المشورة يا اخوان بخصوص جمس غمارة ونصف... لأهل الخبرة

[راعي المستوي]

السلام عليكم ورحمة الله و بركاته

ان شاء الله ناوي على جمس حوض غمارة و نصف
ابي رايكم في الموضوع

بحثت في الانترنت و جدت جي ام سي سسيرا2009 و شفر سيلفرادو 2009
ابي اعرف الفرق بينهم وايهم افضل من النواحي التالية:
طبعا الاستخدام للبر و السفر
تركيب شد فراشة مثل حق عروق الشمال ا و السنيدي
نوع الماكينة؟؟؟ 1500 هل يناسب ام لا
واي معلومة تعرفونها
الجنوط و مقاساتها
ولا انسى اهم شي بالموضوع: ارتفاع السيارة عن الارض.. طبعا مابي الرفيع مرة مثل حق الشركات ابي العادي الوسط

والمواصفات الاساسية اللي ابي توفرها:
مثبت سرعة
زجاج كهرباء
المراتب مخمل
كشافات

وبارك الله فيكم

[BLIZER 88]

هلا والله اخوي سمعت انا السلفرادو بالبر احسن من السييرا ومن ناحية الكشخه السييرا اكشخ

[aoh200]

الموضوع تسويقي بحت..

واحد مسوينه اكشخ شوي عشان بس تبي تدفع زود والثاني رياضي اكثر.. ولا تحت السياره والكبوت كلهم واحد..

موفق..

[عاشق z71]

اذا انت الي لاقيها لاقيها بالسعوديه

فتاكد لان 70 بالميه من مكيان الشفر جت مكينة 4800

وهذي ظعيفه نوعا ما << خصوصا انك بتركب شد وتانكي و و اللخ

احرص على الي مكينته 5300

[راعي المستوي]

بارك الله فيكم

اذا انت الي لاقيها لاقيها بالسعوديه

فتاكد لان 70 بالميه من مكيان الشفر جت مكينة 4800

وهذي ظعيفه نوعا ما << خصوصا انك بتركب شد وتانكي و و اللخ

احرص على الي مكينته 5300

بالمسبة للمكينة 5300 هل يوجد بها مشاكل
لأنه عندي قاعدة كلما كبرت المكينة و قوتها كلما كانت المشاكل اكبر مثل الحرارة و التهريبات وتلف بعض الاجزاء بسبب الحرارة العالية

وفيه شي مهم جدا نسيت اسألكم عنه:
الدبل الاوتماتيك افضل او الارضي؟
وهل الاوتماتيك يوجد به مشاكل كبيرة

هل فيه معرض بالرياض تهتم بالجموس الحوض الموديلات الجديدة؟

بارك الله فيكم

[مرقاب]

اخوي اسمحلى على المداخله ان كنت مثلك ابحث عن غمارة ونص وشفت انه نفس الغمارتين من حيث المكينه وطول الشاص وتباعد الكفرات الا هم انه اوسع حوض من الغمارتين فقط فقلت اجل اخذ غمارتين افضلي خاصه ماهنا ذاك الفرق بالسعر .
لكن اصطدمت بطول الشاص يعني سريع التعلق وشفت ان الافلانش انسبلي لان اقصر شاص وغمارتين ونفس المحركات وافخم لو مايجي منه قصر الشاص والاحواض الجانبيه وغطيانها لكفا .

بالنسبه لسؤالك بين الشفر والجمس ماهنا فرق نفس المحركات والتجهيزات اللهم ان الجمس اكثر انتشار وادرج بالسوق .
لكن اخي فكر بالافلانش تراه وذف ومناسب .

[راعي المستوي]

بارك الله فيك اخوي مرقاب
ولكن الافلانش ما اقدر اركب عليه شد
ومواصفاتة ممتازة بس العيب فيه انه طامن
انا شفتة عند العيس ما بقي الا 30 سم و يغط بالارض طبعا اعتقد انه فل اوبشن


شكرا مرة اخرى

[مرقاب]

اخوي الافلانش شفر اللي عند العيسى كله فل كامل ويجي ls -lt- lt z71 والاول هو الافخم والثلاث فئات عند الجميح واذا اختيارك بالغماره ونص خذ جمس وان كان ودي تاخذ الغمارتين لانه نفس الطول وتباعد الكفارات واوسع والغماره الثانيه اوسع وايضا تحتاجه بالتحميل المحمي الله يوفك بالاختيار المناسب .
وللمعلوميه الجمس والشفر تجي مكينته 4800 -5300 -مكينة وهي الاكثر انتشارا-و6000 -و6200 تجي مع الدينالي جمس والابيرد شفر-وتجي 8100 مع الصواليين و السييرا والسلفارادو والافلانش لكنها توقفت في موديل 2006
الافلانش مكينه 5300 و8100 لكنها توقفت.
والكفرات تجي ست مسامير وثمانية مسامير السته ل 5300 وتحت والثمانية ل 6000 وفوق
والحوض يجي وزن 1500 ست مسامير وثمانية مسامير ل 2500 و3500 -اللي كفراته ست اربع من الخلف وايضا يجي 4500

ومكينة 5300 مكينه عمليه وممتازه واقتصادية ومنتشره وهي اللي تجي مع 1500 وموفق اخوي

[عاشق z71]

