وش رايكم في ( اكسبديشن ) الجديد؟؟

[طمطماية]

السلام عليكم ورحمة الله وبركاته


حبيت اسأل عن الاكسبديشن الجديد وش رايكم فيه ؟؟؟

بس

سانكيو

[محاذر]

وعليكم السلام ورحمة الله وبركاته

والله ان كانه على شكله اخذ موتر

اسلم وسلّم

[بن نويشر]

الله يجزاك خير ويرحم والدينا ووالديك

قاطع المنتجات الأمريكية بكل ما تستطيع من قوة

[جرناس]

ليش ما تاخذ اكسبلوور ترى احسن منه واحلى
وسلامتك

[الاسود]

السلام عليكم ورحمة الله وبركاته

ياخي نصيييييييييييييحة لوجه الله تعالى عليك بالياباااني وبس وخلك ذيب وركز على التويوتا ؟؟؟
واحفظ قروشك ...

[ناصح]

الاخ الحبيب طمطماية

نصيحة أخوية لوجه الله

خل عنك الامريكي كله ترى ما فيه خير مجرد تشخيص في السنة الاولى والثانية بعدين تندم

و الاهم من ذلك قاطع المنتجات الامريكية خاصة هاذه الايام

وترى الياباني ماله مثيل وتراني مجرب جيوب واجد في خلال العشر السنوات الماضية

وما فيه مثل الجيوب اليابانية خاصة التايوتا ولو كان سعره اغلى

وسلامتك

[القناص]

والله الاكسبيديشن حليو
شفته يطاعس في الخرارة الاسبوع الماضي
مريح الوانه حلوه قوي وارخص كثير من الياباني

لكن لا تستغرب حنا شعب كامري
حظ عبداللطيف جميل
كلن بيقول لك تويوتا
وترا الندكروزر بيتغير السنة الجايه

المهم شف الاكسبيديشن وشف التايوتا وشف الباترول بعد وكل الجيوب المشابهه
وسقهن قبل لاتشتري
وخذ اللي يعجبك وترتاح له
واللي له ريال يا خذ عشره

انت اللي بتدفع
وهم بيتفرجون



وسلامتك
بس
سانكيو

[آل مهنا]

وجبت على النصيحه هنا لاني اعتبر نفسى قادر على ابداءها من واقع خبره شخصيه.

الاكسبيدشن سياره رائعه ومريحه جدا اذا واذا فقط كنت تقود على الخطوط الطويله (اسفلت)... فهي في المدن عالية الصرفيه للبنزين و ليست سياره للكرف اليومي.

طبعا يغشك من ينصحك بها للبر... سيارتي الحاليه اكسبيدشن موديل 99 ولا يوجد فرق جوهري في الموديل الجديد. وكنت استعملها لطلعات البر وهي قويه وما تغرز بسهوله رغم عدم وجود الدبل. المشكله ان المطبات تأثر عليها اكثر بمراحل من تأثيرها على الياباني وتفككها. الحقيقه ربطتها اكثر من مره وفيها صوت صرصره عالي حتى بعد التربيط يرجع.

من ناحيه ثانيه لا يمكن افرط فيها كسيارة سفر (فعلا و بلا منازع هي الافضل في السفر) من ناحية الراحه للعلائله والسواق. لن تشعر ابدا بالتعب مهما طال الطريق وقد سافرت بها اكثر من مره من الشرقيه (الظهران) الى الحجاز (جده) بدون توقف (ايام العمل بالشرقيه الله لا يعيدها من ايام حاليا اعمل في ينبع الصناعيه)

اذا عندك القدره تأخذ سياره للاستعمال اليومي والبر وسياره للعلائله والسفر خذها ولن تخذلك ابدا غير كذا ابعد.

شخصيا اشتريت لي لاندكروزر فيبر قديم للبر وعندي سيارة صغيره لمشاوير المدينه والاكسبيدشن ما اسافر بغيرها.

انا شخصيا اشجع على مقاطعة البضائع الامريكيه... ولولا ذلك لبعت الي عندي واشتريت جديده لاني صراحه ذبحتها بالبر والمقناص.

ارجو ان اكون افدتك.... والامر وجهة نظر ابديتها لك من تجربتي للسياره مدة خمس سنوات.

تحياتي .

[اسيزو 4x4]

يا اخوي طمطماية

عليك بانصيحة الاخوان قاطع المنتجات الامريكية

ولا تفكر الا باالياباني

وبا التوفيق.........

[ابودلـــــــه]

امريكي لايحوشك .................................................. ......................... انحش

[Mohammad]

جميله من الداخل ولكنها لا زالت غير عمليه بالنسبه لى...قد اشتريها اذا كان سعرها متدنى جدا...قاطع افضل لك فى الدنيا والاخره

[القماري]

سيارة من 8 سلندر وسعة 5،4 أو 4،5 و 260 حصان و 5671 باوند كوزن أساسي للموديل الأعلى وعلبة تروس أوتماتيكية من 4 نمر وتأتي بدفع رباعي أو خلفي.

[سنايدي]

تويوتا وووووبس حتئ يوم تجي تبيع مايحتاج مايطيح من قيمة السياره الا شي بسيط

[وحدة تبي ريال]

تسيف الحال ..

الاكسبديشن


أنا أشهد ..

أنا أشــــــــــــــــــــــــهد ..

>> ياشين المصالة قبل تالي الليل ..

رجالن لحيتن غانمة .. هاه ..

بس لك علية .. يعني قام يخورة شوي ..



وانتم عارفين عاد الكبر شين ..


وأنتم اخوان وكل واحد يصلح سيارتة ..

ولانبي تطاق عاد ..
>> لاثموود خخخخخخخخخخخخخخخخخخخخخخخخخخخ ..


وسسلاااااااااااااااااااااام ..