ماهي افضل طريقه للقضاء على المطب الجامد ...ياشباب الفزعه

[الاسدالجريح]

اخواني زوار واعضاء منتدى مكشات النشمى

ارجو مساعد تي بحل هذي المشكله التي اقلقتني كثيراً والتي دفعتني لتفكير ببيع سيارتي بسبب عيبها الا وهو المطبات الجامده ....علماً ان سيارتي مناسبه جداً وقويه وواسعه وراسيه ولاكن المطبات لا تحتمل ابداً

سيارتي هي فورد اكس بلولر
وهي من الامام ياي ومن الخلف سست .... علماًَ انني قد ذهبت لجميع المحلات المتخصصه ولم اطلع بفائده
فلا يمكن تركيب مسا عداة اضافيه ولا يمكن سحب سست لانها قليله وتنزل السياره كثير لو تم ذالك

الي عنده حل يا شباب الفزعه ....

[السمح]

حياك الله ..
إذا كنت من سكان الرياض .. فأرى أن تأخذ رأي ورشة ابن مرضاح بالصناعية .. محلهم بالشارع الموازي لشارع الجمعية من الجنوب .. ومتأكد إنهم يبي يلقون لك حل .. إذهب هناك ولن تندم .. شوي غالي ولكن الشغل لا يعلى عليه ..

أغلى تحية ..

[الاسدالجريح]

هلا ومسهلا فيك ياالسمح

الف شكر لك على هذهي المعلومه والافاده.... ونشاء الله لما اجي الرياض...ونا من سكان بريده
ابروح له على طول ... الف شكر

[وليد]

بالنسبة للمطب في السيارات اللي فيها سست لابد من تليين السست وهذا مضر ـ أو سحب وتعوضها بمساعدات من النوع البرازيلي اللي بوسط ياي أو تروح للهدف على التخصصي بالرياض وتسأل عن طقم خلفي مساعدات وبيرضيك النوع وقوة التحمل فيه مع بقاء الراحة .............
ولك خالص تحياتي وللأخوانight: ight: ight:

[الخبير]

انا ما عندي علم هل تركب الطريقة ذي عندك ولا لا؟؟؟ لكن ما فيه ضرر اني اقولها لك

هذا يا طويل العمر واحد من الشباب عنده شاص ، و طبعاً تعرف قوة مطب الشاص فقام الرجال و شال السست إلي ورى و بدلها بياي مازدا 92 بكس.

فصارت مريحة مرة لكن عيبها انه إذا حملها واجد نزل الشاص من ورى.
=============================

[فياض الخير]

غير كفررات سيارتك لأن كفراتك يابسة شكلها برجستون وهواها 50 تدري بعها أزين واشتر هايلكس وقلب السست وقاطع المنتجات الأمريكية (سيارتي أمريكية متوهقبه تشري)

[ابو الريم]

انا اقول لا تبيع سياراتك ولا شي وخلنا نحل الموضوع خطوه خطوه .....


اولا كم موديل سياراتك .؟؟؟؟؟؟

الثاني ..... وش نوع الكفرات اللي مركبها وكم مقياس الهواء اللي عليها ؟؟؟؟

الثالث ....... هل الجنوط اللي عليها وكالة ولا تم تغييرها .؟؟؟؟ وايضا المساعدات حقت وكالتها ولا مغيره


جاوب على هذه الاسئلة وان شاء الله نفيدك ....

[الاسدالجريح]

وليد


اشكرك.... ولا كن ما اسم المساعدات الي انت تقصد

[الاسدالجريح]

الخبير


مرحبا بك
ولاكن ...بصراحه اترهيم الزايد ما احبه في السياره
اشكرك

[الاسدالجريح]

فياض الخير


هايلكس بعمري ما سقتها ولله الحمد والمنه
وبعد ين كيفي ابيع اشتري اقاطع ما اقاطع انا حر ما طلبت رايك في هذا الموضوع

[الاسدالجريح]

ابو الريم

مرحبا بك الف
يا سيدي سيارتي موديل 96 وهو من موصفات XL يعني سلقه.... كلش عادي حتا الدرايش
ويمتاز بالخفه....ونوع الكفرات تو يو
مقاس الهوى30
الجنوط وكاله شد بلد نوع ...خفيف
المساعدات شد بلد
وكل السياره على شد بلدها
ولاكن هناك شي غريب نفس السياره مع اخوي بس فل كامل ومريحه جداً

عاد الباقي على الله ثم عليك
تحياتي ابوالريم

[ابو الريم]

طيب انا بأعطيك عدة خيارات لان السيارة ليست امامي والذي فهمته من كلامك انك اذا اتيت مطب تصدم السيارة به اصدام بدل ما تاكله وتعبره او تعبره وبعدها تهتز السيارة ويختل توازنها ....... فالذي فهمته انك تناقز فيها .....