اخوي الافلانش شفر اللي عند العيسى كله فل كامل ويجي ls -lt- lt z71 والاول هو الافخم والثلاث فئات عند الجميح واذا اختيارك بالغماره ونص خذ جمس وان كان ودي تاخذ الغمارتين لانه نفس الطول وتباعد الكفارات واوسع والغماره الثانيه اوسع وايضا تحتاجه بالتحميل المحمي الله يوفك بالاختيار المناسب .
وللمعلوميه الجمس والشفر تجي مكينته 4800 -5300 -مكينة وهي الاكثر انتشارا-و6000 -و6200 تجي مع الدينالي جمس والابيرد شفر-وتجي 8100 مع الصواليين و السييرا والسلفارادو والافلانش لكنها توقفت في موديل 2006
الافلانش مكينه 5300 و8100 لكنها توقفت.
والكفرات تجي ست مسامير وثمانية مسامير السته ل 5300 وتحت والثمانية ل 6000 وفوق
والحوض يجي وزن 1500 ست مسامير وثمانية مسامير ل 2500 و3500 -اللي كفراته ست اربع من الخلف وايضا يجي 4500

ومكينة 5300 مكينه عمليه وممتازه واقتصادية ومنتشره وهي اللي تجي مع 1500 وموفق اخوي

معليش يالغالي اغلب كلامك خطاء

واعتذر عن التصحيح للاخ


عزيزي صاحب الموضوع

بالنسبه للموديلات الجديده الي انت تبي منها
فخذ سلمك الله انواعها :

1500 . ويندرج تحته نوعين من المكاين وجميعها تجي بست مسامير للجنط :

4.8 لتر : هذي الصغيره تجي ظعيفه نوعا ما احصنتها توصل الى 300 حصان تقريبا
5.3 لتر : هذي الكبيره تجي قويه وممتازه ووذفه . احصنتها توصل الى 330 حصان تقريبا . وبالنسبه لموديلات 2009 وطالع فجت من الدفعه الثانيه وطالع . القير جا ست غيارات . يعني صرفيه قليله جدا خصوصا انه جا فيها نظام تشغيل اربع سلندرات فقط عند التثبيت على سرعه معينه

وعشان كذا انا نصحتك باول الردود بحجم 5300 لانه يجي القير 6 غيارات بعكس المكينه الصغيره الي هي 4.8


2500 : ويندرج تحتها نوع واحد من المكاين فقط . وتجي بثمانية مسامير للجنط :

6 لتر : تجي المكينه كبيره جدا وتوصل احصنتها الى 378 حصان تقريبا

مخصصه للتحميل والجر والسحب وهو وعر نوعا ما بعكس فئة 1500 ومرتفع عن الارض اكثر من فئة 1500

صرفيتها اعلى من فئة 1500 لكن بشي بسيط لايذكر خصوصا ان هالفئه تواجد بها ميزة الكام الذكي vv-t
يعني صرفيتها قريبه من 1500<<< وبالخطوط تكون اقل صرفيه



مكينه جديده تنظم تحت فئة 1500 وهي مكينة 6.2 لكن للاسف ماجت الا على نوع الدينالي فقط وتوصل قوتها الى 402 حصان تقريبا << يعني ماتصلح للبر والمكاشيت الطويله


ملاحظه : اذا جيت تشتري موديلات 2009 بمكينة 5.3 زي ماقلتلك تاكد ان القير يكون 6 غيارات . لان الدفعه الاولى جت باربع غيارات

[سوبر VTC]

يعتمد

اصادق على صحة قول عاشق

لا تعدا 6نمر 5300

ال1500 انتبه تجور عليه بالسحب الثقيل مثل دينا بفنود مثلا
واحد راحت عليه الكارونة الخلفيه

موفق

[عاشق الفرعه]

مدري والله

[راكب جمس]

يا اخوان مافي فرق بين الجمس والشفر الا بالشكل ولكن قطع الغيار وقوة المحركات متشابهه لكن الفرق الحقيقي ان الجمس يصنع في واشنطن والشفر اظن في كاليفورنيا ، مثل ببسي جده وببسي القصيم للتوضيح فقط ، وانصحك بالجمس الفئه المحترفه
وشكرررررررررررررررررررررررررررا

[نمر مكشات]

اخوي راعي المستوي

انا شريت للوالد شفروليت سلفرادو 1500 غمارتين استعمال امريكي و الله الموتر مرة روعه و غير نظرتي
للجموس
نفسة خفيفه ولا تحس انه جمس
ممتاز داخل الديرة و بالبر
مكينته 5300
2007
بالنسبه للأختلاف بين الجمس و الشفر
مافية اختلاف ابد الا بالأكسسوارات الخارجيه فقط
اما قطع الغيار نفسها
و الجمس مرغوب عندنا بالسعوديه
و الشفر مرغوب في الكويت اكثر مو مثل السعوديه

الوالد كان يرغب الجمس ولا يرغب الشفر بس مالقيت له الا الشفر و اقنعته على مضض
بس الان مقتنع 100%
اذكروا الله

اتمنى افدتك واي استفسار حاضر و ممنون

[سوبر VTC]

اخوي راعي المستوي

انا شريت للوالد شفروليت سلفرادو 1500 غمارتين استعمال امريكي و الله الموتر

بكم اخذته يابعدي ؟؟؟
انا شريت للوالد قبل شهرين
شفر غمارة و نص Z71 صندوق او حوض حديد
م2005 ماشي 99الف كيلو
اخذته ب50الف
موفق

[راعي المستوي]

اخواني:
BLIZER 88
aoh200
عاشق z71
مرقاب
سوبر VTC
عاشق الفرعه
راكب جمس
بارك الله فيكم
معلومات قيمة و اتضحت الصورة... ونصائحكم مميزة.. الله يعطيكم العافية

يعني الافضل:
غمارة ونصف جمس لأني اشوف صدامة الامامي نيكل بالكامل عكس الشفر الزوايا بلاستك
طول الصندوق متوسط
الحجم 1500 - ماكينة 5300
نوافذ كهرب - مراتب كهرب - قير 6 تغييرات - دبل ارضي - مثبت - تحكم الصوت بالدركسون الخ.....