ابحث عن ماطور هواء للكفرات ( ماهو الأفضل + و الأصغر حجما )

[محمد الشتوي]

السلام عليكم ورحمة الله
اولا : كل عام وانتم بخي ربعد الزحمة :d
ثانيا : عندي تاهو و احتاج له ماطور هواء للكفرات عشان بعد التنسيم وما شابه من متطلبات البر .
وايضا ساعة للكفرات .
ما الأفضل وأي اجده ، علما أني بالخبر !!
طبعا يا ليت الماطور ما يكون كأنه راكب في السيارة من كبرة ابي واحد صغير الحجم نسبيا .

وبالمرة هل هناك قلص معين جيد للسحب السيارة يتحمل

[أوكسجين02]

وعليكم السلام ورحمة الله وبركاته
الله يبارك لك بالتاهو ويعطيك خيره ويكفيك شره
بالنسبه لماطور الهواء أنا جربت نوع ممتاز جداً جداً جداً وسريع النفخ ويستعمله كثير من أصحاب البر لجودته العاليه حجمه ممتاز يحمل بشنطه وتستطيع أن تركبه تحت الكبوت إذا أردت عند محل بشارع الملك سعود بالدمام يسمونه ( البتار) أما أسم المنفاخ ( أبو جمل ) وعلى شنطته مرسوم جمل طبعاً أحجام كثيره فيه الصغير والوسط والكبير لكن الأفضل هو الوسط سعره ( 260) تقريباً تجده في محل بحي (91) أسمه القناص المحل هذا بتلقى فيه كل أغراض البر وبتلقى عندهم قلص وساعه للكفرات وكل شئ ولو أنك بالرياض كان أحسن علشان أدلك على محل أفضل لكن القناص هو أفضل محل بالشرقيه .
موقع القناص ( وأنت متجه لمعارض السيارات بالدمام بعد آخر إشاره على شارع الملك فهد إبن خلدون سابقاً بإتجاه الغرب ستجده على يمينك لوحته كبيره)
حبيت أساعد الحلوين مثلك والله يسلمك أخوك أبو عبدالعزيز الدمام

[محمد الشتوي]

الله يحفظك ابو عبدالعزيز
ويرزق الفردوس الأعلى .
القناص اعرفه زين
بأمره اليوم وأشوف .

[hasham]

كلام اخونا اوكسجين شافي ووافي . أنا جربت أكثر من نوع من أبو جمل وحاليا عندي الاكبر وسعره 370 ريال وهو ممتاز .ولكن حجمه كبير .
فيه نوع خاص بتويوتا يجي بشنطه حجمه صغير وشكله انيق وعملي .أنا جربته على باترول في الظهر وفي ذروة الصيف . وكان ممتاز مع اني كنت خايف أنه يحتمي .
إذا قدرت تحصل واحد منه لا تفوته .

[الستانس]

ابو جمل بدون مقارنة

ولا تاخذ إلا اللي ليه اصفر وهو فر لأن حقي يجي كبس وقريب من للماطور وعلطول خرب اللي حقه

[محمدالعريني]

والله يالغالي شوري عليك ابو جمل الاصلي الحجم الكبير ب 380 ريال وكيله الشراع بالرياض وعليه ضمان وميزت الحجم الكبير قوت ضغطه يتفخ الكفر حتى اذا صار محمل يعني نفخه سريع مصمم للاوزان الثقيله على العموم انت شف حجمه واحكم

وتاكد مكتوب عليه احذرو التقليد ,,,,,,,,,,,,,,,,

[بو خليفه]

الافضل اشتر ابو جمل من محلات الشراع ممتاز سعره 250 ريال و عليه ضمان نصف عام او اشتر استرالي من الرماية
الاكسجين غير صالح لأن الجو حار عندنا و بعضهم يستخدم اسطوانة غوص لكن هذه خطرة و المنظم للهواء الاصلي سعره يتراوح ما بين 2500 - 5000 ريال لا انصخ باستخدامه لخطورته بسبب الحرارة احتمال تنفجر الاسطوانة

