الخبر الأكيد لدبل السكويا من الوكيل بالبحرين

[الشقردي]

الخبر الأكيد لدبل السكويا من الوكيل بالبحرين منقول
من منتدى السيارات
http://www.assayyarat.com/forums/sho...d.php?t=177459

السلام عليكم ورحمة الله وبركاته

كل عام وانتوا بخير بمناسبة الشهر الفضيل...

اليوم مريت الوكالة كان فيي بالي البرادو .. وبما اني لست مهتم بالمواصفات كثر السعر... لأن بصراحة الميزانية حقت الوالد بتضرب

رحنا وما لقينا عندهم إلا vx3 فول اوبشن... وب15600 دينار بحريني اي 156 الف ريال

فكنسلناها انا والوالد

شاف الفورتشنر وما عجبته

فرحنا للسكويا والSR5 موجود وبسعر 13600 دينار اي 136 الف ريال

المهم سألته عن الدبل ولو انه ما يهمني بس حشريتي وخشمي اللي لازم ادخله في كل مكان

وسألت الموظف قالي اكيد 100% حيجي بدبل سواء بالدفعة الاولى بال2010 او بالدفع الثانية وبالكثير الثالثة

وقال انه فيه ضغط على دبل السكويا وشركة تويوتا رضخت لضغوط الوكلاء
وسألته عن انهم ما نزلوه خوفا من تكسير خشم الاند كروزر

فقال ابد بس شركة تويوتا ارتأت هالشي والوكيل راح يربح سواء من هالسيارة او حتى الكورلا........

طبعا الوكالة وكالة البحرين والرجال كلمته موثوقة

فافرحوا يامن تريدون الدبل بالسكويا
بس قالي اكيد سعره حيكون فوووق...

وبصراحة انا حاير بين سيكويا سياحي او تاهو اقل فئة
بس شكلي على التاهو لأن مواصفاته اكثر بسعر اقل

الخبر عن السكويا واللي يريد تقديم نصيحة ممن جرب السيارتين ارجوا انه يخبرنا
وطبعا ما راح اطلع منهم
وعائلتي مكونة من 5 افراد بس ... لكن نحب الراحة

تحياتي،،،،

__________________

[مكشاتي الجزيرة]

متى تتوقعون ينزل 2010

[.أبوعبدالرحمن]

يالله نرجي الخير من الله

[الشقردي]

متى تتوقعون ينزل 2010

والله من هالناحية ماعندي علم نشوف الشباب في الردود يمكن أحد يمر الوكالة وينشدهم.

[الشقردي]

يالله نرجي الخير من الله

نقول يا كريم مع اننا كنا نبحث أيام 2009 عن سيارة واضطررنا الى شراء نوع ثاني وما ردنا عن السكويا الا عدم وجود الدبل.

شاكر لك ردك

[طاش]

السكويا ماعليها كلام عندي قوة العزم مشاء الله وثبات على الطريق بس العيوب
انها مافيها دبل+ثلاجة+تانكي البترول صغير مقارنة مع اللاندكروزر واذا نزل الدبل راح اخذ ان شاء الله وفي قطر شهر 12راح تنزل الدبل

[قرم العيال]

الي فهمت من الكلام انه إلى الان الخليجي بدون دبل ..

[ولد وايل]

منصف رمضاااااااااااان

[بو جريس 73]

اقول اخذلك اكس بدشن فورد احسلك

[مكشاتي الجزيرة]

منصف رمضاااااااااااان

متأكد..........

[أبـوالبـــراء]

كل يوم يمر يثبت للناس أن الوكيل يقدم مصلحته على مصلحة العميل

[واطي الجمرة]

عبداللطيف الي في شارع عائشه مع الدايري معلق لوحه يقووول وصلت مديلات2010

[ahmedkd]

اليوم مريت ابو جميل وقال ماعنده الا 2010 بس ومافيها دبل

[مكشاتي الجزيرة]

اليوم مريت ابو جميل وقال ماعنده الا 2010 بس ومافيها دبل

والله احترنا ... واحد يقول نزل وواحد يقول مافي...

[راعي جيوب]

الله أكبر وإذا نزل بيكون سعره فيا السماء . أنا من رأي أسعار السيارات نار وخاصة تويوتا آخذ لك يوكون Xl أفضل من ناحية السعر ومن ناحية الفخامة والله أعلم