يار بع ابغى الفزعة اشتريت سفاري 2007 واكتشفت ان فيه رجه اذا زاد السرعة عن ال130 تهز الابواب من هز السيارة ابغى ورشة في الرياض متخصصه في السفاري لحل المشكلة تكفون لاتبخلون
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يار بع ابغى الفزعة اشتريت سفاري 2007 واكتشفت ان فيه رجه اذا زاد السرعة عن ال130 تهز الابواب من هز السيارة ابغى ورشة في الرياض متخصصه في السفاري لحل المشكلة تكفون لاتبخلون
مشكلتك امرها سهل بأذن الله
رح لميزان العضيب وخلهم يرصصونه ارضي وهم بدورهم بيشيكون على الكفرات احتمال انها منصفطه من كثر الوقفه او تحبيل بأحد الكفرات او عفط في احد الجنوط او الجنوط تجاريه الاحتمالات كثيره
وعلشان نفيدك والشباب اكثر ياليت تجاوب على الاسفسارات التاليه : <= حشا اختبار
الموتر شاريه مستعمل ولا جديد ؟
هل قمت بتغيير الكفرات ؟ او تركيب فرارات ؟
كلمتان خفيفتان على اللسان ثقيلتان في الميزانسبحان الله وبحمده ، سبحان الله العظيم
ترصيص .. اوحدى الكفرات عندك مهب مضبوط
اما الموتر يباله ترصيص كفرات
ولا احد الكفرات فيها اورام خبيثة ههه الله يبعدنا عنها
او انك مركب جنوط ماهيب اصلية وتسوي الرجة
تأكد من اللي قلت لك وان شاء الله مافي الا كل خير
ترى الرجه طبيعية فيه لكن اذا زادت عن الحد المعقول ممكن تشوف الورش المتخصصة في الباترول والله يعينك
شف اخوي المفيدي المشكله عندك من الكفرات او عمود الدبل
غير مسااااعد الذرااااع تقبل مروري
تأكد من مساعد الدركـــــــــــــــــــــــسون
اخوي قبل تصلح اي شي حط هواء الكفرات 35 وجرب
عزيزي رجة السفاري تجي من عدة اشياء ولكن لا بد لك من التجربه التسلسليه:-
اول شي توديه للعضيب يسوون له ترصيص ارضي لان الباترول دائما يعاني من الرجه وتجربه
ثاني شي في حال انه ما صلح فمالك الا تعرضه على مختص والا كل شخص سوف يهتف لك بتغيير شي او اخر و 2007 يعتبر جديد بنظري فقط تاكد من الكفرات
لابغيت الهون درب الجود عيَّا
بيض الله وجيهكم ياربع ولكن للايضاح افيدكم بان الموير توني شارية
وركبت له كفرات جديدة
علما انه كان فيه رجه ولكن بعد الجديدة زادت الرجة
ارجوا التواصل لانني على وجه سفر قريب
شيك على الجنوط يمكن فيها عفوط ورصص عند العضيب او المجد افضل ترصيص ارضي
وان غيرت مساعد الدركسون عند الرمايه يكون افضل ان شاء الله تنتهي المشكله
افحص الاعمده السفليه
1- عمود الدبل
2- عمود الكردان واحتمال من العمود الخلفي يمكن كان راعيه الاول مايشحم العمدان وبيكون عندك المشكلة في الصليب فقط حقه تقريبا 180 ريال وشغل اليد 100 ريال اذا كانت المشكلة من العمود الخلفي
لازم تفحصة اذا ما راحت المشكلة بعد الترصيص
الذين يشاهدون الموضوع الآن: 1 (0 من الأعضاء و 1 زائر)