عنوان محل الرماية لتركيب اليايات والمساعدات الأسترالية

[فتى الوادي]

السلام عليكم
قرأت كثيرا عن اليايات الأسترالية والمساعدات الأسترالية ... ويمدحون في الشغلة هذه محل الركاية بالرياض ..

فهل هو المحل المعروف اللي في شارع التخصصي لأدوات الرحلات ..

أو ورشة مستقلة ..!
وين عنوانهم وموقعهم في الرياض ؟

السؤال الثاني : هل المساعدات الأسترالية أفضل من مساعدات الوكالة ( السيارة لاند كروزر 2000 جي اكس آر )؟؟؟؟؟!

[SE.3500]

والله يا خوي
أكثرالي يشترون من الرماية يشترون يايات استرالية
لأن أغلب الجيوب تنزل مع التحميل وهذيميزته تخلي الجيب على رفعته أو أرفع شوي
الرماية عندهم محل بالتخصصي وعندهم ورشة بمكان مهب بعيد عن المحل
وعندهم فرع ثاني اوضح من الي بالتخصصي
والي هو بالدائري الشرقي بين مخرج 11 و10 بتلقاه على نفس الدائري
موفق

[فتى الوادي]

يعطيك العافية وما قصرت ...

يبقى المساعدات الأسترالية هل هي أفضل من مساعدات الوكالة بالنسبة للجيب جي أكس آر 2000 ؟؟؟

[~EmPeRor~]

يالغالي
بالنسبة لليايات الاسترالية حلوة وترفع الموتر ومهما حملت ماينزل الموتر الا شي بسيط ولاكن مشكلتها المطب فيها قوي شوي فاذا ركبتها خل مساعدات الوكالة
واذا بتغير المساعدات ركب جبريل وحط الوزنية على الوسط وخل يايات الوكالة
وبالتوفيق
(( حسب استخدامك ))

[الآسيف2]

الموقع: المحل في محطة نفط اللي على شارع التخصصي قبل مخرج الدائرئي الشمالي تجي على يدك اليمين

[ابوريم214]

الله يرحم والديكم بغيت معاونيات جبريل او اولدمان وين احصلهم بالخبر او الدمام

[وادي بهيتان]

السلام عليكم
وين موقع ورشه الرمايه لترهيم السيارات الى على الدائري الشرقي

[منير البقمي]

السلام عليكم
وين موقع ورشه الرمايه لترهيم السيارات الى على الدائري الشرقي

بين مخرج 11 ومخرج 10 على اليمين

[التعـ King ـديل]

ورشه الرمايه اللي بالتخصصي وانت على شارع التخصصي وجهك شمال بعد ماتطلع من نفق طريق الامام ووجهك للدائري الشمالي بتجيك محطه نفط على يدك اليمين تلاقي الورشه فيها ،، فيها عامل اسمه ارشد رجال كبير ونصوح اللي ينفع يقولك ركبه واللي ماينفع يقولك لا تركبه مايفكر بالدراهم قد تفكيره بسمعته وشغله مضبوط انا مااشتغل الا عنده

[رويشد المجدعي]

يا اخوان عندي جيب ربع موديل ٩٨ مطبه قوي والكل يقول من السست الاماميه وفكرت اني اركب له يايات وخايف انها ماتظبط وماادري وش الحل
الموتر وكاله ولا ودي احط فيه شغل (مش حالك) ودي بالشغل الطيب
لكن نبقى المشوره من الطيبين اللي مثلكم وشرواكم