ودي ارفع سيارتي ابي فزعتكم

[راعي المجاهيم]

ياشباب عندي يوكون 2000 دبل


ودي ارفعه احس انه طامن وش رايكم



هل الكعكات مناسبه وهل لها تاثير وكم المقاس المناسب


هل فيه طريقه اخرى لرفع السيارة

[سيف الظفير]

من قدام يا الذيب فيه صواميل تحت الوطاية وورا الكفر الامامي فرها ويرتفع الجمس من دون تركيب كعكااااااات

[راعي المجاهيم]

بيض الله وجهك يالذيب ونعم بك الف

و اللي وراء كم المناسب لاهنتم

[غالي]

صادق اخوي

توني مضبط يوكوني موديل 2000

الي قدام فيه صواميل

والي وراء فصلت في صناعية ام الحمام كعكات الامنيوم قيمتها 90 ريال ارتفاعها 3 سم

وصراحه اخوي حسيت بموتري فرق


ملاحظه: سيارتي دفرنس واحد ليست دبل


موفق

[راعي المجاهيم]

انت بطل اخوي غاااااااااااااااالي



تخبر لي المرتبه الثالثه لان سيارتي ما جاء معها



كم مقاس الكعكات الخلفية ودي افصل لاهنت

[غالي]

المرتبه الثالثه تلقاها في التشليح

وغريبه ماجاء معه الا ان كانه امريكي

والله شاهد اني شاري سيدي من يوكون في التشليح موديله 2003 يمكن مفكوكه مرتبته الثالثه

شكل العالم تشتريها (((مالك الا الله ثم التشليح بعد ماتعرف قيمتها بالوكاله)))

واذا تبي رقم ابوهنود الي شريت منه علمني وارسل جواله لك خاص ((لان معرضه اغلبه جموس ويوكونات وسكاليد))

ومقاس الكعكات وانا اخوك مثل ماقلت لك ((3 سم))

ونصيحه لاتركب أكثر من 3 سم كويسه علشان ماتضر السياره (((وهالكلام يجمع عليه كثير من الاخوان بالمنتدى)) والأخوان ان شاء الله يفيدونك

وللمعلوميه ترا مالي الا كم يوم مركبها (((يعني ماادري عن مستقبلا هل تطلع اصوات او ضرر ربك أعلم سبحانه))

وضحت لك علشان تكون على بينه والامور الحمدلله تمام ماشفت اي ملاحظه

[راعي المجاهيم]

لا هنت الغالي

انت صادق موتري امريكي

ممكن ترسل لي رقم ابو هنود جعلك تسلم