قبل ماتطق المكينه ادخل وعطنا العلم

[شلاش]

السلام عليكم ورحمة الله وبركاته



اخواني المكشاتيين فيه مشكله تواجهني وهي كما يلي

غيرت زيت السياره وجلست فتره ماقسة الزيت وبعد كذا عايرت زيت السياره

ولقيته ناقص وكان الوقت الي عايرت فيه توني جاي من مشوار ارفع العيار القا فيه النص
انزله وارفعه القا الربع وش السالفه والله مدري

ونرجوا منكم افادتنا في الوقت الذي نقيس فيه زيت المكينه



تحياتي


شــــــــــــــــلاش

[بحر القصيد]

اخوي افصح المكينه يمكن حولها تهريب مايبين إذا لقيته صلحه

واذا المكينه مافيها تهريب

أولا ً : افحص جلد الصبابات اذا منتهيه غيرها وبتروح المشكله

ثانيا ً : اذا الجلد مافيها شي .. مالك إلا تغير شنابر وبإذن الله تنتهي المشكله

حاول انك تتلاحق المشكله وإلا كبرت وصارت توضيب وخرط بستن وحزتها

يبي لك بستاتن واذرعه وبيرنقات ووووووووووو ويطول الشرح


تحيتي واتمنى لك التوفيق

لاتحرمنا من دعاءك

[الهوى جنوبي]

الطريقه الصحيحه لعيار مستوى الزيت انك بعد ما توقف الموتر تخليه ربع ساعه تقريباً حتى يرجع الزيت في الكارتير ومن ثم تسحب معيار الزيت وتشوف مستواه هذه الطريقه الصحيحه
اما نقص الزيت فاذا كان كميه قليله فهذا طبيعي بسبب تبخر الزيت مع الحراره
تحياتي

[شلاش]

اخوي بحر القصيد الله يعطيك العافيه


اخوي الهوى جنوبي الله يعطيك العافيه

وتسلمون ياالذيابه على الافاده


تحياتي

شـــــــــــــلاش

[التعـ King ـديل]

اخوي انت ماقلت لنا وش نوع الموتر وموديله والزيت اللي انت حاطه وكم ماشي عليه وقت العيار

وقتها نقدر نعطيك العلم لكن تخلينا موهمين ماندري وش الطبخه وتبي نعلمك اشوفها صعبه

[شلاش]

مرحبابك اخوي عسول وابشر بالي طلبته

نوع الموتر جيب ربع الموديل 88

نوع الزيت سوبر جيتي تقريبا 100 كم


تحياتي

شـــــــــــلاش

[الستانس]

شف خذها قاعده مني وجهد شخصي

دايم الموتر اذا كان قير عادي لا تعايره وهو حار

وقفه اقل شي خمس ساعات في مكان مستوي وتلق الزيت رجع لطبيعته

ويقطيك العيار قرائه صحيحه

وجرب وردلي خبر

[ترهيم]

السلام عليكم

مساء الخير اخوي شلاش ...

بنسبه لزيت لازم يركد الزيت في المكينه ... لما تكون السياره شغاله الزيت يكون مرتفع مع البساتم .. ولما تطفي السياره الزيت بالعاده يبقا عالق فوق يبيله شوي عشان ينزل زي (( العسل )) لما يكون زي العسل في علبه ينزل علي شوي شوي ..

بعد مايركد تقدر تعايره ...

المشكله عندك انك انت تعايره وتوك واقف وتقول ياصل النص المفترض ان الزيت يكون مليان مو ناقص ..
ان شاء الله مو شي كايد انت تاكد من وجيه الماكينه شفها بنفسك فيها تهريب زيت ؟؟ وفيه نقطه ثانيه دائما نواجه مشاكل مع حقين الزيت مايرطون السيفون زين .. وكذالك الصرة ..
تاكد من الي قلتلك ..

[abu.salem2006]

اخوي
الزيت لــ السيارات كلهاا لازم يقل ولا يزيد
لانه اذا زاد الزيت راح يعدم عليك الوجيه ويقلل من حركه البساتم
وللمعايرة مثل ماقالوا الاخوان

[Bader-M]

لقيته ناقص وكان الوقت الي عايرت فيه توني جاي من مشوار ارفع العيار القا فيه النص
انزله وارفعه القا الربع وش السالفه والله مدري

لا تعاير الزيت الا بعد اقاف المحرك لمدة 10 دقائق
حتى يكون القياس دقيق جدا

تحياتي اليك

[شلاش]

اخواني اشكركم جميعا على الردود المفيده والرائعه

وجزاكم الله خير وجعله في موازين حسناتكم

تحياتي


شــــــــــــــلاش

[ALOTAIBI]

تحيه طيبه للجميع
اخوي شلاش , افحص المكينه بنفسك اذا ما فيها تهاريب , واذا عارف كم حاط علبة زيت بالمكينه , ومتأكد منها . خلاص ما عندك مشكله . والموتر لا تعايره الا وهو بارد اذا شفت نقص فك غطاء المكينه واصبر شوي وعاير وانشاء الله تلقاه على العيار وهاذي مجربها

ولكن اذا المكينه مخروشه طبيعي
وتقبلوا مروري يالطيبين

[قرم العيال]

افضل شي لعيار الزيت

والمحرك بارد ,,

حتى يكون الزيت بالكارتير ...

[شلاش]

اخوي العتيبي وقرم العيال الله يعطيكم العافيه وانشاء الله راح نجرب فتح غطاء المكينه

وتسلمون يالغالين

تحياتي

شــــــــــلاش