عليكم السلام ورحمه الله وبركاته
من ناحيه تجربه .
NGK من أفضل أنواع البواجي وماراح تلقى افضل منها.
اما الـAC DELCO ماقط جربتها فماقدر احكم عليها.
أما الـسبلت فاير , Splitfire فلي تحفظ عليها.
انا مركبها على الكابرس حقي من باب التجربه ولا أتذكر ان فيه فرق يذكر.
لكن عندي ملاحظة , البواجي الي تجي بشعرتين وأكثر تفرق عن البواجي العاديه بشي واحد:
إذا كانت البواجي بنوعينها العادي و (الي فيها أكثر من شعره) جدد مافي فرق في الأداء لكن يبين الأداء بعد فتره , ليش؟
لأن البواجي العاديه فيها شعره وحده للأشعال وهالشعره يتراكم عليها الكربون وهذا يقلل أدائها , أما (الي فيها أكثر من شعره) فيها شعرتين وأحتمال تجمع الكربون
على الشعرتين في نفس الوقت يكون أقل من البواجي العاديه لذلك البواجي الي فيها أكثر من شعره عمرها أطول .
وانا ما أقول أن بواجي الـSplitfire لها أي زياده في الأداء أو تقليل في صرفيه البنزين عند أستخدامها لأن هذا لم تثبته الشركه المصنعه ( هذا على كلام موقع حمايه المستهلك الفدرالي بأمريكا )
http://www.ftc.gov/opa/1997/02/splitfir.shtm
ولذلك تم منع الشركه المصنعه لهذه البواجي (الـSplitfire) من عرض أي نوع من الأعلانات تدعي فيه ان الـSplitfire تزيد الأداء أو تقلل صرفيه البنزين.
لكن يوجد نوع آخر من شركه BOSH فيه أربع شعرات وهذا الي ينطبق عليه كلامي الي فوق بخصوص طول عمر البواجي وليس الـSplitfire .
وتوجد أنواع أخرى لايسعنا المجال لذكرها
والسموحه على الإطاله