[سوبر VTC]

و عليكم السلام و رحمة الله

لا تعدا ابو جمل وكيله الشراع
عن تجربه و باقي زملائي
سعره سابقا ب380
الان ب250















للفائده



للتعرف على المنفاخ الهوائي الأصلي (أبوجمل) يوجد صور

[لاتكب البيالة]

السلام عليكم مثل ما قال الاخوان ابو جمل ولو تركب له دبة تحت السيارة يطلع مثل المحطات

الافضل اشتر ابو جمل من محلات الشراع ممتاز سعره 250 ريال و عليه ضمان نصف عام او اشتر استرالي من الرماية
الاكسجين غير صالح لأن الجو حار عندنا و بعضهم يستخدم اسطوانة غوص لكن هذه خطرة و المنظم للهواء الاصلي سعره يتراوح ما بين 2500 - 5000 ريال لا انصخ باستخدامه لخطورته بسبب الحرارة احتمال تنفجر الاسطوانة

اخوي ابوخليفة ليت توضح الاكسجين وش تقصد به يعني تكون دبة مثل ماطور المحطات؟

الزبدة اني شفت واحد مركب لماطوره دبة حقت غاز فريون ومركب له حساس ضغط وصمام امان وينفخ بثواني
وواحد ثاني مركب دبة دافور تحت السيارة

[محمد الشتوي]

الله يعطيكم الف عافية
شريت ابو جمل من القناص عندنا بالدمام
مكتوب عليه احذروا التقليد
وليه اصفر
ويجي معاه ساعة للهواء
هل ساعته جيده ؟

====================

استفسار
شريت قلص ب 45 ريال لونه رمادي ولكن مكان الشنكار اللي يعلق بقلص السيارة اللي حاط اصبعي عنده في الصورة المرفقه
للأسف ما يغلق اذا حطيته في مكان السحب اللي تحت الصدام الأمامي في التاهو
هل لازم يغلق عشان ما ينفلت ، ام عادي ؟
او اروح اغيره ؟
وش رايكم ؟؟؟؟؟؟؟؟؟؟؟؟؟؟؟؟؟؟؟؟

اضغط على الصورة لتصبح أوضح


وهذا رابط آخر للصورة اذا ما ظهرت اللي فوق :
اضغط هنــا


يا ليت اسمع ردكم احبتي

[ابودعسان]

لازم يسكر الشنكار عشان مايطيح
ارجع للمحل وغيره

[escape_man]

الجمس الي بالتوقيع عليه كفرات 33 طينية

اذا لفيت من عند بنشري .. اشر لي من الخرعة .. يقول ماطورنا خربان

ومع هذا ماشاء الله تبارك الله ماطور ابوجمل من اسرع وافضل مايستخدم لمثل هالكفرات

[غالي]

مبروك عليك الماطور وحسن الاختيار

وان شاء الله تدعي للشباب ماراح تندم

سوبر فتك مشبه على صورتين من صورك @@ هههههههههههههههههههه

انتبه ترا فيه عنكبوت بنت خالة الاشبث الي بالبطاريه خخخخخ

تحيتي لكم

[سوبر VTC]

ا

اضغط على الصورة لتصبح أوضح


وهذا رابط آخر للصورة اذا ما ظهرت اللي فوق :
اضغط هنــا


يا ليت اسمع ردكم احبتي

يابعدي
اهم شي ان الشنكار يركب صح بالهوك او المعلاق
التامين هذا او الرداد لا يهمك
خصوصا انك تسحب
لو كنت تقول
امتل به موتر مغرز بالطين
اجي معك ضروري

انا عندي بالموتر اجر به سيارة و هو مركب الشنكار صح
لانه مدقره له ضيقه

عندك حل
تجيب الصرخ او الصاروخ
و تقص من الراس اللي انت اشرت اليه مسافه 2سم

موفق

[محمد الشتوي]

أخوي سوبر ما فهمت وشو الصرخ او الصاروخ ؟
يا ليت توضح