1- اكبر احتمال انه يكون من المساعدات ........... فوانيتات الفورد اذا خربت مساعداتها تيبس ( تجمد ) بدل ما تصير راخيه مثل السيارات الثانية ويمكن انت مساعداتك تشبه مساعدات الوانيتات وهي المسويه هذه المشكلة . وعشان تتأكد فك احد المساعدات وحاول تضغطها بيدك وترجعها اذا حصلتها ميبسه او خفيفة مرة ما كأنها موجودة على طول غيرها .


2- احتمال اخر ان السست او اليايات فيها مشكلة ......... كيف ؟؟؟ احتمال انه مع الاستعمال والمطبات السيارة تكون طايحه بالارض بحيث ما فيه مجال لكي يتم امتصاص المطب او انها ملينه مرة بحيث لا تستطيع امتصاص المطب ............... ولكي تتأكد من ذلك هل السيارة ارتفاعها طبيعي ؟؟؟ اذا لم يكن كذلك سواء من الامام او من الخلف فمعناها يبيلك تغير السست واليايات .
اما ان كان ارتفاعها طبيعي احمل بالسيارة اربعة اشخاص وشف .......... اذا ( ركعت ) نزلت السيارة مرة وخاصة من الخلف فمعناها ايضا هناك احتمال ان السست ملين ملة وما يقدر يستقبل مطبات اكثر .


3- ( خاص بالفورد ) تجي بطرفي السست جلد ( ربلات ) تأكد منها اذا كانت متقطعه فهي تتسبب بصوت قوي يهز السيارة وانا ما مر علي اكسبلورر وانما شفت هذه المشكلة بالوانيتات الفئة اف . اذا كانت هذه المشكلة عندك جب من التشليح سست وركبها لأن الجلد هذي ما تجي الحاله والله يذكره بالخير واحد من الشباب كان عنده وانيت الفئة اف وصارت معه هذي المشكلة ودور على السست الامامية وما حصل الى ان مل راح الوكالة قالوا له ماهي بعندنا ولا راح نجيبها اخرتها طلبها بالدي اج ال من امريكا وكلفته واصله لهنا 5500 ريال ..


4- احتمال ولازم تتأكد منه ان السيارة يمكن تكون ملعوب فيها ........ مقوين السست او مغيرين اليايات او المساعدات .


ادرس هذه الاحتمالات وان شاء الله ما تخرج عنها ورد لنا خبر ........


تحياتي ابو الريم ........

[الاسدالجريح]

مرحبا ابو الريم
اشكرك جزيل الشكر على هذهي الوقفه والفزعه الاخويه
وحتملاتك في محلها
بنسبه للجلد موجوده وجديده الي بين الريش
وبنسبه للرتفاع السياره ارتفعها ممتاز ولا عليه ملا حضه
بنسبه للمساعدت احتمل كبير تكون ميبسه مثل ما قلت ولاكن ايش رايك اركب مساعد برزيلي (مساعد شريط)
طيب امس حطيت ربل بين الريش وريشه الصغيره بعد ما رفعت السياره وفرقت بين الريش وريشه الصغيره وخف المطب بس مو مره
وش ريك يابو الريم ودي اسحب الصغيره وركب مساعد الشريط ( الياي) البرازيلي)
ريك وهدايت الله يابو الريم
تحياتي

[الاسدالجريح]

حياك الله ابو الريم
اشغلتك يالغالي
بس صدقني العيد جا والموتر ما صلحته ونا من الناس الي ما يحب يكشت حتا لوللمضهور لا وموتري معي
بس هناك سؤال
فيه مسعدات ياي امريكيهUSA مادري عند ك خبر عنه وعن مدا افد ته
ولك جزيل الشكر وتقدير

[أيمن]

للرفع وزيادة النفع