استبنة Gxr في خطر

[ابن روووق]

ماهو الحل الامثل يالنشاما
لاستبنة الجى اكس ار في اسفل السياره
حيث اني تعبت ماها مغر تدق الارض دق وتسحب
مع الخطوط في الصحراء الغزيره
وبطون الاوديه وبعض الجبال

ماهو الحل كلن يدلي برايه يانشاما
نطلب المشوره منكم ونستفيد

[راع الطيب]

السلام عليكم ورحمة الله وبركاته
اخوي انقلها من مكانها تحت وعلقها بالخلف بالشنطه مثل الـــ Gx والربع
فيه في محلات الزينه او التشليح القاعده الي تركب بالخلف ماتكلفك شي وريح راسك
حتى يصير الجيب استبنتين تحت وفوق
واعذرني على القصور هاذا اللي عندي

[قطب 999]

ارفعها على الباب الخلفي

[العزوم]

انا فقدت الاستبنه بنفس السبب في شعيب غرب الحريق

الحل الاول / انك تركب قاعدة على الباب الخلفي بس راح تشوه منظر السياره لانها ترهيم
الحل الثاني / ترفع السياره من الخلف بياي استرالي او بالونات هواء اذا دخولك للبر كثير

[ابن روووق]

السلام عليكم ورحمة الله وبركاته
اخوي انقلها من مكانها تحت وعلقها بالخلف بالشنطه مثل الـــ Gx والربع
فيه في محلات الزينه او التشليح القاعده الي تركب بالخلف ماتكلفك شي وريح راسك
حتى يصير الجيب استبنتين تحت وفوق
واعذرني على القصور هاذا اللي عندي

ارفعها على الباب الخلفي

انا فقدت الاستبنه بنفس السبب في شعيب غرب الحريق

الحل الاول / انك تركب قاعدة على الباب الخلفي بس راح تشوه منظر السياره لانها ترهيم
الحل الثاني / ترفع السياره من الخلف بياي استرالي او بالونات هواء اذا دخولك للبر كثير

اشكركم كل الشكر واكن لكم احترامي وتقدير وبارك الله فيكم على فزعتكم ومشاركاتكم الغاليه

[ابن روووق]

وشرايكم ناس يقولون ركب استبنه Gx
الجنط النحيف ونفس مقاس الكفرلل GXR
وتكون ملابقه في بطن السياره
لان اسبنته GXR زايده على الديفرنس تحت
علشان كذا تحك في الصحراء
احد جرب جنط GX اسبنه لجيبه

[سلامي لكم]

هلا اخوي


انا اقترح عليك تركب كفر اقل عرض واصغر حجم كونه استبنه والغرض منه استخدام في حالة البشر زي السيارات الامريكية تلقا كفرات كثير في الغرابي بجنوط اصغر مجرد راي

وانا اؤيد السيارة اللي تروح البر لازم راعيها يرفعها من الخلف ضروري ولي موضوع بهذا الخصوص اتمنى يفيدك
http://www.mekshat.com/vb/showthread.php?t=214588

[ابولولو]

اخوي ابن روق وجهت نظري المتواضعه انك رقم 1تغيرالجنط من عريض الي اسخف مثل حق الجيب السلقه مع الكفر وترفع السياره علي مزاجك ابلون اوكعكات اواي شي تراه مناسب جربته معي في اكس ار استبنه تحت والنتيجه فتاكه وباقي الاعضاء يفدونك

[بنزرت]

ركب جنط اصغر وكفر اصغر زي كفر الربع
اسمه استبنه مولازم يكون عريض وكروم

[سيف الظفير]

عطي الله الكفر العلاقي

[مكشاتي كوكتيل]

مثل ماقالوا لك الإخوان غير الإستبنة إلى استبنة أنحف احسن من إنك ترفع الموتر لأنك إذا رفعته يصير شكله قبيح من ورى

[البريدي]

اخوي انا من راى تركب مثل قاعدة الأستبنة الشروكي الي تجي بداخل السياره

[العقارب]

اخوي انا من راى تركب مثل قاعدة الأستبنة الشروكي الي تجي بداخل السياره
وين تحصلها ............. طال عمرك ...........يالبريدي

[غربي هواوي]

هذا اللي يخليني ارغب الجيب اللي اسبير علاق

[اللورد 2009]

الاخ العزيز ابن روووق بداية يعطيك العافيه وابي منك توسع صدرك مع الحل الذي اتمنى ان يكون عند حسن الضن اولاً اسمع القصه التي جرت معي ...... توكلنا على الله وشريناجيب صالون Gxrموديل2002 من حوالي اربع سنوات وثاني اسبوع وهويتسدح بالنفود بس صار معي نفس مشكلتك وهو انه مايخلي شي يمر من تحته لا شجر ولاحجر ولا طعس وعليه صوت دقه مع المطب تطلع الروح والي زاد الطين بله اني يوم جينا المعشى لقيت الاستبنه مبنشره لحضتها حلفت دين اني اذا جيت الديره راح القا له حل بمشيئة الله ....وش لك بالطويله المهم وبعد المشوره وفقني الله الى احد الشياب الي عندنا واخذت وصاته وركبت للجيب كعكات خلفيه مقاس 3سم وطقمته بخمس كفرات مع جنوط شمبر حتى لو يبنشر بالبر تقدر تضبطة وجنوط الوكاله حاطهن بالبيت للسفريات فقط وفيه حاجه بالجيب ما ادري كيف اوصفها لك في بطن الجيب بالمنتصف بجانب الشاصي صامولتين كبار يمين ويسار هذول زي الهدرليك بس هذول يدويات وخل الي يضبطهن المكنيكي لانه يجب ان تكون متوازيات بالمقاس وشغلتهن ترفع الجيب ومن بعدها تنك الالمنيوم 100لتر والعزبه ماتنزل من الجيب وودعنا هذي المشكله .,,,, اتمنى ان اكون وفيت ما علي من واجب اتجاهك وريحت بالك ( اخوك ابو راكان )