15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
يا اخوان يا كرام
عندي جيب (ف اكس ار) وش حليله ويوسع الصدر!!
ودي انجد على الطبلون واكسي الارضيات خايف عليه من الشمس والغبار.
وانا ابحث عن ورشة متخصصة لتنجيد الطبلون بشكل انيق اكرر انيق. الارضيات ماهي مشكله كلها بلاستك شفاف.
سؤالي هل منكم من يعرف محل متميز في مدينة الرياض للتنجيد ينصح به ارجو ان لا يبخل علي بالمعلومة جزاه الله خيرا.
تحياتي وتقديري.
قال حكيم:ايسر شيء الدخول في العداوة واصعب شيء الخروج منها. وقال آخر: اذا ذكر جليسك احدا بسوء فاعلم انك ثانيه!!!ومن رفعك فوق قدرك فاتقه.!!!
مبروك والله يهنيك به
انصحك بوضاح في صناعية متعب
استمتع بهواية اللاسلكي ودع غيرك يتمتع بها كذلك
7Z1FM
مكشاتي فضي
السماعيل في الغرابي
اخوي/ القناص
شكرا جزيلا
اخوي الدبل الثقيل
شكرا جزيلا
اين تقع صناعية متعب؟؟؟
وياليتكم تتكرمون بوصف دقيق للمحلين.
مع الشكر
مكشاتي فضي
الأخ بركان انا لست من اهل الرياض ... لكن المحل في الشارع اللي في الغرابي عند محلات زينة السيارات وله في نفس الشارع اكثر من فرع.... هذا الكلام قبل سنتين...وجزاك الله خير
مكشاتي متقدم
اخوي راكان
السلام عليكم ورحمة الله وبركاته
حياك الله وبياك ،،،
انا معي سوبر سفاري عملت تنجيد ارضيه عند السماعيل اللي بالغرابي اللي واجهته تفتح قدام
حقين الخيام والطرابيل ، ارضيه شفاف شغل نظيف بالمرره قيمتها 230 ريال بس تستاهل وهي جاهزه عندهم
ماخذين مقاسات السيارات الجيوب والجموس عشان اسرع للشغل وانت واقف عندهم اقل من الساعه
وهي جاهزه ، ولبست بعد المراتب عندهم كل من شاف التلبيسه جازت له من شغلها الزين
ما اخذ هم الرمل والطين تمسح بالماء أنظف ،،، بس لا تنسى اطلب 5 ميكرون
عساي وصلت المعلومه واسأل قبل عن المحلات الثانيه عشان ترتاح للسعر سمعت السليماني عندهم بعد !
تحياتي
سفاري نجد
قال تعالى" أَفَحَسِبْتُمْ أَنَّمَا خَلَقْنَاكُمْ عَبَثـًا وَأَنَّكُمْ إِلَيْنَا لا تُرْجَعُون "
مكشاتي متقدم
عفوا اخوي بركان
كتبت الاسم خطأ ... راكان
السموحة اخوي
تحياتي
اخوي بركان
ليش ما تنجده شراع تنزاني من سوق الشرع
احسن من التنجيده المخمل
اسال عنها بتلقاها افضل
والسلام
مكشاتي
الأخ / بركان والأخوه اعضاء مكشــات الكرام
الســــــــــــــــــــلام عليــــــــــــــــــــــــــــــــــكم
انااشــيرعليك للتنجيد سـيارتك عند - مركز وضــــاح - بدون تردد ، وبعد التجربه سوف تلقى صحه شوري.
لقد نجدت عندهم قبل سنه ارضيه سيارتي وهي لاند كروزر جي كس آر وكان شغلهم ممتاز جدا، الأرضيه مشدوده والكراسي رجعت مثل شد البلد . وارسلت احداصدقائي لمركز وضاح واشتغلوا له شغل ممتاز ايضا.
عندهم معلمين فلبينين .
اذا جيت تروح اختر الوقت المناسب قد ماتقدر بحيث ياخذ المعلم راحته بالعمل ، رح لهم مثلاايام الأحد الأثنين الثلاثاء صباحا وتجنب الخميس والسبت عصرا.
الموقع :
اذا جيت مع الدائري متجه جنوب استمر الى مخرج 17
مع مخرج 17 اتجه يمين لتاخذ شارع الأميرسلمان - الله يطول عمره - باتجاه الغرب
امسك شارع طويل العمر-الأميرسلمان وبعد ثاني اشاره تحصل نفق ،
انزل النفق وخلك ماسك اليمين لياخذك المسارالأيمن الى اعلى النفق لتجد اشاره ضوئيه
من الأشاره اتجه يسار لتاخذ طريق علي بن ابي طالب -رضي الله عنه - جنوب
امسك طريق الخدمه الى ان تصل الى شارع زيد بن حارثه وهو شارع رئيسي بدون اشاره.
امسك شارع زيد بن حارثه تحصل مركز وضاح على اليسار ، دوير من اول مقص وارجع .
ت 4952779/ 4955441 /ج 505418081
آمل ان لااكون طولت عليكم وخاصه ان الوصف ينفع للي مايعرف الرياض .............تحياتي
الاخوة الكرام/
القناص
الدبل الثقيل
سفاري نجد
مهيلان
ابو الكرم والجود
شكرا لكم على هذه المعلومات وما قصرتوا لا هنتوا , ووالله انه ينشد بكم الظهر.!!!
مكشاتي
شركة التلميع الذكي
عنده افضل تنجيد بالرياض صلحو لي مرتبتي رجعت كأنها وكاله وعندهم تلميع ممتاز افضل تلميع بالرياض بنظري موادهم مقوايرز و عمالتهم فلبينيين و عندهم تظليل سراميك نانو عزله 99٪ امركي أقوى من عزل 3m وضمانهم مدى الحياة وعندهم أشياء كثيره .. انا أشوفه محل ناجح بقوه و يستاهل الزياره وسعرهم ممتاز جداً
لكن عندهم زحمة بعض الأحيان بالمواعيد عشان الخدمه وسعر مناسبين مره
مكانهم في الرياض - مخرج 10 - طريق الملك عبدالله - بعد مسجد الحديثي - قبل قصر المقصور ب 500 متر - داخل محطه الدريس اللي فيها كوفي جافا تايم وورشه العيدي
ملاحظة:جمبهم محل ايجار انا حطيت سيارتي واستاجرت
مكشاتي
انا نجدت سيارتي عند شركة التلميع الذكي وصراحة كان شغلهم ابداع خيطوها خياطة مدبلة نفس خياطة الوكالة صراحة شغلهم مرا ممتاز والجلد مستورد اصلي
هم عندهم تلميع وتظليل وحماية وتغير لون وتلبيس ارضية كل شغلهم عليه ضمان عمالتهم فلبينين ممتازين موادهم في التلميع ميقوايرز امريكيا. والتظليل نانو سيراميك عزله 99بالمية عليه ضمان مدى الحياة. وحامي الوجهية ثري ام اصلي ضمان خمس سنين وتلميع الحامي مجانا .
انا انصح فيهم وعن تجربة شخصيا
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس