الباثفندر عقدني وعقد الوكالة ___ بالصور

[ابودعسان]

السالفه انه لما اجي اشغل الموتر بعض المرات يدق بس مايشتغل يعني كنه قاطع بنزين يدق سلف بس مايشتغل وتعلق عندي لمبة السكيورتي زي الصوره اللي تحت وبعد ساعة ساعتين ثلاث يشتغل زي الحلاوه
وديته الوكاله وفحصته كمبيوتر قالوا مافيه الا العافيه بعدها باسبوع نفس القصه
قصيت له مفتاح جديد وبرمجه للكمبيوتر عندهم مشاني اسبوع تقريبا وقبل اسبوع نفس القصه والفني المصري حق الوكاله قعد يحك راسه عنده يقول اول مره اشوف زي مشكلتك بس الكمبيوتر سليم 100 % وكل شي تمام بس اول مايخرب جبه لي بسطحه عشان اشوف .....
المشكله مايخرب الا بعد العصر وطالع يعني مخلص دوام الوكاله وبعد فتره يشتغل جننننننننننننننن
يليت اللي عنده خبره يفزع لي انا الحين على اعصابي مادري متى يخرب
لان عندي سفره وخايف ينكبني
الصوره:

[ابودعسان]

للرفع رفع الله قدركم

[أبو حـمد]

الله يعجل بحل لسيارك

[*أحمد الحكمي*]

الله يعينك وتنحل مشكلتك

[المميـز]

مشكله غريبه !!

ولكن فيه حل ياليت تجربه وهو ... فر المفتاح على الوضعيه اللي قبل التشغيل

يعني خل انوار الطبلون تولع بس بدون تشغيل وانتظر 7 ثواني وهمن شغل

هذي الطريقه متبعه مع الباترول وبعض السيارات وفايدته توصيل الكهرب

للسياره بشكل كامل وآمن وخاصه طرمبة البنزين ...

[عويضة]

والله انا اقوول لو تغير الدقمة حقت التشغيل يكون احسن عشان تضمنه


وبس

[باثقندر 2002]

الله يعينك وتنحل مشكلتك

[مرير الشوق]

اول شئ الله يعينك ان شاء الله ويسهل عليك

ثانيا : هذا والله العالم قد صارت معي بس حليتها بسرعه وفي وقتها .. بس ماني متأكد من لمبة السيكورتي هل ولعت معي ولا لا ..
لكن طالع عمرك افتح الشنطه بالخلف وافتح الديكور اللي على اليسار من داخل بتحصل لك أسلاك من ظمنها سلك فيه كبس او مكبس مربع الشكل كبير شوي حق توصيل الكهرباء مع البنزين ..
يصير يدق الموتر بس مايوصل كهرباء ...
وده لمهندس وخل يشوف السلك هذا يمكن مفصول او مجروح او ان الكبس خربان ولايوصل كويس ...

وانتبه تعبث فيها انت اذا ماتعرف لها يعني الكهربائي افضل لك ..

والوكاله اخاف يجلدونك بالسعر

والله يحل مشكلتك ان شاء الله

[الضرغام11]

الله يعينك على مشكلتك وان شاء الله تنحل من اصحاب الخبره وتسافر ولا تشيل هم..

[الربذي]

طيب اذا جاه اضغط زر فتح البيبان مره ثانية ..

يمكن باب السواق خربان زره وبكذا يحسبك داخل قمز بالسيارة يمكن اذا متطور النظام ....

