استشارة عاجلة قبل بكرة وش رايكم

[Khalid AlGhamdi]

السلام عليكم

يا اخوان لقيت يوكون موديل 96 نظيف ماشاء الله جربته مايحتاج

الدبل حقه الكتروني مو قير ارضي .

استخدام امريكي لكن مافيه صدى ولاشي .

طبعا ماجاه كشتات لان راعيه اجنبي ولاهو راعي بر .

بكرة بفحصه بالورشة واشوف القرار النهائي اشتري

الاستخارة وبصليها والشورى هذا انا اشاوركم وش تشورون

وش رايكم تنصحون اخوكم يشتري ولا لا .. خصوصا اللي جربوا اليوكون لاتبخلون على اخوكم بالنصيحة .

[عبدالعزيز الدباسي]

حياك الله اخوي MaxPower

الحقيقة إن اليوكون سيارة اثبتت جدارتها ، وفيها من القوة ما يكفي بان تكون اقوى سيارات الدفع الرباعي ، وكذلك فهي وسيعة بالحيل من الداخل ، وللمعلومية فان كل الموديلات الجديدة دبلها اكتروني ياتي بثلاث خيارات ( الخفيف - الثقيل - الاتوماتيكي )

وقبل فترة صار فيه نقاش عن اليوكون ، وتجده على هذا الرابط

تفضل من هنا ولا عليك امر

اتمنى لك التوفيق ،،، والله يخيرك الخيرة المباركة

[Khalid AlGhamdi]

جزاك الله خير ياشقردي

الحقيقة اني بعد ماقريت نقاشات الاخوان في الموضوع ارتحت لليوكون والظاهر اني بشتري والله يكتب لي اللي فيه الخير

جزاك الله خير على ردك

[ابو شكاع]

اخيي

انا معي يوكون 2002 ...

لونه كأنك تشوف موتر الشقردي

موتر بكل ما تحمله الكلمة من معنى

عاد انا لا تنشد عنه ................ لأني عاشق هالموتر من يوم طلع شكله الجديد اللي من 96 او هو 97 اللي هو بابين

والله يكتب لك ما فيه خير وصالح

[الربذي]

ماعليش

اخي تبي نصيحتي ابعد عنة صح قوي وكشخة بس ماهو صبور مثل التيوتا والنيسان والقطع من الوكالة واحينا ماتلقاهايقولون نسوي طلبية من جدة واو الرياض احد اقاربي معة وباعة

[Khalid AlGhamdi]

جزاك الله خير يالربذي

عموما ماكتب الله نصيب في السيارة

ومازالت رحلة البحث مستمرة

[بن نويشر]

معنا واحد في العمل معه واحد موديل 2001 أبيض فل كامل يبغى يبيعه يقول أنه ذبحه بشرب بنزين .

تحياتي ،،

[Khalid AlGhamdi]

خلاص شريت سفاري