تجهيز شاص 2009 ( ابو عنقا )

[الرعد99]

الله يهنيك والظبا تعلقها علاه انشا الله

[العتل]

الله يعطيك خيره ويكفيك شره

[خالد030]

كفو والله يعطيك خيره ويكفيك شره

[ابوطاقية]

ماشاء الله
الله يعطيك خيره ويكفيك شره
عندي اقتراح بالنسبه لتانكي البنزين وهو وضع طرمبة بنزين خارجيه حقت مرسدس من صناعة بوش قيمتها تقريبا 280 ريال
طبعا العمليه بسيطه ومايبيلها تخريم كثير يوجد بالصندوق غطاء بمسامير تفتح خرم للي البنزين بنفس الغطاء وتثبت الطرمبه بالشاصي تحت ويخرج من الطرمبه لي الى لي التنفيس بالتانكي الاساسي وتشبكه بقسام ثلاثي
فقط وتشبك الطرمبه على البطاريه الثانيه بفاصل داخل الغماره ومن هنا تقدر تعبي التانكي الاساسي وانت تمشي والا واقف وتعبية التانكي الاساسي تاخذ تقريبا 15 دقيقه الطريقه هذي حسب تجربه ومأمونه ان شاء الله
بالنسبه لخطر الظغط بالهواء عاده المواطير تصدر شراره من بستم الماطور من الاحتكاك وهنا تكون الخطوره والله يحفظك ويحفظ المسلمين اجمعين

[بارق رمان]

ماشاء الله تجهيز رائع لكن عندى سوال ابى الداعه من شريتها الله يحيك وابى ونش بعد تقفا

[ابو عنقا]

الله يعطيك خيره ويكفيك شره وشرح وشغل مضبوط ماشاء الله ومن وجهة نظري اشوف ان الفرارات ظرورية خصوصا انك بتقطع بة مسافات طويلة وماراح تكون بحاجة لدبل بيكون اريح للموتر واخف على الخط . وتقبل مروري

جزاك الله خير يا ابو خالد وبارك الله فيك
كلامك صحيح وفيه بعض الاخوان نصحوني بالفرارات ولكن هل تعرف ورشة شغل مية بالمية

ومضمونه بعد الله

وشاكر لك مشاركتك

تقبل تحياتي

[ابو عنقا]

تحيه طيبه للجميع
ابو عنقا بيض الله وجهك على هذا الموضوع الطيب , شغل مرتب ونظيف وفي نفس الوقت خفيف على الموتر .والموتر الله يعطيك خيره , ويكفيك شره والله يبارك لك فيه والله يستر عليه .

مشاء الله تبارك الرحمن , الله يحفظك ,

وتقبل مرور اخوك

اخوي الغالي العتيبي ووجهك ابيض والله لايهينك

وشاكر لك هذه الكلمات الطيبة

تقبل تحياتي

[قناص المخواه]

الله يعطيك الف عافيه
ابغى استفسر يالغالي وين الاقي مثل هالجنوط عشان يصير موتري تيوبلس؟
وتلبيسة القير من وين اجيبها ؟
وماشاء الله خير ماقنيت

[ابو عنقا]

السلام عليكم

هلا وغلا بابو عنقا

هلا براعي المقناض

هلا براعي الشاص

ما شاء الله تبارك الله

وش هالزين وش هالشغل اللي يطرب الخاطر

يا الله يطعمك خيره ويكفيك شره ويا جعله عون على ساعة الصدر بما يرضي الله آمين آمين

والشاص موتر ينشد به الظهر - بعدالله عز وجل - لأهل القنص واهل الربع الخالي ما عليه كلام وشهادتي فيه مجروجة ، فعلومه هي اللي تثبت جودته .