[سوبر VTC]

هلا اخوي
اولا
ياليت انك تفتح السويتش و تخلي احد الربع يروح عند تانكي البنزين
عشان يسمع هل الطرمبه له صوت ام لا ؟؟؟؟؟؟؟
هذه نقطه مهمه

نقطه اخرى
يوجد حساسات مقنت بالمكينه انا اخبر بالمكسيما يجي 5 حساسات مقنت لو يطفى او يخرب واحد ما يشتغل الموتر
علما ان الفورد و الشيروكي و غيرهن من السيارات يجي حساسات مقنت
تاكد من ذلك

لتوضيح الصورة اكثر

الان الجيب الشيروكي يجي له حساس واحد مقنت يركب على الحذاف
وش وظيفته؟؟؟؟؟
اذا فتحت السويتش و دار الحذاف
يبدا هذا الحساس يعطي معلومه للكمبيوتر ان الحذاف يدور
و بمعنى انه يطلب من الكمبيوتر ان تشغل المكينه
علما انه اذا خرب هذا الحساس ما تولع لمبة المكينة او التشيك

مثال اخر

واحد عي يشتغل موتره نهائيا طبعا شيروكي
طبعا ماولعت لمبة المكينه !!!!
لقى المشكله ان فيش حساس المقنت منفصل
و شبكه و ما شاء الله اشتغل من اول دقه

لذلك موترك خلهم يتاكدون من حساسات المقنت


بالنسبة للسيكيورتي
هذا باترول ربع م2006 جا راعيه من البر و يوم وصل الاستراحه و نزل الاغراض
و بدق سلف و عيا يشتغل الموتر
علما ان طرمبة البنزين له صوت
صارت المشكله من السيكيورتي سواله اعاده برمجه و ضبط

اخر نفس الطريقه عيا يشتغل و شاله بسطحه لواحد للتشليح
فك الكمبيوتر و الغى ايسية السيكيورتي طبعا ربع باترول
يعني يشتغل الموتر بمفتاح عادي بدون شريحه
كلفه 200ريال


بعضهم يفتح السويتش و يفصل اصابع البطاريه نص ساعه 5 دقائق...






.

[ابومنار]

حاول انك تفصل البطاريه ثم تشبكها مرة ثانيه

حصلت معي نفس المشكله يدق بس ما تشتغل السياره الا بعد شق الانفس وطلع سلمك الله حساس المكينه يبيله برمجه يطول السلف وانت تدق علشان يشتغل

[ابودعسان]

الله يعجل بحل لسيارك

الله يعينك وتنحل مشكلتك

الله يجزاكم خير وشاكر مروركم

[ابودعسان]

مشكله غريبه !!

ولكن فيه حل ياليت تجربه وهو ... فر المفتاح على الوضعيه اللي قبل التشغيل

يعني خل انوار الطبلون تولع بس بدون تشغيل وانتظر 7 ثواني وهمن شغل

هذي الطريقه متبعه مع الباترول وبعض السيارات وفايدته توصيل الكهرب

للسياره بشكل كامل وآمن وخاصه طرمبة البنزين ...

الحل هذا بالكاتلوج وجربته ومانفع

شاكر مرورك

[ابودعسان]

اول شئ الله يعينك ان شاء الله ويسهل عليك

ثانيا : هذا والله العالم قد صارت معي بس حليتها بسرعه وفي وقتها .. بس ماني متأكد من لمبة السيكورتي هل ولعت معي ولا لا ..
لكن طالع عمرك افتح الشنطه بالخلف وافتح الديكور اللي على اليسار من داخل بتحصل لك أسلاك من ظمنها سلك فيه كبس او مكبس مربع الشكل كبير شوي حق توصيل الكهرباء مع البنزين ..
يصير يدق الموتر بس مايوصل كهرباء ...
وده لمهندس وخل يشوف السلك هذا يمكن مفصول او مجروح او ان الكبس خربان ولايوصل كويس ...

وانتبه تعبث فيها انت اذا ماتعرف لها يعني الكهربائي افضل لك ..

والوكاله اخاف يجلدونك بالسعر

والله يحل مشكلتك ان شاء الله

الله يعافيك ابشيك على هالسلك واشوف لان السياره صارعليها حادث قبل يمكن الورشه ماركبوه زين

شاكرلك تعاونك