رايكم يااخواني باترول 97 .................... الله يعطيكم العافية

[القنـاص2008]

السلام عليكم ورحمة الله وبركاتة

اشلونكم عساكم طيبين يامكشاتية

يااخواني مانستغنى عن رايكم واستشاراتكم القيمة الله يعطيكم العافية

وحبيت اخذ رايكم في باترول 97 وش رايكم فية ؟

عسى ماتبخلون علينا الله يعطيكم العافية

اخوكم

القناص2008

[ابو مسفر]

الله يرزق الموتر الطيب ان شاء الله

[فارس الوايلي]

يارجال راح تلقى اللي يمدحه و تلقى اللي يسبه وراح تحتار
لاكن كل واحد له وجهة نظر
انا اقول اذا نفسك تجربه اشتره واذا ما اعجبك راح تلقى زبونه باسرع وقت لان الجيب مطلوب
وبعدها حنا اللي نستشيرك بالجيب وراح تعطينا رايك

[مبارك بن لندن]

وعليكم السلام ورحمة الله وبركاته

إكشف عليه قبل ما تاخذه وخاصة المكينة والمحركات وإذا كان نظيف خذه وتوكل على الله.

كان عندي واحد 97 فل كامل بوديه نظيف بس كان عزمه خايس وتعبان وفي الطعوس كأنه كورولا حاولت أصلحه بس ما فيه فايدة وفي الأخير طلع فيه صوت طقطقة في المكينة لكن رزقني الله فيه البيعة الطيبة.

[التعـ King ـديل]

افضل موديلات الباترول

89 - 97 & 2002 - 2004

القديم حق تعديل وتضبيط وكل شي يركب عليها والجديد احلا مافيه مكينته

[سوبر VTC]

و عليكم السلام ورحمة الله
ميزة م97 انه راسي بالزفلت و النفود
افضل من 98 و طالع
المكينة و المحركات انت و حظك توفيق بعد الله بس انت افحصه عند احد ثقة
م97 و تحت مرغوب و بقوة خصوصا الربع الابيض
احد الربع باع ربع سلقه ابيض م91 ماشي 18000الف
سابقا كان تبع الحرس الملكي
باعه بعد ما اشغلوه الناس قراطيس و ورق على الباب و عند الاشارات انواع الازعاج
باعه ب31000
اللي شراه باعه بعد فتره اشغله واحد من الناس
و باعه ب34000الف
طبعا الموتر جنوط برازيلي و كفرات بوالين
الموتر ما شاء الله نصبه
البدي جديد

[النادر نايف]

إذا كان سوبر سفاري
ولا أروع
في الزفلت وفي الصحراء
تحياتي

[مكشات عنيزة]

دور النظيف النظيف ولو بـ 50 الف

[كساب الطيب]

يا طويل العمر انا معي باترول 99 الموتر عز ومالك الصحراء
لكن العيب البنزين يشفط شفط الويل