استشارة يا اخوان في سعر جيب gxr 2006

[هاوي البر]

السلام عليكم ورحمة الله وبركاته
الاخوان في منتدى مكشات
انا كنت ابحث عن جيب gxr 2006 او 2007
لون ابيض تماتيك فتحه ولي فتره وانا ابحث ولا حصلت نظيف واذا حصلت نظيف تحصل راعيه مبالغ في سعره
حصلت لي واحد gxr 2006 لو فضي لاماع ( ابي اعرف كم يسوى او كم تنصحوني ادفعه فيه علماً باني بستخدم ورايكم في لون السياره )
وهذي مواصفاته

اللون / فضي لامع
قير / أتوماتيك __ هزاز _ فتحة__ حساسات __ زينون - ونش مركبه وليس شد بلد قوته 4 طن
جاي به بلوتوث من الوكالة
العداد / 70 ألف كيلو
شاشة + كاميرا خلفية(نهار, ليل )
دي في دي + بلوتوث + يو اس بي + رادو + تلفزيون + مسجل
جي بي أس (خرائط ) شغال على كافة دول الشرق الأوسط
استخدام وكالة / وارد أبو جميل + أشارة في المرايات
يوجد به حماية كاملة للأرضية + عازل امامي للواجه من شركة زيبارت مضمون
لا يوجد به اي رش ولله الحمد ومستمر مع التشييك مع الوكالة

[راعي المجهم]

أخوي السأئل

أنا شخصياً بايع واحد نفس السيارة الي في الصور 2006 فل كامل

ماشي 90 ألف كيلو شد بلد وكنت ملبس المراتب أول ماشريته وعندما أردت بيعه

فكيتها فكنه وكااااااالة لونه أبيض فتحة خلفية ......الخ

جاب بعد طلعت الروح والجية والأخذ والرد 115 ألف ريال العام الماضي

الآن أعتقد يسوى 100 إلى 110 آلآف ريال

[هاوي البر]

جزاك الله خير اخوي راعي المجهم
تصدق انه طالب فيه فوق 125 الف ريال
وكنت احاول فيه 125 الف ريال ورفض يبيع
اجل على كذا هونا باغي انغلب فيه
مشكور وما قصرت

[احساس الصمت]

يكون في علمك الاسعار زادت عن العام الماضي خاصه موديل 2007 وتحت
أعرف واحد باع جي اكس (هدد)2004 قبل اسبوعين بــــ99 الف ريال والشخص هذا يكون نسيبي

[راعي المجهم]

أخوي السأئل الشخص الي يعطيك سعر عاااااالي للسيارة أما

شريطي سيارات أو رجل معه نفس السيارة الي تسأل عنها !!!!

واللبيب بالأشارة يفهم

شئ معروف ومتعارف عليه ويمكن تسميه مسلمة

أي مركبة في العالم تنزل جديدة سيارة سفينة طائرة معدات ثقيلة

كل سنة تفقد من قيمتها على حسب البعض 10 % البعض الأخر 20 %

وهكذا لكن ربعنا هنا في السعودية يشتري الشئ وكالة بــ 80 ألف ويستخدمه

ويلعن أبووووه بعد ويقولك لاجيت تشتري منه بــ 85 ألف ريال !!!!!!!

فخلك ذيييييييب ولا أكلت .......

[الاصلي]

اعتقد سعره ياصل 115000للي يبي يستعمل
وللي يبي يدور من وراه رزق حده110000
هذا رايي

[هاوي البر]

والله عطيته فيه 125 الف ريال ورفض تصدقون
يا اخوان اجل الصرف النظر عنه
ياليت الي يخبر لي جيب موديل 2006 او 2007 ابيض او ذهبي فل كامل ممشاه معقول ونظيف يدلني
والله تعبت وانا ادور

[ذئب عوا]

يالربع شوفوا مواصفات السيارة

هذا ماينزل عن 125 ألف

ولف السوق بكل مكان وراح تشوف إن كلامي صح

أجل 2006 بهالمواصفات ب 115 الف مستحيل

[نقطه]

ماشاء الله
المواصفات والله ماتحتاج
شئ يستاهلوهذا وأنا أخوك يسمونه (مفخرة الأرض)
وبعدين حتى لو زاد عليك السعر أهم شئ تاخذ لك شئ نضيف أنت مو كل يوم أبتشتري لك جيب

[احساس الصمت]

شف أخوي الغالي اتوقع ان هذا هوسعره الحقيقي فعلاَ خصوصاَ بهالمواصفات اللي انت ذكرتها فيه لأني والله أعرف واحد شخصياَ اشترى جيب 2004 خليجي رقم واحد (قير عادي-بدون فتحه-ماشي 157000كلم-استبنه فوق)بــــــ100000ريال منغي المصاريف الأخرى
مع العلم بأني كتبت في احد الردود عن شخص باع هدد نفس الموديل 2004 بـــــ99000 ريال
صحيح ان الاسعار غاليه جداَ ومبالغ فيها لكن الشكوى لله
عموماَ إذا بغيت تشتري إستشر ثم استخر والخيره فيما اختاره الله لك

وباالتوفيق ان شاء الله

[3bdelm7sn]

وعليكم السلام ورحمة الله وبركاته
انا والله عن نفسي منب دافع في سعودي كل ذا السعر لو خليجي يمكن
واخوي ترا بايع gxr2006
عماني تماتيك لؤلؤي سياحي بس بلوتوث وبدون شاشة وبدون هذي المواصفات اللي في الجيب المعروض 115000 وكان ماشي حول 110000 الكلام هذا قبل 3 شهور تقريبا

[KASHTAT]

حاول تزود دراهمك وخذ من الشكل الجديد لأن الأول مع الأيام بتنزل قيمته
مجرد رأي

[هاوي البر]

جزاكم الله خير جميعا
وما قصرتم
الاخ كشتات فعلا الشكل الجديد ما فيه كلام بس اقل شي بتحصله 150 الف لو الزود بسيط ما فيه مشكله
لكن ما زال البحث جاري الي يخبر لي جيب موديل 2006 او 2007 ابيض او ذهبي فل كامل ممشاه معقول ونظيف يدلني وله سعيه
والله تعبت وانا ادور