الجيب ماعرفت اسمه اعرف انه موديل 92

[ابن الصويدره]

اعرف انه الموديل الي بعده جاء اسمه برادو
كم يسوى هذا الجيب ياهل الخبرة في الاسعار
الجيب نظيف والمكينه موظبه

[عاشق السيل]

اسمه fornr يمكن أخطيت بالاسبيلنق لكن يقاله فورنر ،،

السيارة حلوة وصبورة وتصلح للبر لأنها مرتفعة جدا لكن ترى مكينتها صغيرة جدا وعزمها لك عليه !!

أما أسعارها والله ماعندي علم بس تراها رخيصة لأنها غير مرغوبة بالسعودية ،،،،

[ابن الصويدره]

بيض الله وجهك

لأنها غير مرغوبة بالسعودية
غريبه البلد مليانه من هالنوع

[الربذي]

اكيد فوررنر
خذ سعودي ترا فيه استعمال امريكي صبوره جدا كانت معي وحده بس ثقيله بالخط وقطع غيارها تجده بصعوبه حتى عند الوكاله 0

[بو خليفه]

على فكرة برادو موديل 1990م أصبح اسمه في بعض الدول سيرف إلى موديل 2008م لأن انا اللى عندي اسمه سيرف ولكن في السعودية اسمه برادو

[ابو شكاع]

يمكن تقصد الـ 4RUNNER
وهذي صورته موديل 1992

.
.

.
.
ماعندي فكرة عن أسعاره أو حتى جودته

[سرطوقا]

15الف وتحت وشكرا

[بو خليفه]

ابو شكاع هذا اسمه في اليابان وآسيا الشرقية surf و محركاته نفس البرادو وانقطع عند 2008م
ويأتي بنزين وديزل بعدة محركات

[ابن الصويدره]

مالكم لوا
ياشباب السياره ماهي الصورة هذه المعروضه من قبل الاخ أبو شكاع
الجيب 4 سلندر و كلبليتر ومنتشر بشك طبيعي وما وجد له اسم تكفون
اللي اعرف انه جاء بعد البرادو

[Magellan]

والله ياخوي الصويدرة ،،الموتر عزم دباب خصوصا الـ4 سلندر
لكن من الأفضل يكون كسيارة إحتياطية وللبر مادام موديله قديم
وأسمه مثل ماقال أبوشكاع
فورانر أو four-runner
لكن يمكن تقصد اللي هو أصغر ويُسمى راف فور ويجي منه 4 و6 سلندر
دفع أمامي أساسي أو دفع رباعي لتوازن السيارة

[ابن الصويدره]

مشكور اخوي ماجلان
لكن الجيب يختلف عن الصوره الموجوده عند ابو شكاع
والجيب فيه علامة من الخلف مكتوب Lx

[بواردي الدلم]

تبي العلم

انحش

لو يقولون لك بريالين خله

تراه مع واحد من اخويانا والله انه وكاله ماخذه العام ب35 الف اقول كنه مطلع من الوكاله

بس والله علعل براعيه

تخيل بالعرق الهواء 10 وبالاول يمشي بالخفيف تعطيه الثاني يقوم يلقلق ويطيح عزمه

سوى فيه المستحيل ومانفع

بعدين يشرب شرب الويل

والله انه راح به للإمارات انه كلف عليه 500 ريال بنزين يوم البنزين غالي يعني ماينبغى بريال

ومكينته مكينه هايلكس وكرسيدا 22r

خذ لك هايلكس غمارتين دفرنسين موديل 98 ابرك منه

والله العظيم اني اقول لك هالكلام لاني مابيك تندم على شراه

وانت بالخيار

بعدين تراه موب راسي ابد تخيل خوينا دقه واحد بالحاره على بيبانه انقلب قلبتين لانه رفيع ومابه زود عرض يعني دولاب ملابس موب موتر
إنحش

[رقبة حاشي]

هذا هو الجيب والا لا .....

[ابن الصويدره]

مالك لوا يارقبة الحاسي
يابوردي الدلم كفيت ووفيت
خساره كنت ابرسلك على الخاص لكني ممنوع
أخوي رقبة الحاشي مالك لوا الجيب يختلف عن هذا النوع واخر موديل له 96

[طبعي شمالي]

؟؟ منتشر بالبلد ومن تويوتا ؟

اخوي صور لنا صورته بالجوال ونزلها ..

او جيب لنا وصف تقريبي له