السوافي والدفع الرباعي .. ماهذا الغلا

[شامخ ألهيلا]

السلام عليكم
اخواني اعضاء المنتدى اسعد الله ايامكم

الكل من اصحاب سيارات البر والرحلات يحتاج الى بطارية اضافيه مع توبعها والتمديدات والمحول والكهرباء و الخ...
ولكن مع الاسف الشديد فهي حكر على ورشتين بالرياض وباسعار خياليه
والمقصود من الموضوع ليس لتنقيص حق تلك الورش
ولاكن لنبحث عن البديل في تلك الورش
كهربائين محترفين
ورش اخرى
اشخاص خبراء
وياليت من عنده معلومات
يفيدنا بعنوانه وارقامه
ويزودنا بالصور

اخوكم

شامــــــــخ

[مجالس الرجال]

صدقت يالغالي
لكن احيانا ارخص من غيرهم
اذكر اني شريت اربع يايات استرالية وتركيبهم عند الدفع الرباعي كان بــ 150 او 200
لكني ركبتهم عندنا ببريدة بـــ 300 ريال
ورشة الدفع الرباعي اللي بالمحطة

[التعـ King ـديل]

حنا يالعرب اذا بدينا وش زينا نرخص وتعاملنا زين .. لكن من يوم نشتهر ونصير منصا يبدا الكبر والتغلي يدب في عروقنا

كنا مايمشي على الارض احد غيرنا .. انا ماانقص من قيمتهم شي لكن انا معك ان اسعارهم مبالغ فيها جدآ جدآ جدآ

اخوي مجالس الرجال .. ورشه الدفع الرباعي اسمها بالاصل الرمايه بس شعارهم 4×4 وانت عارف الرمايه واسعارهم

[ابوطاقية]

اكيد ارتفعت اسعارهم لانهم شبعو ولاتهمهم انت كاعميل
لاكن اذا انت بتركب بطاريه اضافيه ترى الشغله بسيطه وماتستاهل كل ها الفلوس
منتدي مكشات ماقصر وفر لك طريقة التركيب من الالف الا الياء والباقي عليك ومايبيلك الا الهمه وقليل من الصبر والجلد
انا انشاء الله بصدد تركيب بطاريه اضافيه بنفسي ومو قصد التوفير انما الاعتماد على النفس
وان شاء الله برفع الصور وطريقة التركيب خطوه بخطوه والتكلفه الاجماليه

[عزبة بر]

والله صدقت اخوي
والله ودك فيه ورشة تكون تابعه للمنتدى
والاسعار تكون معقولة

[مضاد]

موضوع مهم للغايه وكسر من هم يحتكرون السوق بشكل خيالي

انا مازلت ابحث عن كهربائي يتقن تركيب البطاريه الاظافيه

لان شغلة الكهرب شوي حساسه ويبي لها مخ صافي

وبنتظار الاعضاء الذين يعلمون عن هولاء الكهربائيين الجيديين وسعرهم معقول

[turke2545]

عندنا في بريدة تركيب البطاريه الاضافيه مع كامل اغراضها
بدون البطاريه 250 ومع الدقمه اللي تفصل البطاريتان عن بعض
في حالة انك تطفي السيارة 450 له هي الاسعار معقوله

[سوبر مكشات]

اكيد ارتفعت اسعارهم لانهم شبعو ولاتهمهم انت كاعميل
لاكن اذا انت بتركب بطاريه اضافيه ترى الشغله بسيطه وماتستاهل كل ها الفلوس
منتدي مكشات ماقصر وفر لك طريقة التركيب من الالف الا الياء والباقي عليك ومايبيلك الا الهمه وقليل من الصبر والجلد
انا انشاء الله بصدد تركيب بطاريه اضافيه بنفسي ومو قصد التوفير انما الاعتماد على النفس
وان شاء الله برفع الصور وطريقة التركيب خطوه بخطوه والتكلفه الاجماليه

والله صدقت اخوي
والله ودكبوقصد التوفير مهم ايضا
فيه ورشةبب تكون تابعه للمنتدى
والاسعار تكون معقولة

