مشكله منذ 6 سنوات وجميع الورش .. فشلت في حلها تكفووووووون

[sadah]

السلام عليكم ورحمه الله وبركاته

اخواني الاعضاء

عندي مشكله صار لها ست سنوات وعجزنا عنها

جمس صالون 99 دفرنسين تماتيك دبل كهرب مكينه 454

المشكله الله يسلمكم كالاتي

عندما اشغل الموتر وامشي يبدل تمام.....بس لو هديت تحت سرعه60 او وقفت عند اشاره

وبعدين مشيت ما يبدل القير.....يقعد بنمره وحده بس

لازم اطفي الموتر لمده 7 ثواني واشغل الموتر مره ثانيه بعدين يسير يبدل ولمن اوقف مره ثانيه نفس المشكله تتكرر

الصيانه

طبعا وضبت القير مرتين وغيرت جميع الحسسات والفلتر ونفس المشكله موجوده

ذهبت للكويت وغير ت القير والطنجره ونفس المشكله ما زالت موجوده

من هنا تبين ان الموضوع شغله كهرباء ----فحصناه بالكمبيوتر ما لقينا المشكله

يا شباب لو حد منكم مرت عليه هذه المشكله او سمع عن مثل هذه المشكله

يردلي خبر

الموتر على يدي من الوكاله

فزعتكم يا شباب الله لا يهينكم

[هدد99]

حرج علية ((((( وتنطلق العقد هذي عونتن صغير قشر )))) ونشاءالله انها تنتلق .... وسلامتك . 511

[العزوم]

سالفت سيارتك ذكرتني بنفس المشكله حصلت لواحد مطلع جمس صالون من الوكاله دفرنسين موديل سنته 99اخذه من الوكاله بالملز وفوق كبري النهضه بطريق خريص قال هذا مكاني !!!!!!!!!!!!
جيمت الدفرنسات والقماشات حاس الحركه وكان الوقت بعد العصر مباشره ويحاولون المرور يسحبونه بونش ماقدر يطلعه ويجيبون قلاب سكس وتزحزح شوي لكن السياره جديده وخافوا ينكسر القير وبعد ساعتين جاء مهندس امريكي من الوكاله وبعد محاولات عديده يالله طلعوه عن الطريق

ااااسف على الاطاله ............. لكن يبدو ان المشكله خلل مصنعي الواجب من بدري رجعته للوكاله يستبدولونه لك

[طاش]

هلا اخوي مرة صارت نفس المشكلة مع خالي ماخلا ورشة الا وراح لها قالوا له مخ القير والله تلعوز بس راح حق واحد في طريق سلوى قطر اذا انت من اهل قطر وطلعت المشكلة تافه جدااا فيه فيش ساكت هو الي كان فيه الخلل وقيمته كانت 60ريال تاكد من هاذي الشغلة

[طخيمان]

والله اخاف انها عين وانا اخوك

[sadah]

الاخ طاش اشكرك على مرورك

يا ليت تتاكد من خالك وتشوف وين يركب هذا الفيش --ما يهم القيمه بس يصلح

الله لا يهينك

انا في الشرقيه الجبيل

تحياتي لك

[white1]

الله اعلم عندك مشكله كهرب شوفلك كهربائي ممتاز وانشاءالله تزول مشكلتك
:d

[مفرق النجوم]

اخوي سداح بعد التحيه .........
انت جربت تفك كمبيوتر السياره وتركب عليه كمبيوتر ثاني وتجربه؟

[بن داود]

عندي كمبيوتر 98 ممكينه 350

اذا تبيه قلي

[NissaN 1990]

أنا عندي نفس موترك بس دبل أرضي موديل 1993 قرادت حضي بعت الباترول وشريته المهم،، إذا هديت أو ورجعت ريوس يفضي الدبل يصير على وضعية N بدال ماهو على H2 بعدها أطفيه وأحط القير على P وأرجع الدبل لوضعه الطبيعي ويمشي على طول أتوقع أن المشكله نفس اللي عندي يعني موترك يفضي الدبل مثل موتري بس أنا ما فضيت أوديه للميكانيكي ما أدري تأكد يمكن هو حول خراب موتري بس شدني الموضوع وقلت أعلق ممكن تصدف

عموماً آسف على الإطاله ولا تواخذني

[الربذي]

ياصبرك عليه
لاتستغرب امريكي يجي منه كذا واكثر

[هاوي المواتر]

اتوقع اخوي انه كمبيوتر والا انه عين ماصلت على النبي ...

[arrow]

بسم الله

اخوي سادة ,,

لك رسالة على الخاص واتمنى اني افيدك ....

واذا انحلت مشكلتك اتمنى انك تنقل تجربتك هنا ليستفيد الاعضاء ...

وفقك الله ...

[my own]

السلام عليكم
اتوقع يكون عندك مشكلة بالقفرنر حق الجير الي يتحكم بتغيير النمر ..
دامك من الجبيل فيه وكالة بشارع الشعير مختصة بالجيربوكسات مر عليهم شوف ,,
فالك العلم الزين

[ابوطاقية]

من موديل 90 حتي موديل 2006 يجي كمبيوتر للقير صغير مثل الي بالصوره (كنترولر)
ومن موديل 2007 قامو بدمجها بكمبيوتر واحد وصار لها ثلاث افياش مثل الي بالصورة
واتوقع تحتاج الكمبيوتر الصغير هذا عشان تحل مشكلتك باذن الله

كمبيوتر القير او الكنترولر


الصورة تحت لكمبيوتر قديم




الصورة تحت لكمبيوتر من 2007