قــــــــــــصــــــــــــــتـــــــــي مع المـــــــرور

[أبو عقل 1403]

السلام عليكم ورحمة الله وبركاته,,
مساكم صبحكم الله بالخير اولا الحمدلله على قضاء الله وقدره السالفة ومافيها توني مشغل سياراتي حتى ماعشقت الثاني ونازل على الاشارة اللي عند البيت بيني وبين الاشارة 20 متر وشوي اسمع صوت فرامل وادور وينه الا هو وراي وخرت عنه لكن الرجال الظاهر انه يمشي مليون والله ويخبز بي من الزاوية اليسرى ويطير موتري 10 متر قدام وادق على نجم قالوا مانغطي المنطقة وجاء المرور وليته ماجاء يوم شاف الحادث وسمع من الطرفين عن كيفية حصول الحادث تدرون وش قال ؟؟؟؟ انا ماعرف اقدر لكن كلمت الرقيب وعلمني النسبة والله هذا اللي صار توقعون كم حط علي الخطا 75% والله اعترضت عليه قال مافيه التوقيف قلت اوريك والله مااخليك
وش رايكم ياشباب وش الطريقة المناسبة للاعتراض مع العلم اني طلعت بكفالة """

[ابن ثعلي]

اذا انت عند الإشاره واقف والإشاره حمراء وهذا قابع فيك من وراء على حد علمي الخطا عليه 100% وحتى لو منت واقف عند إشاره لأن نظام رخصة القياده تخلي بينك وبين السياره اللي قدامك مسافه

[راعي المجاهيم]

اخوي خذ اسم العسكري الغبي واكتب فيه شكوى


وين رواتب و دوريات و لا يفهم طبيعة عمله.......... هذا نقص على الاقل لايقرر اذا مايفهم



لا تعديها وانا اخوك المصلحه له بعدين يروح يتعلم ( موظف بواسطة)

[أبوسعود711]

اخوي انا حصلي مثلك بس مكان بعيدعند اشاره وقبعن من ورىوصار على الخطاء 25
ولا خليته لانه هو اللي مغلط واروح اوصله للرقيب وشيل وحط لين وخره عن وهذي السالفه وانصحك ياخوي وده لررقيب ولا شفلك اي احد واذا ما فيش فايده ما لك الا وزاره الداخليه ولا تسكت عن حقك ترى العساكر ما تمشي معهم الا العين الحمراء

[شاص2007]

تقدر تحوله للمحكمه

[راعي الطلعات]

حسبي الله ونعم الوكيل الله لا يوفقه في عيشته كانه راضي بالظلم

وادع عليه ترى دعوة المظلوم مستجابة

[ابولولو]

قل حسبي الله ونعم الوكيل واسمع وانا اخوك اسمع ان فيه اعتراض بالمرور واذاماعطوك وجه وهذي عاتدهم قلهم ابي اشكي باالداخليه اوالاماره والله ياخذ حقك بس تاكد ان الحق معك وموفق خير

[المارينز]

تقدر تعترض على النسبة

وتشكل لجنة تقييم ثانية واذا مانفعت تشكل لجنة ثالثة

بس اذا كلهم اتفقوا على نفس النسبة ... ماادري بعدها وش اللي يصير

بس المهم انت اعترض على النسبة

[صقر الحراملة]

الحمدلله على السلامة أهم شيء و الباقي ملحوق إن شاء الله

يالغالي يمكن حسب عليك الغلط 75% لأنك دخلت الشارع و فيه سيارة مانتبهت لها و انت تقول ان بينك و بين الإشارة 20 متر يعني الرجال كان حاسب حسابه ان العشرين متر هذي ما فيها احد و بيوقف على راحته

إن شاء الله فهمت قصدي و لا تحسب اني مع العسكري أو ضدك بالعكس أنا معك و لكن قلت يمكن النقطة هذي فاتت عليك

تحياتي

[VXR.2007]

قسم بالله شي يقهر تكفى لاتخليه وياليت تامن من التعاونيه تامين بلس 720 ريال لك 10000 الف ريال لك لاقدر الله صدمة ولغيرك خمسة مليون تقريبن
واذا راحت السنة وماجاك حادث وسويت تامين مره ثانيه تطلع 20000 عشرين الف
يصلح هذا التامين اذا كانت السياره جديده والله يكون في عونك

[sss123]

اقول لاتحتار راجع الظابط وفهمه بالسالفه اذا ماتجاوب معك

الله يخلينا الحكومه خذ اسم العسكرى واللى ماتعاونوا معك واتصل على الهاتف المجانى حق وزارة الداخليه للشكاوى

ويجيهم تحقيق عن بكرة ابيهم حقك ماهو رايح

[الــفــيــصــــل]

كيف حالكم ياشباب والله لا تعليق على الموضوع الشباب ماقصرو

[القناص]

اقول لاتحتار راجع الظابط وفهمه بالسالفه اذا ماتجاوب معك

الله يخلينا الحكومه خذ اسم العسكرى واللى ماتعاونوا معك واتصل على الهاتف المجانى حق وزارة الداخليه للشكاوى

ويجيهم تحقيق عن بكرة ابيهم حقك ماهو رايح

كلام سليم أخوي

ليتك وضحت الرقم المجاني لوزارة الداخلية الخاص بالشكاوي على الاداء العام

[رعد الصحراء]

كلام سليم أخوي

ليتك وضحت الرقم المجاني لوزارة الداخلية الخاص بالشكاوي على الاداء العام

الحمدلله على السلامه ... الـرقــم 991

[شرق الصمان]

تقدم بشكوى إلى لجنة تسوية المنازعات والمخالفات المرورية