صدمت بسياره وابغى افضل ورشه في الرياض

[abdul000]

اول شي الله يبلغنى رمضان انشالله
مالكم بالطويله قدر الله علي وصدمت بموتري كراون فكتوريا 2008 في باب السواق الصدمه متوسطة وش رايكم اغير الباب تشليح وش افضل ورشه رش وسمكره في الرياض ولو يحصل رقمها اكون لكم من الشاكرين يارجال مكشات

[fusfus]

الحمد لله على السلامه ورشه ارناج من احسن الورش في الرياض ان لم تكن احسنهم صحيح غالين بس وبصدق احسن من الوكاله موقعهم في الصناعيه قريب من شارع الجمعيه ت 0506299244 اذا بغيت نصيحتي اشتر باب اصلي من التشليح ورح لهم علشان يحرقونه ويرشونه لك ارخص واضمن ارجو اني افدتك تحياتي.

[abdul000]

جزاك الله خير
سمعت بورشه الوفاء او وفاء وش راييكم ؟؟

[wrs3975]

أهم شي الحمد لله على سلامتك

[abdul000]

يسلمك ربي من كل شر

[أبو درويش]

الحمد لله على السلامه

لا تسمكر اشتر الباب تشليح وركبه في اي ورشه يضبط معك على طول

أهم شي يحرقون البويه

اذا بتسمكر والله لو بالوكاله السمكره تكون واضحه ..

[راعي سمنان]

ارناج ممتازه بس عيبها الغلا الزايد وهي ارخص من وفاء

[abdul000]

مشكورين على الردود

[هوى الشرق]

الحمد لله على السلامه
ورشة الوفاء لها سمعتها بصراحه
والله يدبرك على فيه خير وصالح

[أبو ريم..؟]

اول شي الحمدلله على السلامه


انا انصحك انك تصلحه عند الوفاء شغلهم مضبوط

وحط بالك انه باب يعني مو اي واحد راح يضبط التنسيم الي بيحصل ؟؟؟؟؟؟؟

تصلحه عند ورشه شغله نص كم يبي يزعجك بالتنسيم وتبي تصلحه مره ثانيه

انا شخصيا ماجربت ورشة الوفاء لكن صديق لي صدم ب تاهو مع باب السواق والي خلفه

ويقول انه صلحه عند الوفاء وان شغلهم مضبوط ولافيه تنسيم الباب ولا شي

مكانهم بالضبط مادري لكن بالصناعيه القديمه

[تاميلون]

الحمدالله على السلامه

[واقعي وعقلاني]

عن تجربه انا جربت الوفاء شغل ممتاز قبل تقريباً سنه رشه لحد الأن تمام افضل من الوكاله ...
لكن رأي دور على باب من التشليح وخذ رقم الهيكل وطابقه مع نفس لون موترك ان حصلت خير وبركه ركب ولا رش اهم شي لا تسمكر والله يسر امرك

[abdul000]

جزاكم الله خير

[ابوشجاع911]

نصيحة لله لاتروح لهذه الورش قبل تمر الوكالة وتتأكد من سعرهم اذا شفت الفرق بسيط عليك بالوكالة واكسب الضمان على الاقل ولاتدفع لاي ورشة مهما كانت اعلا من الوكالة لان هذا غير منطقي اولا وثانيا يعطيهم دافع للتمادي في الجشع ورفع الاسعار على خلق الله ... وفقك الله والحمدلله على السلامة اولا واخيرا

[ابو حمد سدير]

اذا كانت الصـدمه تستدعي الرش ( متقشره البويه او الباب منشق )

غير الباب ورشـه عند الوفاء ( معلمهم سوداني اسمه عابدين )
شغلهم مضمون وخاصـه البويه

اذا كانت الصـدمه خفيفه ( ما تقشعت البويه ولا انخفس الباب )
رح للمزاحميـه في ورشه تعدل بدون سمكره او رش << رشة وكاله ويمسك سعر الموتر

تقبل شوري
ابوحمد سـدير