طريقه ممكن تنهي ماسات الصرفيه للوقود للباثفندر نهائيا

[abw1122]

السلام عليكم

احبتي طرت على فكره لو ظبطت راح تنهي ماساه الباثفندر للصرفيه البانزيم

وهي هل ممكن نركب منظم الهواء (حساس الهواء)
حق المكسيما او الددسن البخاخ او يبرمج برمجه مكسيما تتحكم بكميه الوقود
ونبي واحد مغامر وقريب من التشاليح
انا عن نفسي ودي اجرب واشوف لو القي نظره عليه يمكن يركب
ولو قل العزم شوي
ونشوف وش الانسب من 2002 وتحت او او من2003 وطالع

و انا اقرب تشليح لي يبعد حوالي 75 كم يعني مشوار

لكن نبي نشوف ههم الاعضاء

وهاذي فكره جت في بالي قلت اطرحها على الاعضاء

[لن أمل من العطاء]

حياك الله اخوي

بالنسبة لفكره عمل منظم الهواء
في اي سيارة

هي لقياسكمية الهواء الداخل للمحرك ومن ثم فتح البخاخات على قدر لحاجه

انه عن تغيير منظم الهواء (airmass) سوف لن يتغير شيء لان الكمية الداخله للهواء هي نفسها ما تغيرت وسيقيس المنظم نفس الكمية


اعتقد قد اصيب فيه وقد اخطئ ان تغيير الثروتل بدي او ما يسمى باللسان اللهاث هو من سيغير من كمية الهواء الداخله وبذلك يكون قياس المنظم متغير

تماما مثل من يعدل على السيارة يقوم بتوسيع الثروتل بدي ليعطي تدفق اكبر للهواء وبذلك احتراق اكبر

لتقليل الاستهلاك يصغر حجم الثروتل بدي لاصغر



اتمنى ان تكون الفكره وصلت


اخوكم


لن امل من العطاء

[abw1122]

مشكور اخوي

طيب السان هاذا ما يغير او يبرمج برمجه مكسيما

لابد له حل بس يمكن يخفى علينا الان

لان الكربريتر حق السفاري ركبو له حق التيما وخفه الصرفيه بنسبه 30% تقريبا

[لن أمل من العطاء]

اللسان
اذا كان كهربائي قد يكون له برمجه

واذا كان واير لا توجد له برمجه

وقد تكون هناك طريقة لتغيير مقدار الفت والغلق

ومن المكن جدا
ان هناك شركات تعديل قد اخترعت منظم هواء يكون قياسة اقل من الذي يقيسه شد البلد ولكن غالبا ما تكون شركات العديل تعديل لتزويد القوة وبالتالي زيادة الصرفيه وليس العكس

[escape_man]

بكم تعبي المكسيما فل وبكم تعبي الباث

[مواسي الطعوس]

من اللي يقول لك الباث يصرف ؟؟؟؟؟؟؟؟؟؟؟؟؟؟؟؟؟؟؟؟؟


** المقارنه تجيب سيارتين وتخليهم يمشون سواء وبعد 300 كم تقريبا يعبون ومن نفس الطرمبه . وبهذا تشوف هل يصرف والا لا . ماتروح تقيس لي الامبير وتقول راح النصف مثلا او الربع (( اللي يسوي كذا غبي ولا يفهم شي ))


** ذكرتني بسالفه : واحد معه باث ويقول يصرف وانا اقوله مايصرف . المهم سافر هو وصاحب في اكس ار وبعد مسافه وقفوا يعبون علشان يدخلون للبر (( الباث عبى 25 ريال والفكسار ب 40 ريال)) وبعدها اقتنع وما ذكر الصرفيه ابد .

[abw1122]

من اللي يقول لك الباث يصرف ؟؟؟؟؟؟؟؟؟؟؟؟؟؟؟؟؟؟؟؟؟


** المقارنه تجيب سيارتين وتخليهم يمشون سواء وبعد 300 كم تقريبا يعبون ومن نفس الطرمبه . وبهذا تشوف هل يصرف والا لا . ماتروح تقيس لي الامبير وتقول راح النصف مثلا او الربع (( اللي يسوي كذا غبي ولا يفهم شي ))


** ذكرتني بسالفه : واحد معه باث ويقول يصرف وانا اقوله مايصرف . المهم سافر هو وصاحب في اكس ار وبعد مسافه وقفوا يعبون علشان يدخلون للبر (( الباث عبى 25 ريال والفكسار ب 40 ريال)) وبعدها اقتنع وما ذكر الصرفيه ابد .

انا معك لكن بالنسبه لصغر حجمه نطمح للافضل بالذات اذا كان المكينه مابينها والمكسيما الا شي بصيط

والمكسيما فلها اخضر ب28 ريال مقاربه لتانكي الباث
لكن الصرفيه اقل بكثير
تصرف المكسيما لتر لكل 11 كم
والباث لتر لكل 5.7 كم
شفت الفرق دبل
وانا ابي اوصل لو لتر يمشي 8كم له بعد التعديل

ودمتم بود

[مدورالصمان]

كلام أخوي (مواسي الطعوس )سليم 100%

والمشكلة فقط في صغر التانكي......

[abw1122]

طيب كم حجم تانكي الجيوب الاخرى

[ALG7REEB]

لان الكربريتر حق السفاري ركبو له حق التيما وخفه الصرفيه بنسبه 30% تقريبا

متأكد اخوي من هالمعلومة؟!!!

[abw1122]

متأكد اخوي من هالمعلومة؟!!!

نعم انا كنت مركب كلبريتر التيما على السفاري 93
بس يبيلك مكنيكي ممتاز
كلشي يركب بس يغير ماسوره البنزيم يفك حقه الالتيما ويركب حق السفاري
وقاعده الابنص الى يركب فيها الواير ويركب حقه السفاري


وتبي تريح راسك رح لتشاليح النظيم بالرياض واسال عن تركيب كلبريتر التيما وعلى طول يدلونك على سودانيين هاذي شغلتهم

ويعطونك عليه ضمان

[م.أبوإبراهيم]

للمعلومية الباث فايندر 2003 حساس الهواء هو نفس حق المكسيما طريقة انك تبدل حساس مهب ناجحة لان العمدة على برمجة الكمبيوتر وكل حساس ما يشتغل الا على الكمبيوتر حقه فقط

[abw1122]

للمعلومية الباث فايندر 2003 حساس الهواء هو نفس حق المكسيما طريقة انك تبدل حساس مهب ناجحة لان العمدة على برمجة الكمبيوتر وكل حساس ما يشتغل الا على الكمبيوتر حقه فقط

معلومه قيمه جدا بالنسبه لي الله يرفع قدرك

وسنستمر في المحاوله في الامور الاخرى

[ALG7REEB]

نعم انا كنت مركب كلبريتر التيما على السفاري 93
بس يبيلك مكنيكي ممتاز
كلشي يركب بس يغير ماسوره البنزيم يفك حقه الالتيما ويركب حق السفاري
وقاعده الابنص الى يركب فيها الواير ويركب حقه السفاري


وتبي تريح راسك رح لتشاليح النظيم بالرياض واسال عن تركيب كلبريتر التيما وعلى طول يدلونك على سودانيين هاذي شغلتهم

ويعطونك عليه ضمان

هل تصلح هالطريقة للسفاري الجديد 2005 وطالع؟؟

[يحيي بن حمد]

النصيحه لا تقرب من الكلبليتر نهائيا