مزاد سيارات بالكويت

[DARK2]

السلام عليكم ورحمة الله وبركاتة
بصراحة للاسبوع الثالث على التوالي وانا متردد انزل الموضوع لكن للامانة الاسعار اللي انباعت فيها السيارات الاسبوع الماضي كانت جداً مغرية وتمنيت للكل الخير
مزاد القملاس :
كل يوم سبت الساعة 3 عصرا في منطقة امغره مقابل سكراب القملاس
والسيارات تابعة للحرس الوطني الكويتي ووزارة الكهرباء والماء

انباع جيب سفاري 91 بسعر 1770 دينار كويتي = 24 الف ريال سعودي
اكثر جيب سفاري ماشي 90 الف كيلو واقل واحد ماشي 62 الف

وهذي بعض صور السيارات اللي انباعت الاسبوع الماضي










يوجد غداً ان شاء الله مزاد الساعة 3 عصراً

[رواق]

جزاك الله خير اخوي

لكن وين الأسعار المغرية اذا كان جيب 91 بـ 24 الف ازودها 6 الاف ريال واشتري 99 من الرياض !

[عاشق البسمه]

اسعار مغرية!!!!! لا ويبي للسيارة رش كامل,,,

[البتار2011]

غاليه الاسعار الله يهديك والمشكله اللون سئ جدا يعني لازم ترش الموتر ممكن تستفيد فقط من المكينه والقير والدفرنس ولكن ايضا السعر غالي

[Magellan]

مشكوووووور أخوي Dark2
على تذكيرنا بالمزاد
لكن أشوف سعر السفاري غالي على إنه مزاد بالإضافة لأنه يبي حرق الدهان كاملة حتى تغيره

[ابوضرار]

جزاك الله خير على المعلومه

[سيف الظفير]

غاااااااااالي يالغااااااااااااااالي

[no fear 78]

غالي يا غالي

[راعي المجهم]

غااااااااااااااالية جداً

سوبر سفاري في الرياض يباع بــ 30 ألف ريال نظيييييف

ولا يحتاج تغير لون زي الــ 91

وللمعلومية 91 النظيف سعره 18 ألف ريال بدون رش وتغير فرن بــ 3000 ريال

[طلآل]

السلام عليكم ,,

بالنسبه للاسعار فهي مناسبه ورخيصه ومغريه بالنسبه لنا بالكويت يعني موديل 91 نظيف وماشي 70 الف وبهالسعر اشتريه ماعندي مانع مغري لان بالكويت ال91 ماكل الدهر وشارب عليه يالله تحصله ب1300 دينار وهذا ب1700 والموتر محركاته فوق الممتازه وممشى قليل اشوفه مغري ورخيص حتى لو يحتاج صبغ

[DARK2]

انا اسف يا أخوان حصل عندي خطأ في موديل السيارة اللي انباعت بقيمة 1770 دينار وقدمت اعتذار في رابط ثاني ومشكور للاخوان اللي نبهوني على هالموضوع واسف مرة ثانية على الخطأ الغير مقصود

[صالح777]

غرض المكشات والله السفاري عسى ربك يسهل إن شاء الله

[internetq8]

السلام عليكم الاخ صاحب الموضوع .. سيارات الحرس الوطني انا من الناس اللي وقفت وحرصت على الحضور للمزاد موديل 96 ماشي 72 انباع 2550 دينار كويتي ... هذا اللي كان العين عليه لانه ابيض من داخل والسيارات كلها مصبوغ من برا فقط وصوت المكينه نااعمه .......... بس تعال نحسبها سعر 2550 زائد تغيري لون 350 وحاب خشمه زائد تواير زائد ربلات زائد دعاميات زائد زائد ربلات الدعاميات زائد وجه لأن كلها مصبوغه وانت شايف كم تتوقع سفاري اصلع ( سلوقي عزكم الله ) طلع عليك الموتر اكثر من بيع السوق واذا شافه احد عقب التعديل قال هذا فيه ومافيه ليه صابغه اكيد من اهل الدوارات ............. والصراحه انت ماحسيت انه هالمزاد اغلا من السوق العادي

[internetq8]

السلام عليكم الاخ صاحب الموضوع .. سيارات الحرس الوطني انا من الناس اللي وقفت وحرصت على الحضور للمزاد موديل 96 ماشي 72 انباع 2550 دينار كويتي ... هذا اللي كان العين عليه لانه ابيض من داخل والسيارات كلها مصبوغ من برا فقط وصوت المكينه نااعمه .......... بس تعال نحسبها سعر 2550 زائد تغيري لون 350 وحاب خشمه زائد تواير زائد ربلات زائد دعاميات زائد زائد ربلات الدعاميات زائد وجه لأن كلها مصبوغه وانت شايف كم تتوقع سفاري اصلع ( سلوقي عزكم الله ) طلع عليك الموتر اكثر من بيع السوق واذا شافه احد عقب التعديل قال هذا فيه ومافيه ليه صابغه اكيد من اهل الدوارات ............. والصراحه انت ماحسيت انه هالمزاد اغلا من السوق العادي ...... وهذا كان رأي مع وجهة نظر مع توضيح والسموحه على الاطاله يا اخوان

[أبو الحارث 4]

أنا سمعت بمزاد وزارة المالية قبل اسبوعين
وجلست مع من تورط بالشراء فيه،،،
أسعار خيال،، في خيال
وياليت السيارة نظيف داخلها؟
أحيانا تاخذ السيارة بسطحة،
لكن سبحان مقسم الأرزاق وواهب العقول،
ونصيحة لكل حبيب أن لايغتر بهذه المزادات
لأن الزين يطير ومثل ما قال القايل لو فيه خير ما تركه الطير
وسلامتكم.