وهذي قصيدة في الشاص منقولة

يا لعنبوه الشاص الألفين وتسعة *** عز الله أن المبدعين أبدعوا به
تساعدوا في صنعه أطلق خبيرين *** بإشراف عالم مبتداه أبتدو به
بروفسور مخترعلة براهين *** فعله حصانة عن خطاه ورسوبه
حصل شهادة علم مع خبرة سنين*** ولة جائزة نوبل زمان محسوبة
من عائلة بالعلم دايم ملمين *** تاريخهم بالعلم توارثو به
أبوه ياباني سياسي قوانين *** في دولته يصدر نظام العقوبه
والأم نازية مواليد برلين *** وخوال خاله من مواريث كوبه
صحيح ناقص لأن ماهو على الدين *** عالم وعلمة ما يكفر ذنوبه
أهم أختراعاته على الراس والعين *** يشكر على أفكارة ودقة أسلوبه
أسخر بصنع الجيب من قبل عامين *** بالسر حتى دولته ما درو به
لين أنتجه وأنتاجه أزين من الزين *** رغم أختراع الغرب تفاجأو به
من جودته له بالصحافه عناوين *** بالسوق ربح كل من تاجرو به
رجح موازين وهبط موازين *** كل الدول بالبورصة ساهمو به
نزل من الدولار بالسعر ثلثين *** ودعم رصيد الين نوبه ونوبه
لاند الكروز اللي تعشقه ملايين *** قبل يجي للشرق تباشرو به
من دولته جابه وكيله بتأمين *** لدولة آل سعود ما الفاهدو به
أسعد نفوس اللي لروياه شفقين *** كل دعا له بالجزا والمثوبه
أباصفه كله من يسار ويمين *** لو أن في وصفه عليّا صعوبه
بين كما أبو الهول مبنى الفراعين *** كله حجر مابه حديد وطوبه
وبين المواتر سكبته تجلي البين *** سكبه زعيم ومحتفل في خطوبه
واللون بيج وبويته من بلاتين *** ضد الحرارة والهوا والرطوبه
وحَمَار خطه مثل سيل البراكين *** والا حَمَار الشمس حزه غروبه
وكبوته أنحف من حجم بديَه شوين *** ورفارفه متناسقه مع جنوبه
ونظام دفع الحركة دفع تربين *** فريد من نوعه وهم طورو به
وماطور صماماته أربع وعشرين *** وبخاخ مصروفه يقلل شروبه
وتحظيرتين أمام وخلاف عكسين *** وستة عشر جنطة على قد هوبه
ومساعدات أربع وقدام يايين *** ودفرنس وفريول يحرك كعوبه
وكوابح آي بي أس تعمل نظامين *** وبكل هوب للكوابح أنبوبه
وونشين سحب ويسحبن وزن طنين *** وهزاز يمنع بالصحاري نشوبه
وحمولته بالكيلو ألفين وألفين *** على الشدايد فيه عزم وصلوبه
من قوته يصبر على الزين والشين *** الطقس ما همه جليده وشوبه
متعدد الأغراض للأتجاهين *** ما فيه عيب أقول ذا من عيوبه
لأقفى مكوك كل طقمه مغادين *** علم الكواكب والفضا كلفو به
لأقبل كما الجاكوار والا السقستين *** في وقت غاره والعدو ولعو به
لأعرض شهاب مرسل لشياطين *** ظرب غلاف الجو وأحدث شبوبه
منوة غريب شف باله بعيدين *** الدرب لو طول بسرعة يلوبه
ما يمنعه لا رمل لا أحجار لا طين *** غريب ما تمشي المواتر دروبه
وأن قلت للسواق يا الأخو من وين *** يعطيك علم أرض قفر ما وطو به
ما هو زماله عايلات ووراعين *** ولاهو زماله للعفون وجلوبه
سلعة ثمينة للرجال الثمينين *** راع الولع يشريه لو باع ثوبه
لوأملكه لو قيمته كلها دين *** أهديه للي بالكرم مجدو به

ويقول الشاعر الثاني

راكب اللي تو ماصبه اليابان صب ** تسعة والفين شوق القلوب وطبها

جيب شاص لاتوعر مذب العرق ذ ب ** وان تناوش فرزته مايكوده ذبها

سايقه قرم يدل السنع من يوم شب ** وكل دار دونها البعد يزمي نبها

وعز الله اني اشهد انك يا ابو عنقا قرم ولد قرم طال عمرك

موفق طال عمرك

ادري متأخر ، بس والله ما دريت الا امس من شخص اخبرني بالموضوع

تقبل احترامي

أخوي وصديقي الغالي العمدة ما عليك زود يا ابو عبدالله ووجزاك الله ألف خير
وسعدت بردك الذي غير مستغرب وشهادتي فيك مجروحة

والله يجزاه خير اللي علمك بالموضوع لأنك انت نور هذا المنتدى ولايهنون أخواني الأعضاء الطيبين

والطيب اللي مثلك وشرواك نستانس لامنه رد أو كتب موضوع

شكرا على هذه الأبيات

وبعدين يالله تجهز إن شاء الله للمقناص بالربع الخالي إنت وأبو فهد ( راس الشهامة )


شاكر لك هذا الرد الجميل والله يسهل دروبك

تقبل تحياتي القلبية

[ابو عنقا]

الله يطعمك من خيره و يكفيك شره
بس انا عندي سؤال البطاريه الاضافيه وين ركبتها فيه و اسم محل الورشه ورقم جوال الفني ان وجد
وشكراً

الله يجزاك كل خير يالهايلكس ورحم والدينك

البطارية الاضافية ركبتها عند شاب سعودي ( دكتور كهرباء)

أسمه ابو سليمان

واتصلت فيه وجواله مقفل لأستأذن منه بنتزيل رقمه

وااذا تبيني ارسله برساله للخاااص أبشر

تقبل تحياتي

[ابو عنقا]

الله يعطيك من خيرة ويكفيك شرة
الله لا يهينك نبي تفصيل عن القيمه (التكلفة)

جزاك الله خير يا كلكوف وشكرا على هذه المشااركة

أما تفصيل الشغل كله أبشر خلني افضي هاليومين وابشر من عيوني

تقبل تحياتي

[ابو عنقا]

اسم و موقع ورقم جوال الفني اللي ركب البطارية الإضافية الله لا يهينك
بذونا سوافي بالاسعار الخيالية

اخوي الغااالي المكشات تم ارسال رسالة لك على الخاص بأسمه ورقم جواله

وشكرا على المشاركة

تقبل تحياتي

[ابو عنقا]

ماشاء الله
الله يعطيك خيره وكيفيك شره

بيض الله وجهك

الله يجزاك كل خيريا .Mohammad والله يرحم والدينك

شكرا على هالمشاركة الجميلة وتشريفك لموضوعي

تقبل تحياااااااااتي

ماشاء الله تبارك الله
الله يطعمك من خيره ويكفيك من شره

جزاك الله الف خير يا ذيب قطن ورحم والدينك

وشكرا على المشاركة الجميلة وتشريفك لموضوعي

تقبل تحيااااااااتي

[ابو عنقا]

ماشاء الله تبارك الله يعطيك من خيره ويكفيك شره
ابي استفسر عن الدعاميه كم سعره

جزاك الله ألف خير يا mshal


الدعامية سعرها 350 ريال

وشكرا لك على المشاركة الطيبة

تقبل تحياتي

[الربذي]

ماشاء الله وش ذا الزين تفيد ونحن نستفيد ..