الطريقه الجديده لتانكي المويه

[الطعس]

ight:
طريقه لتانكي المويه لجيوب الربع تخلي الماء حار

السلام عليكم ورحمه الله وبركاته
.......
طريقه حلوه وب ايام الشتاء سهله جدا وما هي صعبه رح لمحل سباكه وخذ قلب صخانه و وافتح لاعمده القلب مع الجنب التانكي حق المويه وثبتها وحط غرا عازل للماء مع جوانب الفتحه واشبك الاسلاك باالبطاريه ولازم تكون الاسلاك طويله وكل مابرد الماء اشبكها وتصخنه لك والطريقه ماخوذه من ناس من القصيم ومضمونه ميه بالميه واسال مجرب ولا تسال خبير
مع تحيات الطعس المرتكز فوق الطعوس

[أبوسليمان]

ألف شكر لك أخوي(الطعس)

أخوك
أبوسليمان

[الخا911لدي]

مشكور.............

[فيصل4]

شكرا على الفكرة
لكن كهرب الصخانة غير كهرب السيارة أرجو التوضيح

[ابوتركي666]

نفس كلام الأخ فيصل 4

[ضحية صمت]

انا مركبها عندي منذووو مبطي

على تانكي السياره وموصلها باسلاك من المحول وحاط لها زر كهرب مثل اللي بالبيت

لا بغيت اشغل السخانه حقت التانكي اضغط على الفيش وتشتغل اللمبه لا وابشرك بعد

حاط لها ساعه حقت حراره عشان لا وصلت ساعه الحراره درجه معينه فصل الكهرب منها

مثلك عارف اني انسان ياكثر ما انسى ومالها داعي انسى المويه تغلي

[بدوي جنوبي]

لابد من جهاز تحويل كهرب

قلب الساخنه يحتاج اقل شيئ الي 1500 واط عشان يشتغل
مثله مثل المكيف والمكوى

ممكن توضح اخي الطعس شلون يتشغل القلب

تحياتي

[الوانيت1]

???!!!!؟؟؟؟؟

ممكن شرح أكثر ............لو سمحت........حدث العاقل بما يعقل.........

بس صعبة لابد من وجود جهد كهربائى عالى لاااااا يمكن أن توفرة بطارية السيارة........؟؟؟؟

طيب ممكن صور أوعنوان المكان أو المحل أو الكهربائى الذى صمم لك هذة الطريقة .........؟؟؟؟؟.

[الوانيت1]

ight:
طريقه لتانكي المويه لجيوب الربع تخلي الماء حار

السلام عليكم ورحمه الله وبركاته
.......
طريقه حلوه وب ايام الشتاء سهله جدا وما هي صعبه رح لمحل سباكه وخذ قلب صخانه و وافتح لاعمده القلب مع الجنب التانكي حق المويه وثبتها وحط غرا عازل للماء مع جوانب الفتحه واشبك الاسلاك باالبطاريه ولازم تكون الاسلاك طويله وكل مابرد الماء اشبكها وتصخنه لك والطريقه ماخوذه من ناس من القصيم ومضمونه ميه بالميه واسال مجرب ولا تسال خبير
مع تحيات الطعس المرتكز فوق الطعوس

وعدد المشاركات -1-

[الأيقونة]

يا اخوان الموضوع من عام 2002

!!!!!!!!!!!!!!!!!

[عاشق z71]

والله يان الموظوع مغبر

[سوبر VTC]

انا اللي اخبره يا جماعة من ناس مجربين
انه اذا بغا يكشت شبك السخانه اللي بوسط التانكي على كهرب البيت 220فولت
او يكون عنده ماطور كهرب
***
الطريقة الاخرى
يطلعون مصورة من عند قزوز المكينة و يخلونه تدخل بالتانكي و تخرج مرة اخرى
بعضهم اذا صار الماء حار جدا
يحط حنفية قبل التانكي و يسكر الهوا الحار اللي يدخل للتانكي
عشان ما يحتمي الماء بزيادة
تحياتي

[سوبر VTC]

لابد من جهاز تحويل كهرب

قلب الساخنه يحتاج اقل شيئ الي 1500 واط عشان يشتغل
مثله مثل المكيف والمكوى

ممكن توضح اخي الطعس شلون يتشغل القلب

تحياتي

اللي ياكد كلامك مشرفنا العزيز
عندي غلاية على ولاعة السيارة تستهلك 200 وات
احطه في كاس ماء
و لا يغلي الماء الا بعد 4 او 5 دقائق
مع ان الغلاية حارة جدا جدا
و هذا يدل انه لازم فولت عالي

[طير علوان]

شكرا لك اخوي على الطريقة الحلوه

[عاشق السيل]

يا اخوان ،،،،،

أخونا الطعس سجل بالمنتدى عام 2002 وحط أول موضوع له في ذاك الوقت

والظاهر إن الرجال توفي وإلا على الأرجح ترك المنتدى لأنها المشاركة الوحيدة له !!!

تتوقعون بعد كل هالمدة ممكن يرد على تساؤلاتكم ؟؟؟؟؟؟؟؟؟

الله يهديك يالخا911لدي وش الداعي لإحياء الذكرى ؟؟!!