشاص مثل مانطلق عليه وهو من فئة landcrusier 70

والاسعار مبينه تحت كل صوره وعنوان موقع الشركه لكل بلد للتأكد او البحث عن موديلات اخرى


اولا استراليا وعملتها الدولار ودولار استرالي = 2.41 ريال سعودي .. علشان تسهل الحسبه للاخوان

http://www.toyota.com.au/landcruiser-200/range


http://www.toyota.com.au/landcruiser-70-series/range




ثانيا جنوب افريقيا عملتها الراند و 1 راند = 0.34 ريال سعودي

http://www.toyota.co.za/models/viewmodel.aspx








http://www.toyota.co.za/models/viewmodel.aspx






اخيرا امريكا

http://www.toyota.com/landcruiser/tr...room&vehicle=0






انا اخذت الاسعار اليوم من المواقع كلها والروابط موجوده علشان الي وده يتأكد او يشوف نوع ثاني ويقارن بين الاسعار


طبعا الاسعار غالبا تبدا من السعر الفلاني

وراح اضع اختصار للاسعار الان ونقارن بينهم

الاندكروزر في استراليا يبدا من 70.700 الى 107.800 يعادل بالرياض من 170.000 ريال الى 259.798 ريال


في جنوب افريقيا الاندكروزر سعره 807.400 يعادل بالريال 274.000 واعتقد ان هذا افضل فئه واضح من السعر واجزم ان سعر المبيعات في جنوب افريقيا لنوع مثل هذا مايقارن بالنسبه لمنطقتنا ومع ذلك نرى ارتفاع السعر


امريكا وسعره مثل ماهو مبين في موقعهم 64.755 بالسعودي يساوي 242.831



سعر الشاص مع اختلاف الشكل خاصة في الحوض لكن يعطينا فكره عن سعره وحتى لو اختلف الصندوق الخلفي وعلى فكره كثير من البلدان ماعندها النوع هذا من السياره ولا تستوردها يعني مقتصر على بلدان معينه منها منطقتنها ويمكن الي يجينا انعم شوي ماهو مثل الشكل الي يصدر للبلدان الثانيه كأنه حق مصانع

على كل حال اخترت الاقل سعرا من بين الانواع وكان وسعرة في استراليا 54.490 ويعادل بالريال 131.320 ريال سعودي ثمانية سلندر

والسعر في جنوب افريقيا ستة سلندر 341.200 ويعادل بالريال 105.772 ريال سعودي وهو الاقرب لنا


الكثير راح يقولون المواصفات تختلف وانا اتفق معكم لكن الاسعار بينا وبينهم فيها نسبة من التقارب



انا مثل البعض بعد ماسمعت الكثير من الاخبار انتظر تنزل اسعارها وان شاء الله تنزل وأجلت شراء سيارة الى ان اتاكد وش حنا عليه واعتقد الاغلبيه يتفقون معي في نقطه وهي ماراح تنزل الاسعار الا لو نزلت في الاماكن الي اعطيتكم عنها امثله في الموضوع فا لو شفنا الاسعار قلت في دول بعيده عن منطقتنا فا اكيد راح نلحق هم طال الوقت ولا قصر لكن من سابع المستحيلات تقل عندنا قبلهم



واسف على الاطاله لكن حبيت اشارك اخواني الرأي

والسلام وعليكم ورحمة الله وبركاته

[ابو لما]

شكرا على الموضوع القيم وعلى طاري اسعار السيارات انا رحت المعارض في جده ابغى اشتري شاص ودورة ارخص شي في المعارض وحصلته ب116الف ريال وهو النوع ابو كفر عريض ورفرف ولاكن بدون ونش ولاهزاز وموديل 2009 وفي الرياض ب119الف فرق 3000الاف لان الوكالات لايوجد عندهم الا بالحجز وبعد 3اشهر والله يكتب اللي فيه خير وشكرا

[كبسولة2]

أخوي تقارن ولا ما تقارن

والله أنا شعباً ماكول ماكول

من الحكومة ومن التجار ومن الأتصالات ومن الكهرباء

ومن البنقاليه ومن من هب ودب

شعب مع أحترامي للقراء غبي مايفهم

صدقني وكلاء السيارات لدينا في المملكة كسبانين دبل وثري على ظهورنا

لكن علاجهم والله في مقاطعة شراء بضاعتهم 4 شهور فقط

وشوووووف كيف يبوسون يديك عشان تشتري منهم

[تؤبر تسبدى]

يعطيك العافيه وماقصرت

[ابن الحناكية]

يعطيك العافيه وماقصرت

[البرحه]

لاهنت على الموضوع

وفعلا اكثر الناس سواليف .....

[الذيب911]

المعذره اخووي (يعطيك العافيه على الموضوع )


بس فيه ملاحظه صغيره :-
اولا استراليا وعملتها الدولار ودولار استرالي = 2.41 ريال سعودي .. علشان تسهل الحسبه للاخوان

بالنسبه لـ أستراليا عملتها الدولار الاسترالي سعر بالريال السعوديه : 4.30 ريال سعودي


حبيت اوضح اللي اعرفه


وفعلاً فيه تلاعب كبير بالسعوديه خاصه ودول الخليج والعربية ..؟؟

مثلاً عندنا السعوديه -الرياض

الوكيل تايوتا عبداللطيف جميل ؟ ليش مو اكثر من رجل اعمال علشان يكون فيه تنافس (خصخصه)
زي مثلاً شركة الاتصالات الآن اكثر من شركة صار فيه تنافس في الاسعار ..



والف شكر لك لفتح باب المناقش عند موضوع كبير زي هالموضوع

[ford]

طيب اخوي السعر اللي في استراليا وجنوب افريقيا بالجمارك والا بدون الجمارك لان الجمارك عندهم اغلي منا لان الدولدين يصنعون سيارات

[شقران نجد]

أخوي تقارن ولا ما تقارن

والله أنا شعباً ماكول ماكول

من الحكومة ومن التجار ومن الأتصالات ومن الكهرباء

ومن البنقاليه ومن من هب ودب

شعب مع أحترامي للقراء غبي مايفهم

صدقني وكلاء السيارات لدينا في المملكة كسبانين دبل وثري على ظهورنا

لكن علاجهم والله في مقاطعة شراء بضاعتهم 4 شهور فقط

وشوووووف كيف يبوسون يديك عشان تشتري منهم

قاطعهم مثل ما قاطعت اللبن واخيراَ جيت على خشمك تشريه بقيمته وش فادة فيه المقاطعه

اقول الركاده زينه وعيب تنعت شعب كامل بالغباء وعدم الفهم ......

انت متحمس لنزول السيارات فلاتدع حماسك يدفعك لكتابة ماهو غير لائق بمنتدى عقلاني

والرجال جايب لك تقرير من دول مختلفه وفصله لك مشكور وبين ان الأسعار متقاربه وتصر على انهم مدبلين الأسعار عندنا ياخي لعلمك هالخليج القريبه فرق عن اسعار سيارتنا من 20000 الى 30000 وهذولي هم يجون يشرون من سوقنا !!!!!!

[بوسعود 180]

اللي يقول ان الشاص يطلع على بوجميل ب50 الف ويبيعه ب100 الف هذا ماعنده سالفه

اصلا وكلاء السيارات اغلب ارباحهم من الصيانه وقطع الغيار