15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
السلام عليكم ورحمة الله وبركاته
بحكم الخبره الطويلة لكتاب هذا المنتدى الرائع في السيارات وتجهيزاتها بودي ان اسأل عن أفضل
خزانات المياه ( تانكي ) التي تضاف على سيارت gx-r
الرجا ممن جرب وركب نوع معين ان يقنعني لماذا فضل هذا النوع ومقارنته بالانواع الاخرى
ومن اي ورشة حداده او محل ركبه
وجزاكم الله خيرا .
أخوي ناصح
من الافضل أنك تحدد مدينة إقامتك علشان أخوانك يساعدونك بالاقرب لك.
تحياتي لك
مكشاتي نشيط
ما شالله عليك لك سنتين وكسور مسجل بالمنتدى ولا قد شفت سوالف خزانات المويه .
على العموم اخوي خزانات الموية فيها مواضيع شيقة بالمنتدى بس انت حاول تبحث .
والي عندي لك بالوقت الحالي :
1- خزان ال ستن ستيل وهذا يا طويل العمر معدنه يعتبر انظف شي وصفيحة الستيل الوحده بحوالي 500ريال يعنى شف وش كثر يبى الخزان حقك و وش سعته وما الي ذالك . ناهيك عن اهم شي وهو الشغل يكون التلحيم ستيل وما يكون فيه اي عيوب التلحيم . وغالبية التوانكي الستيل الي تركب على الاند كروزر عموماً تكلف من ال900 ريال الي 1300 على حسب الشغل . وهاذي يصلحون ورش الحداده مثل المواهب والمميز والكثير .
2- خزان الفيبر احسن ما فيه ان المويه بالشتاء تصير دافيه نوعاً ما ء بس عيبه الطعم يعنى اشوف اغلب الي يفصلونها يشتكون من الطعم وتكلف من الاربعمية الي الستمية ريال ويصلحها لك مصانع الفيبر المنتشرة
انشالله اني نفعتك بما لدي والله اعلم واي خدمة اتفضل.
عضو موقوف
اخي الكريم ابو سارة
السلام عليكم ورحمة الله وبركاته
هل من الممكن تركيب خزان ماء في ال جي اكس آر اذا كانت الاستبنه تحت ؟ وشكرا
مكشاتي نشيط
اشوف الناس صايره تركب الخزان تحت دعاسات الركوب تحت الا بواب توانكي من كل جهة يمين السيارة ويسارها وكل جهة تاخذ حوالي 38 لتر يعنى المجموع حوالي 76 لتر ويتم شبك الخزانين مع بعض بماصورة .
والله اعلم ،،
ماشاء الله على سرعة الردود والله انكم نشاما
الأخ عروان انا من سكان نجد أقرب ما اكون لمدينة الرياض ....!!!
الأخ أبو سارة شكرا خاص لك على المعلومات الطيبة
لكن مصانع الفيبر يصنعونه ويركبونه ام يصنع لك ( ونبحل به ) ...!!!
و بالنسبة ل ( الستانلس ستيل ) ما هو الحجم المناسب من حيث السعة باللتر بحيث لا يخل بتوازن ومنظر السيارة علما أن السيارة م 2002 ...؟
وهل هناك تصاميم مختلفة له ....؟ ( كثرت عليك الاسئلة صح ) ....!!!
مع جزيل الشكر لعنائك في اجابة اسئلتي
مكشاتي نشيط
والله اني اتسدح بالدوام ما عندي شغل الا مكشات مقابله من الصبح الي العصر.
الفيبر على حد علمي انهم يصنعون الاشكال الي تكون مربعة اومستطيله يعنى يكون الخزان داخلي في السيارة وليس خارجي مثل الستيل والحديد يكون غالباً في اسفر السيارة والحجم المناسب هو على حسب طلعاتك ومدتها هل انت راعي طلعات طويلة ولا قصيرة والمناسب من 70 الي 75 لتر
مكشاتي برونزي
بسم الله الرحمن الرحيم
السلام عليكم
الحمدلله والصلاة والسلام على رسول الله وعلى آله وصحبه أجمعين
اقول يا أخي العزيز ان تانكي (الالمنيوم) أفضل الموجود مجرب مع كثير من النشما شرواك
ونصيحتي لك تمر على ورشة اليحيا في الرياض حي السلام شارع الزبير بن العوام بجوار مسجد الزبير
بعد صلاة العصر سوف تجد صاحب الورشة وسوف ينصحك بكل ماهو افضل, ومكان التركيب, صاحب الورشة
هو ابو خالد
وفقك الله الى كل خير
مكشاتي نشيط
بس كمهوبه الامنيوم يا خلفهم ،،
انا خابر الامنيوم غالي بالحيل.
الاخ جهام القصيم
وعليكم السلام ورحمة الله وبركاته
جزاك الله خير على المعلومة الممتازة
الاخ ابو سارة
ما قصرت لكن الان استبعدت فكرة الفايبر طالما انه مايركب تحت السيارة
ونحن الان امام خيارين الامنيوم او الستالس ستيل ....!!!
مكشاتي متواصل
السلام عليكم ورحمة الله وبركاتهالـــــــــي الاخــــــــوان انـــتــــبــهـــــوا لـــي الــتــوانــك الـــفــــيـــبــــرانـــــــــــه لــــــه راحــــــه كــــــريــــهــــه لاتـــــروح مـــع الــزمــــن وايــــضـــن طــعـــم الماء؟؟اخـــــي نــاصـــح ركـــــب ســــــتــــيـــل احـــــــســــن شــــي لان الــحـــديــــد مـاهــو مــثــل اول 4 شــــهـــور يــقــــوم يـنزل الــصــداء وانــه خــــطــيـرعلى الانـسـان.........وشـــــكـــرآ
الاخ تركي عبدالله
مشكور على المشورة
لكن انا مستبعد الفايبر و الحديد من المقارنه بسبب العيوب الكثيرة لهما
وبودي ان اهل التجربة يخبرنا ماهو الافضل ....................:
الامنيوم أو الستانلس ستيل
مكشاتي نشيط
طبعاً انا ابركب تانكي بس تراي دايخ من زمان عجزة القاء له محل بموتري .
وانصح بأنه حتى لو ركبت لك تانكي من اي نوع من الا نواع ستيل ولا المنيوم اقترح دامك تبي تدفع لك كومة دارهم خل راعي الورشة يسوي لك فتحة بالتانكي وتكون محاطة بمسامير زي كارتير السيارة بحيث انك تقدر تنظف التانك حتى بعد كم سنة لانه حتى الابريق الصياح يجي ستيل100/%100 تلقه بقاعته شوائب عالقه فما بالك بتانكي السيارة .
الاخ ابو ساره
بريق التفويح يكون فيه رواسب بسبب غلي الماء فيه على ما أعتقدد
لكن على قولك قبل ما احط كومة دراهم ودي أعرف وش الافضل الامنيوم أو الستانلس ستيل ...!!
تحياتي
.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس