بالصور تركيب بطارية إضافية وأشياء أخرى للباترول

[يازين البر]

بسم الله الرحمن الرحيم

الله يحييكم كل واحد باسمه ( ياكثرهم) ماشاء الله

اليوم حاب أوريكم صور موتري بعد الانتهاء من جميع التجهيزات تقريبا وسبق ان عرضت لكم صور التانكي والمثبت و..و...

واليوم دور البطارية وما يلحقها من لمبات ومحول كهرب وماطور هوا وأفياش وغيرها

بسم الله هذي البطارية الإضافية وللمعلومية قوتها 60 امبير فقط لأن المكان في الفتك ضيق ما يسمح بأكبر منها

وهذا محول الكهرب 220 تحت مرتبة الراكب

وهذي لمبتين في الكبوت

وهذي الفواصل حقتها

وهذي لمبة ورا من جهة بزبوز التانكي وقاعدة أنتل الكنود

وهذي أسلاك الكنود جاهزة للتشبيك

وهذ ولاعة إضافية في الأمام وزر يولع المحول وفيش 220 وزر للمبة اللي ورا

وهذي ولاعة إضافية خلفية وفيش كهرب 220

وهذا ماطور أبو جمل في الصدام الأمامي ويشرط لك ما يضره لا حرارة ولا مطر

[يازين البر]

وهذا عاد فاصل سري للمهمات الخاصة

سويتها عند ورشة سوافي

البطارية 800 ريال

المحول 500 ريال

ماطور 370 ريال

لمبات كبوت 120 ريال

قاعدة أريل مع توصيل الأسلاك 160 ريال

الولاعات 160 ريال

للجميع ودي واحترامي

أخوكم : أبو ابراهيم

[البوعينين99]

تسلم أيدك , كففيت ووفيت


بس أنتبه , ترى مروحه المحول مسكر عليها !!







لاهنت على الموضوع الطيب ومشاركتك أخوانك



بس ودي لو أحد يصلح موضوع لتركيب بطاريه إضافيه للرنج الكلاسك

[المحترف800]

ماشاء الله ، الله يعطيك خيره ويكفيك شره ...

بس مو غالي البطاريه 800 ريال !!!

لمبات الكبوت 120ريال !!!

[ابو فرمية]

سويتها عند ورشة سوافي

اخي العزيز اين ورشة سوافي وعنوانها لو سمحت ابي اركب البطاريتن في الافلنش ؟

[Kuwait]

يازين البر الله لايهينك ممكن جوال السوالفي اخوك من الكويت وابي اتفاهم معهم

لك مني كل المحبه والتقدير

[patrol 99]

معقولة سعر البطارية بـ 800 ريال ولا مع التركيب

[غربي هواوي]

ماشاء الله

شغل مرتب

[aslaam]

مشكور أخي ويعطيك من خيره ويكفيك شره أخي أنا شايف الأسعار مبالغ فيهامثلا البطارية بـ800 ؟؟ أمسك عندك:250 ريال بطارية أصلية كانت ب 160 ريال,35 كتاوت مكيف جمس أصلية والتجارية بعشرين تركب بعد فصل سلك نحاسي منها ومهمتها شحن البطارية الثانية (طبعا الشحن يأتي من الدينمو) وتقوم بالفصل بعد الشحن تقوم بعمل نفس كتاوت الدينمو الأساسية , 5ريال سلك كهرباء , عدد 6مشكبيات نحاسية تركب بأطراف الأسلاك بريال واحد, تحتاج فيوز واحد والعلبة بخمسة ريالات ,شغل يده بين 30 و50 ريال (حسب المفاصلة) المجموع : 250+35+11+50= 346أضف 50 ريال قاعدة للبطارية إذا لم يوجد به قاعدة. نقول 400 فلماذا يأخذ 800 ؟؟
مثال آخر أخذ120 قيمة لمبات الكبوت والقيمة مع التركيب لاتتجاوز 60 ريال للمبتين
هذه الورشة تأخذ( الطاق مطبق)مثل مايقولون هذا مالاحظته وتقبل فائق التحية

[كسير الحظ]

يعطيك العافية ابو ابراهيم

شغل مرتب ما شاء الله
الله يبارك لك فيه

لكن الاسعار مثل ما ذكروا الاخوان اشوفها حيل مبالغ فيها


عندي سؤال بخصوص المحول كم قيمته بدون تركيب وكم فيش يركب؟ وكم واط؟ عليه ضمان والا لا؟

[لاتكب البيالة]

السلام عليكم

الشغل نضيف باين لكن السعر مبالغ فيه جدا واتوقع تلقى مثل شغلهم ونص سعرهم

[جملا2008/]

بيض الله وجهك \وين مكان المحل ياخوي\كم الرقم لاهنت تحياتي لك

[بواسامه]

شغل سوافي مرتب
غالي شوي بس تطمن اكثر من اللي يبربسون
الله يوفقك يالغالي

[ابولولو]

ماشاالله علي الشغل مرتب ونظيف يستاهلون سوافي الفلوس والله اني اشتغل عندهم لي اسنين واليبي رخيص السوق مفتوح والله يرزق الجميع اخوينا بعضهم دور التوفير وتعطل بالبر وبالسفروخساير سطحات وخذ استغلال من السواقين الشغله كهرب والتماس هذي وجهت نظري رقم صاحب الورشه ابوعبدالله بعد اذنك ابوابراهيم صاحب الموضوع 0505288840 الرياض السلي مخرج 18 صناعيه الفوزان

[راعي الفتك 9]

مبدع مبدع يازين البر أشكرك على الموضوع القيم

عندي ملاحظة ماطور الهواء ماراح يطول وهو يتعرض للعوامل الخارجيه

ضعه في الشنطه وداخل السياره ليش العجله في تعبية السياره .