يا فطاحل مكشات - وش رايكم

[واحد بري]

يافطاحل مكشات
أبي شوركم بخصوص موضوع يخص السيارة
سيارتي باترول فتك 2004 قررت أني ارهم مساعدات اضافية من اسي دلكو
يعني عند كل كفر يبي يسير مساعدين واحد شد البلد والثاني ترهيم
وأبي رايكم بهذا هل هو عملي ويفيد السيارة اما انها عكس ذلك ويضر الموتر
ولا تبخلون علي بالمشورة

[واحد بري]

للرررررررررررررررررررررررفع

[اسير الغضا]

سمعت انه يوخر الهزهزه والرجه واكثر اللي يركبون راعين الدداسن والهليات الدفرنسين

وراك مستعجل على رزقك يابعدي اصبر ويجونك الاعضاء

[راعي جيوب]

أخي الكريم وش الغرض من ترهيمه هل هو للطرد أو للبر والمطامر إذا صار محمل حدد غرضك يمكن ما تحتاج لزيادة مساعدات

[escape_man]

انا مرهم مساعدات للجموس الي عندي وادائها اكثر من رائع ..

لكن الجيب مارهمت ولا افكر وانصحك تشيل هالفكرة من راسك

ترهيم المساعد يزيد ن الثبات عند الاهتزازات لكن المطبات الي

تاكلها راح يمتصها الشاص ..

شاص الجيب مهوب مثل شاص الجموس القديمة واحتمال ينكسر علي

في حالة انك اكلت بطناج قوي او مطب قوي ..

هذي وجهة نظري

[س6ك7ب]

تبي نصيحتي
أسأل الميكانيكيين
هم أدرى وهم أهل الخبرة

[سوبر VTC]

ننتظر اهل الخبرة و الصيد

الباترول راسي بليا مساعدات اضافيه
موزون من المصنع بالملي
اذا دبلت المساعد يصير المطب قاسي
و ينشعر عندك الشاصي
او ينكسر اللحام
و دايم تلحيم مساعدات اضافيه ما ينجح
لانه مع المطبات و الجروف و المطينات
ينكسر اللحام
اقرب دليل
راعين الهيلوكسات دايم ينكسر اللحام
خصوصا المساعدات الاماميه
كل جهه مساعدين


المساعد الاضافي نجح بالسيارات الحديثه خصوصا
الجيب الحوض
يركبون المساعد و يلحمون له قاعده تمسك بمبسطه
تمسك برباطات الدفرنس الامامي بمسمار و صاموله
و يصير المطب زين و يرسي

موفق

[قرم العيال]

شف يالغالي

مرات من المره << ما تسحر

المهم سنه من السنين الظاهر وحسب تاريخ الصور انه 1427هـ

ما ادري وش عندي بالظبط المهم كنت باحد الورش ..

وشفت لك ذاك الباترول

الي معلق .. وتحته 2 من العمال <<< يا كثر كلامكـ

ايه وكان معي الكميره

وشفت باترول ما شاء الله مكروف كرف موديل 2001 وتحت . .

المهم مدبل المساعديات الخلفيه بس .. وهذي صور له

لعله تفيدكـ

88888
8888
888
88

يا كثر قرقك


طبعا مركب جدد وكاله (( لونه اسود ))

للأسف ما عندي غير هالصور

[بن محفوظ]

ياخوي اذا انت راعي تحميل ... وحملك ثقيل ... ترى يكفيك مساعدات ويايات استراليه ...

ولا تدبل وترهم .. ومثل ما قال بن غييثات ... انتبه لا يجي الشاص شيء ..

وموفق ان شاء الله

[سوبر VTC]

[QUOTE]

مرات من المره << ما تسحر

يا كثر كلامكـ
يا كثر قرقك

ههههههه
اجل ما تسحرت
و الله اظنك انك ضارب من (الدفان) لمان دخت
سؤال اوجعن راسي
الباترول معين ممسوك ؟

[قرم العيال]

[quote=سوبر VTC;3088463]

ههههههه
اجل ما تسحرت
و الله اظنك انك ضارب من (الدفان) لمان دخت
سؤال اوجعن راسي
الباترول معين ممسوك ؟

خخخخ الله يقطع ابليسك يا سوبر فتك

ايه الباترول معلق على الرافعه الي على الشاصي

[ahmad995]

مامثل الموتر بلد

[ناصح]

إذا السيارة شد بلد

لا ترهم شيء

لكن بإمكانك أن تبدل المساعدات القديمة بجديدة ونوعية أفضل

أما الترهيم والتعديل فلا أنصح به نهائيا ..

[سوبر VTC]

[quote=قرم العيال;3090220]

خخخخ الله يقطع ابليسك يا سوبر فتك
ايه الباترول معلق على الرافعه الي على الشاصي

قرم يا قرم
جلد من السمبوسه و (الخليه)

انت مافهمتن صح => و الله من الشرافه
انا قصدي السلاسل و ين مربوطه ؟
يعني السلسله ما تحك بجنب البدي (جنب الموتر البويه)