عندي صوت اذا مشيت 150 هل هو من الكفر ادخلو الله يرضا عليكم

[قاطع الفيافي]

السلام عليكم ورحمة الله وبركاته
كيف حالكم اخواني جميعا عساكم طيبين
انا معي كفرات دنلوب الصنع 2008 مالها 5 شهور
مقاس 275/70/16
اذا مشيت من 150 الى 190 يطلع صوت مثل اووووووووووووو
مع رجة خفيفة دركسون هل صوت الكفرات كذا طبيعي او
انه فيه خلل وكذلك عامود الكردان والدبل ممتاز مابوه شي
اللي جرب الدنلوب يفيدني الله يغفرله ولوالديه
ولا أذهب لوكالة دنلوب افحصه

محبكم
ابو ثابت

[ساري 111]

احتمال يكون ترصيص ..
احتمال ضعيف طباعاً لكن امر الترصيص سهل رصص وجرب ..

الأمر الثاني رح شحم العمدان من عند الصلبان .. يمكن يخف

وانا الحقيقه مااستبعد يكون عمود الدبل فكه وامش بدونه وشف يروح الصوت او يبقى ؟؟

غالب الجيوب يشكون من عمود الدبل .. واغلبهم يحط له فررات وينام همه خصوصاً اذا تعدى الموتر 150 الف

[صقر البحيرات]

كلام سليم اخوي الساري
وركز على الترصيص

[فتى الوادي]

من رأي انك توزن عمود الدبل ...
وإذا أنت في الرياض فيه ورشة في الرياض الصناعية الفديمة لعلي اتذكر اسمها وضعته في موضوع سابق ..
وزن عمودد الدبل او غيره ..

[صحيح]

ياشيخ الله يرحم والديك لا تسرع والله حرام عليك توصل للسرعة هذه .
والله ما تستاهل الدعوة كل هذه السرعة.
عشان تجرب كفرات ولا جنوط .

[فتى الوادي]

شوف هذا الرابط

http://www.mekshat.com/vb/showthread.php?t=93566

[قاطع الفيافي]

يعطيكم الف عافية ياخوان وبيض الله وجيهكم
والله العالم اني برصص وبشوف
بس اخوي فتى الوادي الله يبيض وجهك دنيا وىخره
الحنة عندك وش صار منها
ونا قد رحت لوحيد من زمن قبل شغله مضبوط وكشف على العامودين
وقال ممتاز وقال الله اعلم انه من الكفرات
لانه رفعه ومشا الكفرات وهو مرفوع وقال عندك الكفرات والله اعلم
يعطيكم الف عافية

[فكسه]

مساكم ورد ان صارتلي قبلك بس مهب شرط يكون نفس لي صارلي بصيرلك لي صارلي نفس قصك تدري وش اطلعه ياقاطع الفيافي ولا يهنون الربع من الكفرات قلي وشلون طبعا كفراتك توبلس وماعاد احد يركب لصتك مع البطئ على تشيك هواء الكفر لمده تزيد عن اسبوع يبداء الكفر ينقص وتمشي عليه مما يودي الى انتفخات (صعررع)وفى البدايه تكون غير واضحه اويحبل الكفر حتى لوكان 2009 مهب 2008 لاحظ الكفرات وشيك عليهن ارجو اني افتك وتقبل مروري وشكرا

[قاطع الفيافي]

اخوي فكسه اللي صارلك صارلي ماشاء الله اجل اللي صارلي صارلك ههههههه
عفاك الله تصدقانه هومومصعرر وشلون اوضحلك يوم رفعه وحيد في الورشة
اي الموتر ومشى عليه صار الكفرات كنها تروح يمين يسار خفيف تقل كنها مصعرره
بس موواضحه وش رايك اروح لم وكالة دنلوب وفحصها

[no fear 78]

الأطار الي انت ماخذه يمكن ايكون نقشته حجرية يستعمل حق الشارع و المناطق الصخرية
جرب اذا عندك واحد من الشباب خذ اطاراتهاو شرط نقشته حق الشارع وانشاء الله ينكشف المستور حذاري (السرعه تقتل على هونك )

[قاطع الفيافي]

بس نقشته ياخوي نفس الكفرات اللي ياخذونها الناس وسئلت ثنين من اخوياي
معهم باترول ونفس الكفرات يقولون مابه لاصوت ولا شي زي العسل

[مسفر الاكلبي]

تأكد لا يكون رمان احد الهوبات


رح للترصيص العضيب ويفحصونه زين


وفقك الله ورعاك

[ابو رشيد]

ابوثابت
مشكلة الاصوات ما تعرفه له الا اذا سمعته يعني ما نقدر نشخص الا اذا سمعنا
وابي اسئلك الصوت كان يطلع على الكفرات القديمه ولا لما ركبت الدان لوب طلع

[قاطع الفيافي]

يعطيك الف عافية يامسفر الأكلبي على الرد بروح العضيب وبشوف

ويعطيك العافية اخوي ابو رشيد بس الصوت والله اعلم اللي قبله هو دنلوب مايطلع صوت
وشريت كذلك دنلوبوطلع الصوت
ورحت قد رفعته بورشة تقل ومشابه وهومرفوع تقل الكفر مصعرر اومحبل خفيف
وقال راعي الورشة عندك الكفرات تعبانه مع انها مغيرها في شهرشوال اللي راح

[النحيف]

1- ترصيص الكفرات .. حتى الخلفية والتأكد من صلاحيتها والتأكد من توازن الهواء !!

2- وزن الاذرعة ..

3- عمود الدبل ..

4- ميلان الدفرنس ( اذا معك باترول ) ..

قلب الكفرات ( الامامي للخلفي ..)


هذي بعض الاسباب اللي عالجتها بموتري