الى المتاجدين جميعا الفزعة تكفون

[مثابر]

السلام عليكم
انا الحقيقة ابدخل في صلب الموضوع وهو ان سيارتي جيب برادو موديل 2004 ديزل واذا اشتغلت المروحة الميكانيكية طاح عزمة وحنة ورنة وضيق صدري و ابغى اركب مراوح كهرب بس وش المراوح اللي تناسب له ووش الورشة اللي تركبها تركيب صح واهم شي الورشة ارجو الرد سريعا الله يعطيكم العافية .

[مهيلان]

اخوي مثابر حياك الله

نصيحه اخويه لا تركب مروحه كهربائيه لعدة اسباب :

ــ سيارتك جديده وحرام الترهيم فيها وزالتخريم والفك والربط ما دامه غير ضروري .

ــ السيارة ديزل يعني فيها امور : منها ان ضعف العزم شيء طبيعي . وفيها ان المروحة الكهربائيه لن تعطيه التبريد الكافي لان محرك الديزل اكثر حراره من البنزين .

ــ بما ان السياره برادو وديزل فانا افهم من هذا انك لست من اهل التطعيس والمراقى
فزيادة العزم ليست مهمة لك يعني يكفيك ان الموتر يوصل 140 كم وبركة ..

ــ قد تكلفك المروحة قرابة 700 ريال ,, وهذه جديرة بالتفكير قبل التركيب ..


ارجو ان اكون افدتك والسلام

[مثابر]

الحقيقة اخي مهيلان انا اشكرك على المشاركة معي لاكن اخوي انا مانيب مخرم ومقصقص ومخرب في الموتر انا ابغاها على نفس حلق المروحة الاولة ومن كتابات الاخوه جميعا ان المراوح الكهربائية مجدية وممتازة والا انت وش رايك .

[أيمن]

أخوي مثابر ولا يهون الغالي "مهيلان" ..
المروحة إن وجدت من يتقنها ويضبط عملها ستجد أنها ستدوم معك لفترة ليست بسيطة، وستجد فرقا ملحوظا في أداء محركك للأفضل بلا شك ..
حينها يحبذ أن تضع المروحة الميكانيكة بحوزتك إن احتجتها ..

تحيتي

[مثابر]

اشكرك اخوي ايمن على المشاركة بس على قولك من يضبطها هينا مربط الفرس ونوخ ذلولك من يعرف الورشة اللي تضبطها صح .

[الروضة]

بسم الله الرحمن الرحيم
أخوي مثابر المحترم
أعتقد أن المروحة الكهربائية غير عملية هذا إذا هي مثل مروحة الكابرس وذلك إذا كانت مشتغلة وانت واقف تحتر افيوز المروحة ثم تنقص ثم تطفي المروحة ثم ترتفع الحرارة
أنا مجرب ذلك في الكابرس ولاأدري عن الترهيم
والسلام

[Y&Y_4X4]

المراوح الكهربائية هي صحيح انها تأثيرها واضح في حاله ركود السيارة مع المكيف لاكن مثل ما ذكر الاخوان لايمكن الاعتماد عليها وخصوصا خصوصا خصوص للجيوب لهل البر والكشتات ؟؟؟؟؟

للأسباب التالية:

انها غير موثوقة من ناحية الاعطال المفاجئة كلام مجرب وعلى سيارة الماني والمروحة شد بلد.

واكثر مشاكلها من الحرارة الزايدة للموتور حق المروحة نفسها .

استهلاك كهرباء كبير وخصوص اذا كان الرجال بعيد عن الديرة ودنمو الكهرب لك عليه .

والعيب الشرعي الي يغطي على كل هالعيوب انهن يخربن وانت ماتدري !!!!

[مثابر]

يعني وش رايكم اصبر على الحنة والرنة وتردي عزمة وترى حرارته تاصل النصف واذا وصلت النصف اشتغلت المروحة ونزلت الحرارة الى الربع ثم تطفى وهلم مجرة .

[ابو ســــاره]

اخوي مثابر بصراحة مدري وش اقولك بس خذ سالفتي ...
انا معي باثفيندر وبحثت عن مراوح الكهرب والي يركبونه وما جازلي شي ابد لان اكثر الي يركبونها من الشباب الطيب الي توه بادي بالحورفه والترهيم وما يقدر على الي براسي وهو شغل ما يخر الميه ما اطول عليك بالهرج اخذت الزبدة من الكلام هذا كله ان مراوح الفورد الجديد هي اقوى شي وانا رجال ماا بي البربسه بموتري ابيه خفيف بالممشى ويكون بارد المهم يا طويل العمر وانا اروح للوكالة واشري مروحة فورد 2000 بكرتونها وبقراطيسها لاحض من الوكااااااااااله وطبعاً زي ما قلتلك اني جامع زبدة المراوح كلها اخذت لي كتاوت مراوح فورد 96 خمس افياش لانه الاقوى حسب ما جمعت من معلومات بس مهوب من الوكالة لاني مالقيت عند الوكالة واخذت حساسات مرسدس اثنين ورحت لم حقين الاديترات وخليتهم يرهمون ماصورة نحاس ولحمت فيها صامولتين على قد الحساسات علشان اشبكهن بالخرطوش الي طالع من المكينه للديتر وبعد كذا رهمت قاعدة حديد تمسك المروحة بحديد المكينة علشان ما يصير فيه حكحكة بالا ديتر وهاذي اكثر شي اشغلتني وبس يا طويل العمر طبعاً كل شي جاهز الحين بقى تنفيذ المشروع .
رحت لم كهربائي وصفه لنا اخونا مهيلان الله يمهله دروبه بهالموضوع http://www.mekshat.com/vb/showthread...&threadid=7879
بصراحة الكهربائي شغله نظيف الي ابعد ما يمكن وشبكت عنده المروحة ومن زود الفرنكة فيه حاط الكتاوت داخل علبة الكتاوتات الي شد بلد بالسيارة يعني شغل 100%
شفت كيف كل الي كتبته لك فوق شغل مية بالمية بس المشكلة ما استفدت شي تدري ليه لا الموتر خف ولا الحرارة بالعكس احس ان مروحة الوكالة تبرد اكثر من حقت الفورد لاني وانا راجع ذاليومين بخط سفر لاحضت اني اذا اسرعت الحرارة ترتفع بزيادة واذا هديت اركدت الحرارة معناته ان شد البلد اقوى في الخطوط علماً باني حاط فاصل يشبك السرعة العالية لاكن ما عندك احد بمرواح الكهرب .
انشالله اني افدتك اخوي والبتوفيق انشالله .

[مثابر]

الله يعطيك العافية اخوي ابو سارة وماقصرت والله على هل المعلومة لكن تدري وش ابسوي ابركب مروحة كهرب حقت شد البلد من قدام لان الديزل ما يجي فيه مروحة قدام وابركبها واشوف .