موضوع مهم للغايه وكسر من هم يحتكرون السوق بشكل خيالي

انا مازلت ابحث عن كهربائي يتقن تركيب البطاريه الاظافيه

لان شغلة الكهرب شوي حساسه ويبي لها مخ صافي

وبنتظار الاعضاء الذين يعلمون عن هولاء الكهربائيين الجيديين وسعرهم معقول

ليه ماتبدأ بنفسك مو تخلي احد يحوس بموترك


الا روق على موترك واضبط الشغله من مواضيع مكشات







موفق خير

[تبريزة]

اذكر قبل سنتين تقريبا ركب عندهم واحد من الشباب بطاريه وتسليك كامل ومحول كهرب وماطور هواء ولمبات بالكبوت وبالخلف لسيارة باترول بـ 1200 ريال بس

الحين رح لمهم ،، ماتسويهن 2100 مع المكاسر بعد

استغلال وغلاء فاحش

[راعي الطلعات]

صدقة والله
الدفع الرباعي غالي مره مالي تجربه معه بس سئلته عن تركيب ونش قال في 1300ريال ولما رحة للمميز قال بـ800 وشغل ولله الحمد مضبوط

السوافي اتعجب منه واحس انه يخدع الناس احد زملائي ركب عنده بطاريه اضافية قبل العيد بأسبوعين وبعد العيد طلعنا للبر واستخدمنا البطاريه على لمبه وحده واستخدمنا البطاريه لـ3 ساعات وبعدها خلص الشحن وشغلنا السياره من جديد وبعد 3 دقائق تقريبا من الشحن شغلنا النور من جديد وطفة اللمبه ولا كأن البطاريه جديه ولا شي مدري وش الاسباب لكن البطاريه الي يحطها سوافي رديئة مره

الي يحدنا لسوافي هو انه يفصل لك قاعده لها ويدبر لك مكان في السياره علشان البطاريه خاصه اذا كانت السياره باترول لو استطيع ان اجد المحلات الي تبعي اغراض الفاصل والاسلاك ركبتها بنفسي وبقطع اصليه والله لا يحدنا لأحد

ونسئل الله لهم الهدايه

[دانكن]

مثل ماقالوا الاخوان .. اذا الواحد اشتهر بدا يلعب بالاسعار ..

بس احس انها شغلات اضافية .. طول عمرنا نطلع للبر والحمدلله ماعمرنا احتجنا لا لبطاريات اضافية ولا للمبات معلقه في السيارة ..
.
..
.

[المحترف800]

واحد من ربعي يقولي فيه كهربائي سعودي يشتغل بنفسه وشغله ممتاز ورخيص ..

بحاول اشوف او اخذ رقمه ..

[@قرناص@]

واحد من ربعي يقولي فيه كهربائي سعودي يشتغل بنفسه وشغله ممتاز ورخيص ..

بحاول اشوف او اخذ رقمه ..

ننتظر رقم الرجال ولآهنت

[بـدر]

حنا يالعرب اذا بدينا وش زينا نرخص وتعاملنا زين .. لكن من يوم نشتهر ونصير منصا يبدا الكبر والتغلي يدب في عروقنا

كنا مايمشي على الارض احد غيرنا .. انا ماانقص من قيمتهم شي لكن انا معك ان اسعارهم مبالغ فيها جدآ جدآ جدآ

اخوي مجالس الرجال .. ورشه الدفع الرباعي اسمها بالاصل الرمايه بس شعارهم 4×4 وانت عارف الرمايه واسعارهم

انا مع كلامك 100%

ووفرت علي كلام كثير

[مطحن]

السلام عليكم ورحمة الله وبركاته،،،

اخوكم له وجهة نظر ثانية بحكم التجربة... ادفع دبل القيمة بس على شغل صح مهوب تلفيق

ركبت الونش على موتري قبل سنتين عند المهزلة "مواهب" حسب ما شفته من مدح في هذا المنتدى

وطلعته من عندهم وبعده بيومين رحت لسوافي واعادوا لي التركيب ... شغل احترافي بالكهرباء مهوب مثل "مواهب" ممدين الكيبل الاساسي على غطا المكينة وريموت الونش لازم افتح الكبوت!!!!!

اخوكم عبدالرحمن