تكفون ودي بمشورتكم في هذه السياره

[مناحي]

السلام عليكم يا اخوان
و كل عام وانتم بخير
و الشهر مبارك على الجميع
جعلنا الله واياكم من المقبولين
ودي بربع سلقه نيسان 2009
بس مغصني بالقيمه انه 98 الف كاش
و 125 اقساط على 4 سنوات كل شهر 2000
و بصراحه عندي موتر ثاني كافيني انا واهلي بس ودي بموتر خاص بي
و بطلعاتي للبر و لو حاولت اوفر من الراتب ما وفرت
فهل تنصحون اخذ الجيب اقساط ؟
و هل ممكن احد يفيدني عن مدى جودة اداءه و محركاته ؟
و هل له مشاكل ؟

ولكم تحياتي

[أمين الود]

الأخ مناحي
كل عام وأنت بخير وصحة وسلامة
والله يقويك
إذا عندك فلوس كاش حاول تحصل لك باجيرو (جيب متسوبيشي) في حدود 2004 أو 2005 تلقاه من 35000إلى 40000
سيارة قوية ومتينة ومشاكلها قليلة
ولو إن قطع الغيار شوي غالية لكن ماركة ممتازة
ووفر على نفسك بقية المبلغ حالي 60000
والله يوفق الجميع . . .

[بوغيث 6363]

أخوي لازم تشري وكاله 2009 _ - _ عندك 2003 تحصل مستخدم وسعر طيب إن شاء الله ,, وخلك من الأقساط والتعب ,, وجه نظر لا غير تحياتي

[النوفي 3535]

اخوي بلا 2003 ولا 2009
تبي تطيع شوري إذا راي برا ولا تبي تتعطل
خذا ربع نيسان 91 -97
وتكرف وإذا بغيت تبيع يمسك قيمته
سعره 16- 25 الف
تحياتي

[مناحي]

مشكورين على تواصلكم
لا كن لي رغبه في الاستقطاع من راتبي في حاجهتستاهل
اما الجيوب القديه اسعارها مبالغ فيها جدا
و الباجيرو ما عليه قصور ( لاكن انا ما ارغبه )
و الربع التايوتا كسرة ظهر

[ماكسس 900]

مرحبا أخوي
بالنسبه للباترول ربع أنا معي 2005 ماشاء الله زي العسل ونشاط ممتاز بغض النظر عن وزنه
واللي يميز عن باقي الجيوب الثانيه الدبل قوي والدفرنس اقوى منه لدرجة أني ارقى عليه بالأول والضغط على
3 عكس ربع التويوتا (( مع أني أحترم هالموتر )) ياخذ عزم من ورا الأزفلت وهو مشغل الدبل

اذا تبي جديد الله يقويك خذ لك كاش عشان ماياخذون عليك أو أقساط وأنا اشوف 2000 بالشهر معقوله
وترى الأقساط وانا أخوك منتب حاس فيها يعني أفضل لك من الكاش اللي يكسر الظهر (( رأيي))
وترى النيسان عموما زين لكن بقولك على عيوبها وهي انشاء الله ماتستاهل
1- صرفية البنزين (( يشرب شرب اليهود )) لكن انت حالها بقولك انه معك موتر ثاني
2- هرقلة الباب الي ورا وحلها كل 6شهور تربيط انت او ورشه
3- كتاوت الطرمبه تكثر اعطالها بالشتاء وطلعات البر (( حلها بسيط تأخذ لك سبير أو تركب طرمبة هدد))
------------
هذي العيوب الي فيها

[راعي المجهم]

أخوي خذلك نيسان ربع سلقه موديل 2000 نظيييييييييييييف جداً

بــ 30 ألف ريال ووفر المبلغ الباقي لك

يعتبر جديد ويوديك لليابان لو تبي

صدقني كل الشباب الي أعرفهم أشتروا سيارات جديدة

كلها شهر شهرين بعدين يندمون أنهم شروا جدييييييييد

[إمرؤا القيس]

يا خوي خذ لك ددسن دفرنسيين موديل 2009 أو 2010 تلقى سعرها مناسب وتخدم معك على أقل تقدير 15 سنة إن كانت الدعسة وحدة . واعتقد والله أعلم سعرة بـ 64 الف ريال .
وبعدين تبيها للبر فهي للبر تبيها للمدينة فهي للمدينة وتبيهى للأسطونات في للأسطوانات
تحياتي

[NISSAN 2009]

انصحك تاخذ اكستيرا سياره قويه وما يردها شي بس لو كان قروشك ماتكفي دور سلقه 2003-2004-2005-2006

[ابو99]

اخوي عند اخي موتر نيسان 2006 مشتريه العام بالربيع ب75الف وما ساقه الا شهرين وهو ليس راعي بر ولا مقانيص ولا يسمح له عمله بس شراه معكم يخوتي اوبعدين هالحين موقفه بالمعارض له 6شهور مسيوم 65 اخو الجديد انا اعرف الموتر اذا لقيت به عيب انا قبيلك ابيض باب واحد لا صدوم ولا شي بس حاده ب68 اذا تبيه راسلني علي الخاص والسلام

[ميمون111]

انصحك تاخذه كاش على اساس اذا فكرت تبيعه بعد سنه ولا سنتين مايطيح من سعره الا 20 الف او اقل

ولو تنتضر 2010 يكون افضل

[عاشق الفرعه]

الله يقويك عز الله أنه موتر

[مناحي]

مشكوين يا شباب و ما قصرتو

[اسهيل]

نخوي حارم تدفع هالقيمه في الموتر هذا لا موصفات ولاشي يعني التايوتا قزاز كهرب على الاقل وبرضه حرام عليه الدراهم بس ميزته يمسك سعره
احسن شي خذ مستعمل شفت مديل اي مديل بس يكون بخاخ لا تقرب كبليتر يتعبك بتنظيف
او خذ باجيرو انا معي واحد 2008 مواضفات كامله ماخذه 86 م الكويت كلشي فيه فتح انوار ززنن كلش وبعدين الشكل الجديد حلو ماعليه وشكل بنيسان ففش مراتب وبيبان كنك راكب دينا هههههههههههه

[راعي الفتك 9]

أعتقد نسبة الربح عاليه وهو أجار منتهي بالتمليك
خذلك قرض أصرفلك ثم أشتر